Read Original Shona Union Bible 1949 Baiberi Magwaro Matȿene aMŋari Ɀakazarurwa 7 Bible Online

Ɀakazarurwa 7 - Original Shona Union Bible 1949 Baiberi Magwaro Matȿene aMŋari bible

Ɀakazarurwa 7

¹Shure kwaiɀoɀi ndakaʋona ʋatumŋa ʋanna, ʋamire kumatiʋi manna enyika, ʋakaɓata mhepo inna dzenyika, kuti mhepo irege kurira panyika, kana paguŋgwa, kana pamiti yose.

²Ipapo ndakaʋona mumŋe mutumŋa acikwira acibva kumabvazuʋa, anecisimbiso caMŋari mupenyu; akaɗana nenzwi guru kuʋatumŋa ʋanna, ʋaya ʋakaŋga ʋapiwa simba kuti ʋatadzire nyika neguŋgwa,

³aciti: Musatadzira nyika, kana guŋgwa, kana miti, kuȿikira taisa cisimbiso pahuma dzaʋaranda ʋaMŋari.

⁴Ndikanzwa kuwanda kwaʋakaiswa cisimbiso; ʋaneɀuru ɀinezana namakumi manna neɀinna, ʋakaiswa cisimbiso ʋacibva kumarudzi ose aʋana ʋaIsraeri.

⁵Kurudzi rwaJuda ʋakaiswa cisimbiso ʋaneɀuru ɀinegumi neɀiʋiri; Kurudzi rwaRubeni ʋaneɀuru ɀinegumi neɀiʋiri; Kurudzi rwaGadi ʋaneɀuru ɀinegumi neɀiʋiri;

⁶Kurudzi rwaAseri ʋaneɀuru ɀinegumi neɀiʋiri; Kurudzi rwaNeftarimi ʋaneɀuru ɀinegumi neɀiʋiri; Kurudzi rwaManase ʋaneɀuru ɀinegumi neɀiʋiri;

⁷Kurudzi rwaSimeoni ʋaneɀuru ɀinegumi neɀiʋiri; Kurudzi rwaRevi ʋaneɀuru ɀinegumi neɀiʋiri; Kurudzi rwaIsakari ʋaneɀuru ɀinegumi neɀiʋiri;

⁸Kurudzi rwaZaburoni ʋaneɀuru ɀinegumi neɀiʋiri; Kurudzi rwaJosefa ʋaneɀuru ɀinegumi neɀiʋiri; Kurudzi rwaBenjamini ʋakaiswa cisimbiso ʋaneɀuru ɀinegumi neɀiʋiri.

⁹Shure kwaiɀoɀo ndakatarira, ndikaʋona ʋazhinji‐zhinji ʋasiŋgagoni kuʋereŋgwa nomunhu, ʋakabva kundudzi dzose, namarudzi, naʋanhu, nendimi, ʋamire pamberi pecigaro coʋushe, napamberi peGwaiana, ʋakapfeka ŋguʋo cena, ʋakaɓata micindwe mumaʋoko aʋo;

¹⁰ʋakaɗanidzira nenzwi guru, ʋaciti: Ruponeso ŋgaruʋe kunaMŋari unogara pacigaro coʋushe, nokuGwaiana.

¹¹Ipapo ʋatumŋa ʋose ʋakamira, ʋakakomba cigaro coʋushe, naƲakuru, neɀisikwa ɀipenyu ɀinna, ʋakawira pasi neciso pamberi pecigaro coʋushe, ʋakanamata Mŋari,

¹²ʋaciti: Ameni: Kurumbidzwa, nokubginya, nokucenjera, nokuʋoŋga, nokukudzwa, noʋushe, nesimba, ŋgaɀiʋe kunaMŋari nokusiŋgaperi‐peri. Ameni!

¹³Ipapo mumŋe waƲakuru wakapindura, akati kwandiri: Aʋa ʋakapfeka ŋguʋo cena ndiʋananiko? Ʋakabvepiko?

¹⁴Ndikati kwaari: Ishe waŋgu, imi munoziʋa. Akati kwandiri: Ndiʋo ʋanobva kukutambudzika kukuru, ʋakasuka ŋguʋo dzaʋo ʋakadzicenesa muropa reGwaiana.

¹⁵Naiɀoɀo ʋari pamberi pecigaro coʋushe caMŋari, ʋanomushumira masikati noʋusiku mutembere yake; iye, unogara pacigaro coʋushe, ucaʋadzitira netabernakeri.

¹⁶Haʋacazoziyi nenzara, haʋacazofi nenyota; haʋaŋgapiswi nezuʋa kana nokumŋe kupisa;

¹⁷nokuti Gwaiana riri pakati pecigaro coʋushe ricaʋafudza, ricaʋatuŋgamirira kumatsime emvura yoʋupenyu; Mŋari ucapisika misodzi yose kumeso aʋo.