Read Original Shona Union Bible 1949 Baiberi Magwaro Matȿene aMŋari Ɀakazarurwa 22 Bible Online

Ɀakazarurwa 22 - Original Shona Union Bible 1949 Baiberi Magwaro Matȿene aMŋari bible

Ɀakazarurwa 22

¹Ɀino akandiratidza rwizirwemvura yoʋupenyu, yakapenya sekristaro, inoɓuɗa pacigaro coʋushe caMŋari neceGwaiana,

²pakati penzira yaro. Kumatiʋi maʋiri orwizi kwakaŋga kunomuti woʋupenyu, unoɓereka ɀiɓereko ɀamarudzi anegumi namaʋiri, uciita ɀiɓereko ɀaro mŋedzi mumŋe nomumŋe; namashizha omuti aiʋa mushoŋga wokuporesa ndudzi.

³Hakucaʋi necinhu cakatukwa; cigaro coʋushe caMŋari neceGwaiana cicaʋa mukati maro; ʋaranda ʋake ʋacamushumira; ʋacaʋona ciso cake;

⁴ʋuye zita rake ricaʋa pahuma dzaʋo.

⁵Ʋusiku habgucazoʋi’po; haʋatȿaki ciedza comŋenje, kana ciedza cezuʋa; nokuti Ishe Mŋari ucaʋavenekera; ʋacaɓata ʋushe nokusiŋgaperi‐peri.

⁶Ɀino akati kwandiri: Mashoko awa aŋgatendwa, ndaaɀokwaɗi; Ishe, Mŋari wemŋeya yaʋaprofita, wakatuma mutumŋa wake kuti aratidze ʋaranda ʋake ɀinhu ɀoɗo‐kuitwa.

⁷Tarirai, ndokurumidza kuʋuya; unoceŋgeta mashoko okuprofita kwebuku iyi wakaropafadzwa.

⁸Ini Johane, ndini ndakanzwa, ndikaʋona iɀoɀi. Ɀino ndakati ndicinzwa, nokuʋona, ndikawira pasi kuti ndinamate pamberi petsoka dzomutumŋa wakandiratidza iɀoɀi.

⁹Akati kwandiri: Rega kuɗaro; ndiri muranda pamŋe cete newe, nehama dzako, ʋaprofita, naʋanoceŋgeta mashoko ebuku iyi; namata Mŋari.

¹⁰Ipapo akati kwandiri: Usazarira mashoko okuprofita kwebuku iyi, nokuti ŋguʋa yaʋa pedyo.

¹¹Usina‐kururama ŋgaarambe aciita ɀisakarurama; unetȿina, ŋgaarambe aciȿiɓiswa; wakarurama ŋgaarambe aciita ɀakarurama; mutȿene ŋgaarambe aciitwa mutȿene.

¹²Tarirai, ndinokurumidza kuʋuya; muɓairo waŋgu ndinawo, kuti ndipe mumŋe nomumŋe seɀaakaɓata.

¹³Ndini Arfa neOmega, wokutaŋga nowokupedzisira, kutaŋga nokuguma.

¹⁴Ʋanosuka ŋguʋo dzaʋo ʋakaropafadzwa, kuti ʋaʋe nesimba rokuʋuya kumuti woʋupenyu, ʋapinde napamasuʋo eguta.

¹⁵Kunze ndiko kunembga, naʋaroyi, nemhombge, naʋaʋurayi, naʋanonamata ɀifananidzo, naʋose ʋanoɗa nhema ʋacidziita.

¹⁶Ini Jesu, ndakatuma mutumŋa waŋgu, kuti akupupurirei iɀoɀi pakereke. Ndini mudzi worudzi rwaDavidi, nyamasase inopenya.

¹⁷Mŋeya nomŋeŋga ʋanoti: Ʋuya! Naiye unonzwa ŋgaati: Ʋuya! Unenyota ŋgaaʋuye. Unoɗa ŋgaatore mvura yoʋupenyu asiŋgateŋgi.

¹⁸Ndinopupurira mumŋe nomumŋe unonzwa mashoko okuprofita kwebuku iyi, ndiciti: Kana munhu akawedzera paɀinhu iɀi, Mŋari ucawedzera kwaari maɗambudziko akanyorwa mubuku iyi;

¹⁹kana munhu akabvisa mashoko ebuku yokuprofita uku, Mŋari ucabvisa mugoʋe wake pamuti woʋupenyu, nomuguta dɀene, napaɀinhu ɀakanyorwa mubuku iyi.

²⁰Iye unopupura iɀoɀi unoti: Hoŋo, ndinokurumidza kuʋuya. Ameni, ʋuyai Ishe Jesu.

²¹Nyasha dzaShe Jesu ŋgadziʋe naʋose. Ameni.