Read Original Shona Union Bible 1949 Baiberi Magwaro Matȿene aMŋari Ɀakazarurwa 2 Bible Online

Ɀakazarurwa 2 - Original Shona Union Bible 1949 Baiberi Magwaro Matȿene aMŋari bible

Ɀakazarurwa 2

¹Nyorera mutumŋa wekereke iri paEfeso, uti: Ɀanzi naiye wakaɓata nyeredzi nomŋe muruʋoko rwake rworudyi, unofamba pakati peɀigadziko ɀemŋenje ɀinomŋe ɀendarama:

²Ndinoziʋa maɓasa ako, nokutambudzika kwako, nokutsuŋgirira kwako, ʋuye kuti hauɗi kuʋonana naʋanhu ʋakaipa; wakaʋaidza iʋo ʋanoti, tiri ʋaapostora, ʋasi iʋo caiʋo, ukaʋawana ʋari ʋenhema;

³ukatsuŋgirira nokuʋa nomŋoyo murefu nokuɗa kwezita raŋgu, ukasaneta.

⁴Asi handifari necinhu ici kwauri, kuti wakasiya ruɗo rwako rwokutaŋga.

⁵Naiɀoɀo raŋgarira pawakawa, utendeʋuke, ugoita maɓasa ako okutaŋga; kana usiŋgaiti saiɀoɀo, ndicaʋuya kwauri, ndikabvisa cigadziko cako comŋenje panɀimbo yaco, kana usiŋgatendeʋuki.

⁶Asi cinhu ici unaco, kuti unoʋeŋga maɓasa aʋaNikoraiti, andinoʋeŋga neni ʋo.

⁷Unenzeʋe, ŋgaanzwe ɀinoreʋa Mŋeya kukereke; unokunda, ndicamutendera kuti adye muti woʋupenyu, uri muParadiso yaMŋari.

⁸Nyorera mutumŋa wekereke iri paSmirna, uti: Ɀanzi naiye wokutaŋga nowokupedzisira, wakaŋga afa, akararama ɀe:

⁹Ndinoziʋa kutambudzika kwako noʋurombo bgako, (asi uri mufumi), nokutuka kwaiʋo ʋanoti, tiri ʋaJuda, ʋasi iʋo caiʋo, asi isinagoge raSatani,

¹⁰usatya iɀo ɀaucatambudzika naɀo. Tarira, Diaborosi woɗo‐kuisa ʋamŋe ʋenyu mutoroŋgo, kuti muidzwe; mucatambudzika mazuʋa anegumi. Uʋe wakatendeka kuȿikira parufu, ndigokupa korona yoʋupenyu.

¹¹Unenzeʋe, ŋgaanzwe ɀinoreʋa Mŋeya kukereke; unokunda, haaŋgakuʋadzwi norufu rwecipiri.

¹²Nyorera mutumŋa wekereke iri paPergamo, uti: Ɀanzi naiye unomunondo, unopinza, unoceka kwose:

¹³Ndinoziʋa paunogara, ndi’po panecigaro coʋushe caSatani; wakaɓatisisa zita raŋgu, ukasaramba kutenda kwaŋgu, kunyaŋge napamazuʋa aAntipasi, capupu caŋgu, munhu waŋgu wakatendeka, wakaʋurawa pakati penyu, apo panogara Satani.

¹⁴Asi handifari neɀimŋe ɀinhu ɀishoma kwauri, nokuti unaʋamŋe’po ʋanoɓatisisa dzidziso yaBarami, wakadzidzisa Baraki kuisa cigumbuso pamberi paʋana ʋaIsraeri, cokuti ʋadye ɀakaɓayirwa ɀifananidzo, nokuita ʋupombge.

¹⁵Nokuɗaro unaʋamŋe ʋo ʋanoɓatisisa saiɀoɀo dzidziso yaʋaNikoraiti.

¹⁶Naiɀoɀo tendeʋuka; kana usiŋgaiti saiɀoɀo, ndicakurumidza kuʋuya kwauri, ndigorwa naʋo nomunondo womuromo waŋgu.

¹⁷Unenzeʋe, ŋgaanzwe ɀinoreʋa Mŋeya kukereke. Unokunda, ndicamupa mana yakaʋanzika, ʋuye ndicamupa ibge jena, napabge iro zita idɀa rakanyorwa’po, risiŋgazikanwi nomunhu, asi naiye unoripiwa.

¹⁸Nyorera mutumŋa wekereke iri paTiatira, uti: Ɀanzi noMŋanakomana waMŋari, unameso akafanana nomuraɀo womŋoto, netsoka dzake dzakaita sesafuri inopenya:

¹⁹Ndinoziʋa maɓasa ako, noruɗo, nokutenda, nokushumira, nokutsuŋgirira kwako, ʋuye kuti maɓasa ako okupedzisira anopfuʋura okutaŋga.

²⁰Asi handifari necinhu ici kwauri, kuti unotendera uya mukadzi Jesaberi, unoɀiidza muprofitakadzi, ʋuye unodzidzisa nokutsausa ʋaranda ʋaŋgu, kuti ʋaite ʋupombge, nokudya ɀakaɓayirwa ɀifananidzo.

²¹Ndakamupa ŋguʋa kuti atendeʋuke; akaramba kutendeʋuka pakufeʋa kwake.

²²Tarira, ndoɗa kumukandira panhoʋo, naʋanoita ʋupombge naye panhamo huru, kana ʋasiŋgatendeʋuki pamaɓasa ake.

²³Naʋana ʋake ndicaʋaʋuraya norufu; nekereke dzose dzicaziʋa kuti ndini ndinonɀera itȿo nemŋoyo; ndicapa mumŋe nomumŋe wenyu paakaɓata napo.

²⁴Asi kwamuri, imi makasara paTiatira, ʋose ʋasinedzidziso iyi, ʋasiŋgaziʋi iɀo ɀaʋanoti ɀakadzika ɀaSatani, ndinoti kwamuri: Handiŋgakutakudziyi mumŋe mutoro.

²⁵Asi ɓatisai iɀo ɀamunaɀo kuȿikira ndiciʋuya.

²⁶Unokunda aciceŋgeta maɓasa aŋgu kuȿikira pakupedzisira, ndicamupa simba pamsoro pamarudzi;

²⁷ucaafudza netȿimbo yeɗare, sehari dzomuʋumbi dzinoputsanyiwa; seɀandakapiwa ʋo naƂaɓa ʋaŋgu.

²⁸Ʋuye ndicamupa nyamasase.

²⁹Unenzeʋe, ŋgaanzwe ɀinoreʋa Mŋeya kukereke.