Read Original Shona Union Bible 1949 Baiberi Magwaro Matȿene aMŋari Ɀakazarurwa 14 Bible Online

Ɀakazarurwa 14 - Original Shona Union Bible 1949 Baiberi Magwaro Matȿene aMŋari bible

Ɀakazarurwa 14

¹Ɀino ndakatarira, ndikaʋona Gwaiana rimire pagomo reZioni, rinaʋamŋe ʋaneɀuru ɀinezana namakumi manna naʋanna, ʋanezita raro, nezita raƂaɓa ʋaro, rakanyorwa pahuma dzaʋo.

²Ipapo ndakanzwa inzwi ricibva kuɗeŋga, senzwi remvura zhinji, ʋuye senzwi rokutinhira kukuru; nenzwi randakanzwa rakaŋga rakaita seraʋaridzi ʋoruɗimbga ʋaciridza ʋuɗimbga bgaʋo.

³Ʋakaimba rwiyo rutȿa pamberi pecigaro coʋushe, napamberi peɀisikwa ɀipenyu ɀinna, naƲakuru; hakunomunhu wakagona kudzidza rwiyo urwu, asi ʋaya ʋaneɀuru ɀinezana namakumi manna naʋanna, ʋakadzikinurwa ʋacibva panyika.

⁴Ndiʋo ʋasina‐kuȿiɓiswa naʋakadzi; nokuti ʋakanaka semhandara. Ndiʋo ʋanoteʋera Gwaiana kwose kwarinoenda. Ndiʋo ʋakadzikinurwa pakati paʋanhu, kuti ʋaʋe ɀiɓereko ɀokutaŋga kunaMŋari nokuGwaiana.

⁵Mumuromo maʋo hamuna‐kuʋonekwa nhema, haʋana‐caʋaŋgapomerwa.

⁶Ɀino ndakaʋona mumŋe mutumŋa acibururuka pakati peɗeŋga, aneEvaŋgeri isiŋgaperi, kuti aiparidzire ʋanogara panyika, namarudzi ose, nendudzi dzose, nendimi dzose, naʋanhu ʋose.

⁷Akati nenzwi guru: Ityai Mŋari, mumurumbidzei; nokuti ŋguʋa yake yokutoŋga yaȿika; namatai iye, wakasika ɗeŋga, nenyika, neguŋgwa, namatsime emvura.

⁸Ipapo mumŋe mutumŋa wakateʋera, aciti: Rawa, Rawa, Babironi, guta guru, rakanwisa marudzi ose waini yokutsamŋa kwoʋupombge bgaro.

⁹Ipapo mumŋe mutumŋa wecitatu wakateʋera, akati nenzwi guru: Kana munhu akanamata cikara nomufananidzo waco, nokugamucira ciratidzo pahuma yake kana paruʋoko rwake,

¹⁰naiye ucanwa ʋo waini yokutsamŋa kwaMŋari, yakaɗirwa isina‐kuveŋganiswa mumukombe wehasha dzake; ucatambudzwa mumŋoto nesurferi pamberi paʋatumŋa ʋatȿene, napamberi peGwaiana.

¹¹Ʋutsi bgokutambudzika kwaʋo bgunokwira nokusiŋgaperi‐peri; haʋanezororo masikati noʋusiku, iʋo ʋanonamata cikara nomufananidzo waco, nounogamucira ciratidzo cezita raco.

¹²Ndipo panokutsuŋgirira kwaʋatȿene, ʋanoceŋgeta mirairo yaMŋari nokutenda kwaJesu.

¹³Ipapo ndakanzwa inzwi ricibva kuɗeŋga, riciti: Nyora, uti: Ʋakafa, ʋanofira munaShe, ʋakaropafadzwa kubva ɀino. Hoŋo, ndiɀo ɀinotaura Mŋeya, kuti ʋazorore pakuɓata kwaʋo kukuru, nokuti maɓasa aʋo anoʋateʋera.

¹⁴Ipapo ndakatarira, ndikaʋona gore jena, nomumŋe wakaita soMŋanakomana womunhu agere pamsoro paro, anekorona yendarama pamusoro wake, naparuʋoko rwake anejeko rinopinza.

¹⁵Ɀino mumŋe mutumŋa wakaɓuɗa mutembere, akaɗanidzira nenzwi guru kunaiye wakaŋga agere pamsoro pegore, aciti: Tumai jeko renyu muceke; nokuti ŋguʋa yokuceka yaȿika, nokuti kuceka kwenyika kwaibva.

¹⁶Ipapo wakaŋga agere pamsoro pegore akakandira jeko rake panyika, nyika ikacekwa.

¹⁷Ɀino mumŋe mutumŋa wakaɓuɗa mutembere iri kuɗeŋga, naiye ʋo anejeko rinopinza.

¹⁸Nomumŋe mutumŋa wakaŋga anesimba pamsoro pomŋoto, akaɓuɗa paartari, akaɗanidzira nenzwi guru kunaiye wakaŋga anejeko rinopinza, aciti: Tumai jeko renyu rinopinza, muceke masumbu omuzambiriŋga wenyika, nokuti mazambiriŋga ayo aibva.

¹⁹Ipapo mutumŋa wakakandira jeko rake panyika, akaceka muzambiriŋga wenyika, akaɀikandira muciȿiniro cikuru cokutsamŋa kwaMŋari.

²⁰Ciȿiniro cikatsikwa kunze kweguta, ropa rikaɓuɗa muciȿiniro rikaȿika pamatomo amabiza, rikaenda mastadia anecuru cinamazana matanhatu.[5]