Read Original Shona Union Bible 1949 Baiberi Magwaro Matȿene aMŋari Ɀakazarurwa 18 Bible Online

Ɀakazarurwa 18 - Original Shona Union Bible 1949 Baiberi Magwaro Matȿene aMŋari bible

Ɀakazarurwa 18

¹Shure kwaiɀoɀi ndakaʋona mumŋe mutumŋa aciɓuruka kuɗeŋga, anesimba guru; nyika ikavenekerwa nokubginya kwake.

²Akaɗanidzira nenzwi guru, aciti: Rawa, Rawa, Babironi, guta guru, yaʋa nɀimbo munogara mŋeya yakaipa, nenhare yemŋeya yose yetȿina, nenhare yeshiri dzose dzinetȿina dzinoʋeŋgwa.

³Nokuti marudzi ose akawa newaini yokutsamŋa kwoʋupombge bgaro, namadzimambo enyika akaita ʋupombge naro, naʋateŋgesi ʋenyika ʋakafuma nesimba rokuɀirasha kwaro.

⁴Ɀino ndakanzwa rimŋe inzwi rinobva kuɗeŋga, riciti: Ƃuɗai mariri, ʋanhu ʋaŋgu, kuti murege kuwadzana naro paɀiʋi ɀaro, mugorega kupiwa maɗambudziko aro.

⁵Nokuti ɀiʋi ɀaro ɀaȿika kuɗeŋga, Mŋari waraŋgarira ɀisakarurama ɀaro.

⁶Muritsiʋei parakakutsiʋai napo, muciriitira kaʋiri parakaɓata napo; mumudziyo iwoyo marakaɗira iro, muriɗirire kaʋiri.

⁷Parakaɀikudza nokuɀifadza napo, murirwadzise nokuricemedza; nokuti rinoti mumŋoyo maro: Ndinogara pacigaro coʋushe ndiri ʋahosi, handizi cirikadzi, handiŋgatoŋgoʋoni kucema.

⁸Saka maɗambudziko aro acaȿika nezuʋa rimŋe, rufu, nokucema, nenzara; ricapiswa kwaɀo nomŋoto, nokuti Ishe Mŋari unoritoŋga, unesimba.

⁹Madzimambo enyika, akaita ʋupombge nokuɀifadza naro, acarira nokucema pamsoro paro, kana aciʋona ʋutsi bgokupiswa kwaro;

¹⁰iʋo ʋamire kure nokutya kurwadzwa kwaro, ʋaciti: Nhamo, nhamo, newe, guta guru, iwe Babironi, guta rakasimba! Nokuti kutoŋgwa kwako kwakaȿika neŋguʋa imŋe.

¹¹Ʋateŋgesi ʋenyika ʋacarira nokucema pamsoro paro, nokuti hakucinomunhu unoteŋga nhumbi dzaʋo;

¹²nhumbi dzendarama, nesirveri, nedzamabge anokosha, nedzamaparera nedzomuceka wakanaka, nedzemiceka mitȿuku, nedzesiriki, nedzemiceka mishaʋa, namarudzi ose emiti inonhuwira, namarudzi ose emidziyo yenyaŋga dzenzou, namarudzi ose emidziyo yamatanda anokosha, nedzesafuri, nedzeɗare, nedzamabge macena;

¹³nekinamoni, nomuamumoni, neɀinonhuwira, namafuta okuzora, namafuta omuribanoni, newaini, namafuta omuorivi, noʋupfu bgakatsetseka, neɀiyo, neŋombe, namakwai, nenhumbi dzamabiza, nedzeŋgoro, nedzaʋatapxa, nedzemŋeya yaʋanhu.

¹⁴Micero yaiɗikanwa nomŋoyo wako, yakabva kwauri, neɀinhu ɀose ɀakanaka neɀinopenya, ɀakabva kwauri, ʋanhu haʋaŋgatoŋgoɀiwani ɀe.

¹⁵Ʋateŋgesi ʋeɀinhu iɀi, ʋakaŋga ʋafumiswa naro, ʋacamira kure nokutya kurwadzwa kwaro, ʋacirira nokucema,

¹⁶ʋaciti: Nhamo, nhamo, guta guru rakaŋga rakapfeka muceka wakanaka, mutȿuku nomushaʋa, rakaŋga rakashoŋga ndarama, namabge anokosha, namaparera!

¹⁷Nokuti neŋguʋa imŋe fuma huru yakaɗai yaparadzwa. Ɀino ʋafambisi ʋose ʋeɀikepe, naʋose ʋanofamba neɀikepe papi napapi, naʋafambi naʋaɓati paguŋgwa, ʋakamira kure,

¹⁸ʋakaɗanidzira ʋaciʋona ʋutsi bgokutȿa kwaro, ʋaciti: Guta rakafanana neguta iri guru nderipiko?

¹⁹Ipapo ʋakakandira guruʋa pamisoro yaʋo, ʋakaɗanidzira ʋacirira nokucema, ʋaciti: Nhamo, nhamo, guta guru, kwaifumiswa neɀinokosha ɀaro ʋose ʋaiʋa neɀikepe ɀaʋo paguŋgwa; nokuti rakaparadzwa neŋguʋa imŋe.

²⁰Farai pamsoro paro iwe ɗeŋga, nemi ʋatȿene naʋaapostora, naʋaprofita, nokuti Mŋari wakaritoŋgera kutoŋga kwenyu.

²¹Ɀino mumŋe mutumŋa unesimba akasimudza ibge rakaita seguyo guru, akarikandira muguŋgwa, aciti: Saiɀoɀo guta guru, Babironi, ricaputsirwa pasi nesimba, rikasatoŋgowanikwa ɀe.

²²Nenzwi raʋanoridza ʋuɗimbga, neraʋanoimba, neraʋanoridza nyere, neraʋanoridza hwamanda, haricatoŋgonzwiki mauri, nemhizha yeɓasa ripi neripi haicatoŋgowanikwi mauri, nenzwi reguyo haricatoŋgonzwiki mauri;

²³ciedza comŋenje hacicatoŋgovenekeri mauri, nenzwi recikomba kana romŋeŋga haricatoŋgonzwiki mauri; nokuti ʋateŋgesi ʋako ʋaiʋa ʋakuru ʋenyika; nokuti noʋuroyi bgako marudzi ose akanyeŋgerwa.

²⁴Mukati maro mukawanikwa ropa raʋaprofita neraʋatȿene, neraʋose ʋakaʋurawa panyika.