Read Original Shona Union Bible 1949 Baiberi Magwaro Matȿene aMŋari Ɀakazarurwa 6 Bible Online

Ɀakazarurwa 6 - Original Shona Union Bible 1949 Baiberi Magwaro Matȿene aMŋari bible

Ɀakazarurwa 6

¹Ɀino ndakaʋona Gwaiana ricizarura cimŋe ceɀisimbiso ɀinomŋe, ndikanzwa cimŋe ceɀisikwa ɀipenyu ɀinna ciciti nenzwi romutinhiro: Ʋuya!

²Ndikatarira, ndikaʋona biza jena, naiye wakaŋga akaritaȿa, wakaŋga anoʋuta; akapiwa korona, akaɓuɗa acikunda, ʋuye kuti akunde.

³Wakati azarura cisimbiso cecipiri, ndikanzwa cisikwa cipenyu cecipiri ciciti: Ʋuya!

⁴Ipapo rimŋe biza rakaɓuɗa riri dɀuku; wakaŋga akaritaȿa akapiwa simba kuti abvise rugare panyika, kuti ʋaʋurayane; akapiwa munondo mukuru.

⁵Wakati azarura cisimbiso cecitatu, ndikanzwa cisikwa cipenyu cecitatu ciciti: Ʋuya! Ndikatarira, ndikaʋona biza ɗema; wakaŋga akaritaȿa wakaŋga aneciyereso muruʋoko rwake.

⁶Ndikanzwa inzwi pakati peɀisikwa ɀipenyu ɀinna, riciti: Ciyero[1] ceɀiyo cicateŋgwa nedenari[2], neɀiyero[3] ɀitatu ɀebari nedenari[4]; usatadzira mafuta newaini.

⁷Wakati azarura cisimbiso cecinna, ndikanzwa inzwi recisikwa cipenyu cecinna riciti: Ʋuya!

⁸Ndikatarira, ndikaʋona biza rakacenuruka; wakaŋga akaritaȿa, zita rake Rufu; ʋuye Hadesi rakamuteʋera. Iʋo ʋakapiwa simba pamsoro pececinna cenyika, kuti ʋaʋuraye nomunondo, nenzara, norufu, neɀikara ɀenyika.

⁹Wakati azarura cisimbiso cecishanu, ndikaʋona panyasi peartari mŋeya yaʋanhu ʋakaŋga ʋaʋurawa nokuɗa kweshoko raMŋari, nokupupura kwaʋo kwaʋakapupura;

¹⁰ʋakaɗana nenzwi guru ʋaciti: Tenzi mutȿene waɀokwaɗi, mucarega kutoŋga ʋanogara panyika nokuʋatsiʋa ropa reɗu kuȿikira riniko?

¹¹Ipapo mumŋe nomumŋe waʋo wakapiwa ŋguʋo cena; ʋakaʋudzwa kuti ʋambozorora ciŋguʋa ciɗuku, kuȿikira ʋamŋe ʋaranda pamŋe cete naʋo nehama dzaʋo, dzaifanira kuʋurawa saiʋo, ʋariŋganiswa ʋose.

¹²Ɀino ndakaʋona pakuzarura kwake cisimbiso cecitanhatu, kwakaŋga kunokuɗeŋgenyika kwenyika kukuru, zuʋa rikaȿiɓa segudza remvere, mŋedzi wose ukaita seropa;

¹³nenyeredzi dzeɗeŋga dzikawira pasi, somuʋonde unozuza magaŋga awo, kana ucizunuŋguswa nomututu mukuru.

¹⁴Ƌeŋga rikabva sebuku, kana icipetwa; namakomo ose neɀiwi ɀose ɀakabviswa panɀimbo dzaɀo.

¹⁵Namadzimambo enyika, naʋakuru, naʋatuŋgamiriri ʋehondo, naʋafumi, naʋanesimba, naʋaranda ʋose, naʋakasunuŋguka ʋose, ʋakandoʋanda mumapako nomumabge amakomo;

¹⁶ʋakati kumakomo nokumabge: Tiwirei, mutiʋige pameso aiye unogara pacigaro coʋushe, napakutsamŋa kweGwaiana;

¹⁷nokuti zuʋa guru rokutsamŋa kwaʋo raȿika; ndianiko unogona kumira?