Read Original Shona Union Bible 1949 Baiberi Magwaro Matȿene aMŋari Ɀakazarurwa 5 Bible Online

Ɀakazarurwa 5 - Original Shona Union Bible 1949 Baiberi Magwaro Matȿene aMŋari bible

Ɀakazarurwa 5

¹Ɀino ndakaʋona muruʋoko rworudyi rwaiye wakaŋga agere pacigaro coʋushe buku yakanyorwa mukati nokunze kwayo, yakanamatidzwa neɀisimbiso ɀinomŋe.

²Ipapo ndakaʋona mutumŋa, unesimba, aciɗanidzira nenzwi guru, aciti: Ndianiko wakafanira kuti azarure buku iyi, nokusunuŋgura ɀisimbiso ɀayo?

³Asi kwakaŋga kusinomunhu kuɗeŋga napanyika, kana napasi penyika, wakagona kuzarura buku iyo, kana kutarira mairi.

⁴Ipapo ndakacema ɀikuru, ɀakusina‐kuwanikwa munhu, wakafanira kuti azarure buku, kana kutarira mairi.

⁵Ɀino mumŋe waƲakuru akati kwandiri; Usacema hako, tarira, shumba yorudzi rwaJuda, Mudzi waDavidi, yakakunda kuti izarure buku neɀisimbiso ɀayo ɀinomŋe.

⁶Ɀino ndakaʋona pakati pecigaro coʋushe neɀisikwa ɀipenyu ɀinna, napakati paƲakuru, Gwaiana rimire, rakaita serakaɓayiwa, rinenyaŋga nomŋe nameso manomŋe, iri Mŋeya minomŋe yaMŋari, yakatumŋa kunyika yose.

⁷Iro rikaʋuya, rikatora buku muruʋoko rworudyi rwaiye wakaŋga agere pacigaro coʋushe.

⁸Ɀino rakati ratora buku, ɀisikwa ɀipenyu ɀinna naƲakuru ʋanamakumi maʋiri naʋanna ʋakawira pasi pamberi peGwaiana, mumŋe nomumŋe anoruɗimbga, nendiro dzendarama, dzakaŋga dzizere neɀinonhuwira, iri minyeŋgetero yaʋatȿene.

⁹Ʋakaimba rwiyo rutȿa, ʋaciti: Ndimi makafanira kuti mutore buku nokuzarura ɀisimbiso ɀayo; nokuti makaɓayiwa, mukateŋgera Mŋari neropa renyu ʋanhu ʋanobva kumarudzi ose, nendimi dzose, naʋanhu ʋose, nendudzi dzose;

¹⁰mukaʋaitira Mŋari weɗu, kuti ʋaʋe ʋushe naʋaprista, ʋaɓate ʋushe panyika.

¹¹Ɀino ndakaʋona, ndikanzwa inzwi raʋatumŋa ʋazhinji ʋakaŋga ʋakakomberedza cigaro coʋushe neɀisikwa ɀipenyu, naƲakuru — kuwanda kwaʋo kwakaŋga kuri ɀuru ɀeɀuru neɀuru ɀamazana —

¹²ʋaciti nenzwi guru: Gwaiana rakaɓayiwa rakafanira kuti riʋigirwe ʋushe, nefuma, nokucenjera, nesimba, nokukudzwa, nokubginya, nokurumbidzwa.

¹³Ndikanzwa ɀisikwa ɀipenyu ɀose ɀiri kuɗeŋga, napanyika, neɀiri pasi penyika, napaguŋgwa, neɀose ɀiri mukati maɀo, ɀiciti: Kurumbidzwa, nokukudzwa, nokubginya, nesimba ŋgaɀiʋe kunaiye ugere pamsoro pecigaro coʋushe, nokuGwaiana nokusiŋgaperi‐peri.

¹⁴Ipapo ɀisikwa ɀipenyu ɀinna ɀakati: Ameni. Ʋakuru ʋanamakumi maʋiri naʋanna ʋo ʋakawira pasi, ʋakanamata.