Read Original Shona Union Bible 1949 Baiberi Magwaro Matȿene aMŋari Ɀakazarurwa 21 Bible Online

Ɀakazarurwa 21 - Original Shona Union Bible 1949 Baiberi Magwaro Matȿene aMŋari bible

Ɀakazarurwa 21

¹Ɀino ndakaʋona ɗeŋga idɀa nenyika itȿa, nokuti ɗeŋga rokutaŋga nenyika yokutaŋga ɀakaŋga ɀapfuʋura; neguŋgwa rakaŋga risisi’po.

²Ndikaʋona guta dɀene, Jerusarema idɀa, riciɓuruka kuɗeŋga ricibva kunaMŋari, rakagadzirwa somŋeŋga wakashoŋgerwa murume wake.

³Ndikanzwa inzwi ricibva kuɗeŋga, riciti: Tarirai, tabernakeri yaMŋari iri pakati paʋanhu, iye ucagara naʋo, iʋo ʋacaʋa ʋanhu ʋake; Mŋari amene ucaʋa naʋo, aʋe Mŋari waʋo.

⁴Ucapisika misodzi yose pameso aʋo; rufu harucaʋi’po, kana kucema, kana kurira, kana kutambudzika haɀiŋgaʋi’po; nokuti ɀokutaŋga ɀapfuʋura.

⁵Wakaŋga agere pacigaro coʋushe akati: Tarirai, ndinoʋandudza ɀose. Akati: Nyora, nokuti mashoko awa aŋgatendwa, ndaaɀokwaɗi.

⁶Akati kwandiri: Ɀaitwa. Ndini Arfa neOmega, kutaŋga nokuguma. Ini ndicapa unenyota ɀinobva patsime remvura yoʋupenyu asiŋgateŋgi.

⁷Unokunda ucagara nhaka yeɀinhu iɀi; ndicaʋa Mŋari wake, iye ucaʋa mŋanakomana waŋgu.

⁸Asi kana ʋari ʋanotya, naʋasiŋgatendi naʋanyaŋgadzi, naʋaʋurayi, nemhombge, naʋaroyi, naʋanonamata ɀifananidzo, naʋose ʋanoreʋa nhema, mugoʋe waʋo uri mudziʋa rinopfuta nomŋoto nesurferi; ndirwo rufu rwecipiri.

⁹Ɀino mumŋe waʋatumŋa ʋanomŋe, ʋakaŋga ʋanendiro nomŋe dzizere namaɗambudziko manomŋe okupedzisira, wakaȿika, akataura neni, aciti: Ʋuya pano, ndigokuratidza mŋeŋga, mukadzi weGwaiana.

¹⁰Ipapo wakandiisa muMŋeya kugomo guru refu, akandiratidza guta dɀene, Jerusarema, riciɓuruka kuɗeŋga, ricibva kunaMŋari,

¹¹rinokubginya kwaMŋari; ciedza caro cakaŋga cakaita sebge rinokosha kwaɀo, sebge rejaspisi, rinoʋonekera sekristaro;

¹²rakaŋga rinoruȿiŋgo rukuru, rurefu, rakaŋga rinamasuʋo anegumi namaʋiri; naʋatumŋa ʋanegumi naʋaʋiri pamasuʋo, namazita akanyorwa pamsoro pawo, ari mazita amarudzi anegumi namaʋiri aʋana ʋaIsraeri.

¹³Kumabvazuʋa kwakaŋga kunamasuʋo matatu; kumsoro masuʋo matatu, zasi masuʋo matatu; nokumaʋirira masuʋo matatu;

¹⁴ruȿiŋgo rweguta rwakaŋga runenheyo dzinegumi nembiri; napamsoro padzo mazita aʋaapostora ʋanegumi naʋaʋiri ʋeGwaiana.

¹⁵Uyo, wakataura neni, wakaŋga anorutsaŋga rwendarama rwokuyera guta narwo, namasuʋo aro noruȿiŋgo rwaro.

¹⁶Guta rakaŋga rakaʋakwa namatiʋi manna akaenzana, kureɓa kwaro kwakaenzana nokufara kwaro; akayera guta norutsaŋga, ɀikaȿika pamastadia aneɀuru ɀinegumi neɀiʋiri[7]; kureɓa nokufara, nokukwirira kwaro ɀakaŋga ɀakaenzana.

¹⁷Akayera ruȿiŋgo rwaro, makubiti anezana namakumi manna namanna[8], neciyero comunhu, ciri ciyero comutumŋa.

¹⁸Ruȿiŋgo rwaro rwakaŋga rwakaʋakwa nejaspisi, ʋuye guta rakaŋga riri rendarama yakaiȿo‐naka, yakaʋonekera kwaɀo.

¹⁹Nheyo dzoruȿiŋgo rweguta dzakaŋga dzakashoŋgedzwa namabge amarudzi ose anokosha. Nheyo yokutaŋga yakaŋga iri yejaspisi; yecipiri yesafiri; yecitatu yekarsidoni; yecinna yesmaragdino;

²⁰yecishanu yesardoniksi; yecitanhatu yesardio; yecinomŋe yekrisoriti; yorusere yeberiri; yepfumbamŋe yetopasi; yegumi yekrisoprasi; yegumi neimŋe yehiakinti; yegumi nembiri yeametesti.

²¹Masuʋo anegumi namaʋiri akaŋga ari amaparera anegumi namaʋiri; suʋo rimŋe nerimŋe rakaŋga riri reparera rimŋe; nzira yomuguta yakaŋga iri yendarama yakaiȿo‐naka, inoita seinoʋonekera.

²²Handina‐kuʋona tembere mukati maro, nokuti Ishe Mŋari wamasimba ose neGwaiana itembere yaro.

²³Guta haritȿaki zuʋa kana mŋedzi, kuti rivenekerwe naɀo; nokuti kubginya kwaMŋari ndiko kwairivenekera, nomŋenje waro ndiro Gwaiana.

²⁴Ndudzi dzinofamba neciedza caro; madzimambo enyika anoʋuyisa kubginya kwawo mukati maro.

²⁵Masuʋo aro haaŋgatoŋgozarirwi masikati, nokuti ʋusiku habgucazoʋi’po.

²⁶Ʋacaʋuyisa mukati maro kubginya nokukudzwa kwendudzi.

²⁷Mukati maro hamuŋgatoŋgopindi cinhu cinoȿiɓisa, kana cinonyaŋgadza, kana cinenhema; asi aʋo ɓeɗzi ʋakanyorwa mubuku yoʋupenyu yeGwaiana.