Read Original Shona Union Bible 1949 Baiberi Magwaro Matȿene aMŋari Ɀakazarurwa 10 Bible Online

Ɀakazarurwa 10 - Original Shona Union Bible 1949 Baiberi Magwaro Matȿene aMŋari bible

Ɀakazarurwa 10

¹Ɀino ndakaʋona mumŋe mutumŋa unesimba aciɓuruka kuɗeŋga, akapfeka gore; muraraʋuŋgu wakaŋga uri pamusoro wake, ciso cake cakaŋga cakaita sezuʋa, netsoka dzake sembiru dzomŋoto.

²Wakaŋga akaɓata buku ɗuku yakazaruka muruʋoko rwake, akaisa rutsoka rwake rworudyi pamsoro peguŋgwa, norworuɓoshwe pamsoro penyika;

³akaɗanidzira nenzwi guru seshumba inorira; iye wakati aɗanidzira, kutinhira kunomŋe kukaɓuɗisa manzwi ako.

⁴Ɀino kutinhira kunomŋe kwakati kwareʋa, ndakaŋga ndonyora, ndikanzwa inzwi ricibva kuɗeŋga, riciti: Zarira ɀarebga nokutinhira kunomŋe, usaɀinyora.

⁵Ipapo mutumŋa uya wandakaʋona amire pamsoro peguŋgwa napamsoro penyika, wakasimudzira ruʋoko rwake rworudyi kuɗeŋga,

⁶akapika naiye uri mupenyu nokusiŋgaperi‐peri, wakasika ɗeŋga neɀiri’mo, nenyika neɀiri’mo, neguŋgwa neɀiri’mo, kuti ŋguʋa haiŋgazoʋi’po.

⁷Asi namazuʋa enzwi romutumŋa wecinomŋe, kana ʋoɗo‐kuridza, ɀakaʋanzika ɀaMŋari ɀicapedziswa, seɀaakaparidzira ʋaranda ʋake, iʋo ʋaprofita.

⁸Ipapo inzwi riya randakanzwa ricibva kuɗeŋga, rakataura ɀe kwandiri, riciti: Enda utore buku yakazaruka iri muruʋoko rwomutumŋa, umire pamsoro peguŋgwa napamsoro penyika.

⁹Ndikaenda kumutumŋa, ndikati kwaari: Ndipei buku ɗuku. Iye akati kwandiri: Tora, uidye; icaʋaʋisa muɗumbu mako, asi mumuromo mako icanaka soʋuci.

¹⁰Ipapo ndakatora buku ɗuku muruʋoko rwomutumŋa, ndikaidya; ikanaka mumuromo maŋgu soʋuci; asi ndakati ndaidya, muɗumbu maŋgu mukaʋaʋiswa.

¹¹Ʋakati kwandiri: Unofanira kuprofita ɀe pamsoro paʋanhu ʋazhinji, nendudzi, nendimi, namadzimambo.