Read Original Shona Union Bible 1949 Baiberi Magwaro Matȿene aMŋari Ɀakazarurwa 17 Bible Online

Ɀakazarurwa 17 - Original Shona Union Bible 1949 Baiberi Magwaro Matȿene aMŋari bible

Ɀakazarurwa 17

¹Ɀino mumŋe waʋatumŋa ʋanomŋe, ʋakaŋga ʋanendiro nomŋe, akaʋuya akataura neni, aciti: Ʋuya pano, ndicakuratidza kutoŋgwa kwemhombge huru, inogara pamsoro pemvura zhinji;

²madzimambo enyika akaita ʋupombge nayo, naʋanogara panyika ʋakaɓatwa newaini yoʋupombge bgayo.

³Ipapo wakandiisa kurenje mumŋeya, ndikaʋona mukadzi akataȿa cikara citȿuku, cizere namazita okumhura Mŋari, cinemisoro minomŋe nenyaŋga gumi.

⁴Mukadzi wakaŋga akapfeka ŋguʋo tȿuku neshaʋa, akashoŋga ndarama namabge anokosha, namaparera, nomuruʋoko rwake makaŋga munomudziyo wendarama uzere neɀinonyaŋgadza netȿina yoʋupombge bgake.

⁵Pahuma yake pakaŋga pakanyorwa zita rakaʋanzika iri: BABIRONI, GUTA GURU, MAI ƲEMHOMBGE NAƲEⱿINONYAŊGADZA ⱿENYIKA.

⁶Ipapo ndakaʋona mukadzi akaɓatwa neropa raʋatȿene, ʋuye neropa reɀapupu ɀaJesu; ndikati ndicimuʋona ndikashamiswa nokushamiswa kukuru.

⁷Ipapo mutumŋa akati kwandiri: Washamiswa neiko? Ndicakuʋudza ɀakaʋanzika ɀomukadzi, neɀecikara cinomutakura cinemisoro minomŋe nenyaŋga dzinegumi.

⁸Cikara cawaʋona, caiʋa’po, hacici’po; coɗo‐kukwira cicibva mugomba rakadzika‐dzika kundoparadzwa; ʋanogara panyika ʋasina‐kunyorwa mazita aʋo mubuku yoʋupenyu kubva pakusikwa kwenyika, ʋacashamiswa kana ʋaciʋona cikara, kuti caiʋa’po, hacici’po, ʋuye cicazoʋa’po.

⁹Ndipo panokufuŋga kunenjere. Misoro minomŋe ndiwo makomo manomŋe, anogarwa nomukadzi.

¹⁰Ndiwo madzimambo manomŋe; ʋashanu ʋawa, mumŋe uri’po, mumŋe ugere kuȿika; kana aciȿika, unofanira kugara ciŋguʋa ciɗuku.

¹¹Cikara caiʋa’po, cisisi’po, ndiye worusere, mumŋe waʋanomŋe, unondoparadzwa.

¹²Nyaŋga dzinegumi dzawaʋona, ndiwo madzimambo anegumi, acigere kupiwa ʋushe, asi ʋacapiwa simba samadzimambo pamŋe cete necikara ŋguʋa imŋe.

¹³Iʋo ʋanendaŋgariro imŋe, ʋanopa cikara simba raʋo noʋushe bgaʋo.

¹⁴Aʋa ʋacarwa neGwaiana, Gwaiana ricaʋakunda; nokuti iro ndiShe wamadzishe, namambo wamadzimambo; naiʋo ʋanaro ndiʋanhu ʋakaɗanwa, ʋatȿene, ʋakatendeka.

¹⁵Ɀino akati kwandiri: Mvura yawaʋona, inogarwa nemhombge, ndiʋo ʋanhu, naʋazhinji, namarudzi, nendimi.

¹⁶Nyaŋga dzinegumi dzawaʋona, necikara, ndiʋo ʋacaʋeŋga mhombge, ʋacaiparadza, nokuitorera ŋguʋo; ʋacadya nyama yayo, nokuipisa nomŋoto.

¹⁷Nokuti Mŋari wakaisa mumŋoyo yaʋo kuti ʋaite kuraŋgarira kwake, ʋaʋe nokuraŋgarira kumŋe, ʋape cikara ʋushe bgaʋo, kuȿikira mashoko aMŋari aitika.

¹⁸Mukadzi wawaʋona ndiro guta guru, rinoɓata ʋushe bgamadzimambo enyika.