Read Original Shona Union Bible 1949 Baiberi Magwaro Matȿene aMŋari Ɀakazarurwa 8 Bible Online

Ɀakazarurwa 8 - Original Shona Union Bible 1949 Baiberi Magwaro Matȿene aMŋari bible

Ɀakazarurwa 8

¹Wakati azarura cisimbiso cecinomŋe, kunyarara kukaʋa’po kuɗeŋga kuneŋge sehafu yeŋguʋa.

²Ipapo ndakaʋona ʋatumŋa ʋanomŋe ʋamire pamberi paMŋari; ʋakapiwa hwamanda nomŋe.

³Ɀino mumŋe mutumŋa wakaʋuya, akamira paartari, anomudziyo wendarama weɀinonhuwira; akapiwa ɀinouhuwira ziɀhinji kuti aɀiise pamŋe cete neminyeŋgetero yaʋatȿene ʋose pamsoro peartari yendarama, yakaŋga iri pamberi pecigaro coʋushe.

⁴Ʋutsi bgeɀinonhuwira bgukakwira pamberi paMŋari bgucibva muruʋoko rwomutumŋa pamŋe cete neminyeŋgetero yaʋatȿene.

⁵Mutumŋa akatora mudziyo weɀinonhuwira, akauzadza nomŋoto weartari, akaukandira panyika; ipapo kwakaʋuya kutinhira, namanzwi, nemheni, nokuɗeŋgenyika kwenyika.

⁶Ipapo ʋatumŋa ʋanomŋe, ʋakaŋga ʋanehwamanda nomŋe, ʋakaɀigadzira kuti ʋaridze.

⁷Wokutaŋga wakaridza, kukaʋuya cimvuramabge nomŋoto ɀakaveŋganiswa neropa, ɀikakandirwa panyika; ipapo cetatu cenyika cikatȿa, necetatu cemiti cikatȿa, noʋuswa bgutema bgose bgakatȿa.

⁸Ɀino mutumŋa wecipiri wakaridza, cimŋe cakaita segomo guru rinopfuta nomŋoto cikakandwa muguŋgwa; ipapo cetatu ceguŋgwa cikashanduka ropa;

⁹cetatu ceɀisikwa ɀakaŋga ɀiri muguŋgwa ɀikafa, iɀo, ɀakaŋga ɀinoʋupenyu; necetatu ceɀikepe cikaparadzwa.

¹⁰Ɀino mutumŋa wecitatu wakaridza, nyeredzi huru, yakapfuta sezhenje, ikawa kuɗeŋga, ikawira pamsoro pecetatu cenzizi napamatsime emvura;

¹¹zita renyeredzi rakaŋga ricinzi, Cinoʋaʋa; ipapo cetatu cemvura cikaʋaʋiswa, ʋanhu ʋazhinji ʋakafa nemvura, nokuti yakaŋga yaʋaʋiswa.

¹²Ɀino mutumŋa wecinna wakaridza, cetatu cezuʋa cikarobga, necetatu comŋedzi, necetatu cenyeredzi, kuti cetatu caɀo ciȿiɓiswe, ʋuye kuti cetatu camasikati cirege kuvenekera, noʋusiku saiɀoɀo.

¹³Ipapo ndakatarira, ndikanzwa gondo rimŋe ricibururuka pakati peɗeŋga, riciti nenzwi guru: Nhamo, nhamo, nhamo, kunaʋanogara panyika, nokuɗa kwamanzwi mamŋe ehwamanda aʋatumŋa ʋatatu ʋacazoridza.