Read Original Shona Union Bible 1949 Baiberi Magwaro Matȿene aMŋari Rute 1 Bible Online

Rute 1 - Original Shona Union Bible 1949 Baiberi Magwaro Matȿene aMŋari bible

Rute 1

¹Ɀino namazuʋa okutoŋga kwaʋatoŋgi nzara yakaŋga iri’po panyika. Mumŋe murume weBeti‐rehemi‐juda akandogara panyika yaMoabi, iye nomukadzi wake naʋanakomana ʋake ʋaʋiri.

²Zita romurume rakaŋga riri Erimereki, nezita romukadzi wake Naome; mazita aʋanakomana ʋake ʋaʋiri aiʋa Maroni naKirioni, ʋaEfrata ʋeBeti‐rehemi‐juda. Iʋo ʋakaȿika panyika yaMoabi, ʋakagara’ko.

³Ɀino Erimereki murume waNaome, akafa, iye akasiyiwa naʋanakomana ʋake ʋaʋiri.

⁴Iʋo ʋakaɀiwanira ʋakadzi kuʋaMoabi; zita romumŋe raiʋa Orpa, nezita romumŋe Rute; ʋakagara’ko makore aneŋge gumi.

⁵Maroni naKirioni ʋakafa ʋo, ʋose ʋari ʋaʋiri, mukadzi akasiyiwa asinaʋanakomana ʋake ʋaʋiri nomurume wake.

⁶Ipapo akasimuka naʋakadzi ʋaʋana ʋake, aciɗa kubva kunyika yaMoabi; nokuti wakaŋga anzwa aciri panyika yaMoabi, kuti Jehova wakaraŋgarira ʋanhu ʋake, akaʋapa ɀokudya.

⁷Akabva kwaakaŋga ari naʋakadzi ʋaʋana ʋake ʋaʋiri, ʋakafamba nenzira inodzokera kunyika yaJuda.

⁸Ɀino Naome akati kuʋakadzi ʋaʋana ʋake ʋaʋiri: Endai, dzokerai mumŋe nomumŋe kumba kwamai ʋake; Jehova ŋgaakuitirei ɀakanaka, seɀamakaitira ʋakafa neni ʋo.

⁹Jehova ŋgaakuzorodzei, mumŋe nomumŋe mumba momurume wake. Akaʋaȿeta, iʋo ʋakacema kwaɀo.

¹⁰Ʋakati kwaari: Kwete, ticaenda nemi kana modzokera kuʋanhu ʋenyu.

¹¹Naome akati: Dzokai, ʋana ʋaŋgu, mucaendireiko neni? Ini ndicinaʋamŋe ʋanakomana mumuʋiri waŋgu ʋaŋgazoʋa ʋarume ʋenyu here?

¹²Dzokai, ʋana ʋaŋgu, endai henyu, nokuti ini ndacembera, handiŋgawanikwi nomurume ɀe. Kunyaŋge ndikati: Ndicinetariro kuti ndiŋgaɓereka ʋanakomana, kana ndaiʋa nomurume ʋusiku bguno,

¹³muŋgaʋamirira kuȿikira ʋakura here? Muŋgaramba kuwanikwa naʋamŋe ʋarume naiɀoɀo here? Kwete, ʋana ʋaŋgu, nokuti ndineshuŋgu kwaɀo nokuɗa kwenyu, nokuti ruʋoko rwaJehova runorwa neni.

¹⁴Ipapo ʋakacema ɀe kwaɀo, Orpa akaȿeta ʋamŋene ʋake, asi Rute wakaʋanamatira.

¹⁵Akati: Tarira, ʋakoma ʋako ʋadzokera kuʋanhu ʋako, nokumŋari wake; dzoka newe ʋo, uteʋere ʋakoma ʋako.

¹⁶Rute akati: Musandirwaririra kuti ndikusiyei, ndirege kukuteʋerai; nokuti pamunoenda, neni ndicaenda’po ʋo; pamunoʋata, neni ndicaʋata’po ʋo; ʋanhu ʋenyu ʋacaʋa ʋanhu ʋaŋgu, naMŋari wenyu ucaʋa Mŋari waŋgu;

¹⁷pamunondofira, ndi’po pandicandofira neni ʋo, ndi’po pandicaʋigwa ʋo; Jehova ŋgaandiroʋe, arambe aciɗaro, kana imi neni tikaparadzaniswa necinhu, asi norufu ɓedzi.

¹⁸Ɀino wakati aciʋona kuti watsuŋgirira kwaɀo kuenda naye, akarega kuzotaura naye.

¹⁹Naiɀoɀo iʋaʋo ʋaʋiri ʋakafamba kuȿikira paBeti‐rehemi. Ɀino ʋakati ʋaciȿika paBeti‐rehemi, guta rose rikashamiswa pamsoro paʋo; ʋakadzi ʋakati: Uyu ndiye Naome here?

²⁰Akati kwaʋari: Regai kundiidza Naome, asi mundiidze Mara, nokuti Wamasimba‐ose wakandiitira ɀinoʋaʋa kwaɀo.

²¹Ndakaɓuɗa ndizere, Jehova akandidzosera ɀe kumusha ndisinecinhu; munondiidzireiko Naome, Jehova ɀaakandipupurira mhoȿa, Wamasimba‐ose ɀaakandimanikidza?

²²Naiɀoɀo Naome akadzoka naRute muMoabi, mukadzi womŋana wake, ʋacibva kunyika yaMoabi; ʋakaȿika paBeti‐rehemi ʋanhu ʋotaŋga kukohwa bari.