Read Original Shona Union Bible 1949 Baiberi Magwaro Matȿene aMŋari Ɀakazarurwa 16 Bible Online

Ɀakazarurwa 16 - Original Shona Union Bible 1949 Baiberi Magwaro Matȿene aMŋari bible

Ɀakazarurwa 16

¹Ɀino ndakanzwa inzwi guru ricibva mutembere, riciti kuʋatumŋa ʋanomŋe: Endai, mundoɗurura panyika ndiro nomŋe dzokutsamŋa dzaMŋari.

²Wokutaŋga akaenda, akaɗurura ndiro yake panyika; ronda rakaipa rinorwadza rikaʋa’po paʋanhu ʋakaŋga ʋaneciratidzo cecikara, ʋakanamata mufananidzo waco.

³Wecipiri akaɗurura ndiro yake paguŋgwa; rikashanduka ropa seromunhu wakafa; neɀipenyu ɀose ɀakaŋga ɀiri muguŋgwa ɀikafa.

⁴Wecitatu akaɗurura ndiro yake panzizi nomumatsime emvura, ikashanduka ropa.

⁵Ndikanzwa mutumŋa wemvura aciti: Imi, Makarurama, muri’po, namakaŋga muri’po, Mutȿene, nokuti makatoŋga saiɀoɀo.

⁶Nokuti ʋakaɗurura ropa raʋatȿene neraʋaprofita, mukaʋapa ropa, kuti ʋanwe; ʋakafanirwa naiɀoɀo.

⁷Ndikanzwa artari riciti: Hoŋo, Ishe, Mŋari wamasimba ose, kutoŋga kwenyu ndokwaɀokwaɗi kwakarurama.

⁸Ɀino wecinna akaɗurura ndiro yake pamsoro pezuʋa, rikapiwa simba kuti ripise ʋanhu nomŋoto.

⁹Ʋanhu ʋakapiswa nokupisa kukuru, ʋakamhura zita raMŋari, unesimba pamsoro pamaɗambudziko awa; haʋana‐kutendeʋuka, kuti ʋamukudze.

¹⁰Wecishanu akaɗurura ndiro yake pamsoro pecigaro coʋushe cecikara; ʋushe bgaco bgukaȿiɓiswa, ʋakatseŋga marimi aʋo nokurwadzwa;

¹¹ʋakamhura Mŋari wokuɗeŋga pamsoro pokurwadzwa kwaʋo namaronda aʋo; asi haʋana‐kutendeʋuka pamaɓasa aʋo.

¹²Ɀino wecitanhatu akaɗurura ndiro yake pamsoro porwizi rukuru, runonzi Yufratesi; mvura yarwo ikapxa, kuti nzira dzamadzimambo anobva kumabvazuʋa dzigadzirwe.

¹³Ipapo ndakaʋona mŋeya yetȿina mitatu yakaita samatafi icibva mumuromo weshato nomumuromo wecikara, nomumuromo womuprofita wenhema;

¹⁴nokuti ndiyo mŋeya yakaipa inoita ɀiratidzo; inoenda kumadzimambo enyika yose, kuʋakokera kukurwa pazuʋa iro guru raMŋari wamasimba ose.

¹⁵Tarira, ndinoʋuya sembava. Wakaropafadzwa unorinda, unoceŋgeta ŋguʋo dzake, kuti arege kufamba asina‐kupfeka, ʋaʋone nyadzi dzake.

¹⁶Akaʋaʋuŋganidzira panɀimbo inonzi Harmagedoni neciHeberu.

¹⁷Ɀino wecinomŋe akaɗurura ndiro yake muɗeŋga, inzwi guru rikaɓuɗa mucigaro coʋushe, riciti: Ɀapera!

¹⁸Ipapo mheni yakaʋa’po, namanzwi nokutinhira; nokuɗeŋgenyika kwenyika kukuru kwakaʋa’po; kuɗeŋgenyika kwenyika kwakakura‐kura kukaɗai hakuna‐kumboʋa’po kubva pakusikwa kwaʋanhu panyika.

¹⁹Guta guru rikakamurwa rikaita ɀikamu ɀitatu, maguta amarudzi akaputsika; Babironi guta guru rikaraŋgarirwa pamberi paMŋari, kuti ripiwe mukombe wewaini yokutsamŋa kwehasha dzake.

²⁰Ɀiwi ɀose ɀikatiza, namakomo haana‐kuwanikwa.

²¹Cimvuramabge cikuru, cinobva kuɗeŋga, cikawira pamsoro paʋanhu, kurema kwebge rimŋe nerimŋe kukaita setarenta[6]; ʋanhu ʋakamhura Mŋari nokuɗa kweɗambudziko recimvuramabge, nokuti ɗambudziko raco raiʋa guru kwaɀo.