Read Original Shona Union Bible 1949 Baiberi Magwaro Matȿene aMŋari Rute 4 Bible Online

Rute 4 - Original Shona Union Bible 1949 Baiberi Magwaro Matȿene aMŋari bible

Rute 4

¹Ɀino Boazi wakakwira kusuʋo, akagara pasi’po; hama yomumba yakaŋga yarebga naBoazi, ndokupfuʋura napo; akati kwaari: Nhai’we, tsaukira ʋuno, ugare pasi. Iye akatsauka, akagara pasi.

²Akatora ʋarume ʋanegumi kuʋakuru ʋeguta, akati: Garai pasi pano. Iʋo ʋakagara pasi.

³Ɀino akati kuhama yomumba: Naome, uya wakadzoka acibva kunyika yaMoabi, unoɗa kuteŋgesa mugoʋe wenyika waiʋa womunuŋuna weɗu Erimereki;

⁴ndakati ndicakuʋudza iɀoɀo, ndiciti: Ciuteŋga pamberi paʋanhu ʋagere pano, napamberi paʋakuru ʋaʋanhu ʋaŋgu. Kana uciɗa kuudzikinura, ndiʋudze, ciudzikinura hako, asi kana usiŋgaɗi kuudzikinura, ndiʋudze, ndiziʋe, nokuti hakuna‐uŋgaudzikinura asi iwe; unokuteʋera ndini. Akati: Ndicaudzikinura ini.

⁵Ɀino Boazi akati: Zuʋa iro raunoteŋga munda uyo kunaNaome, unofanira kuuteŋga ʋo kunaRute muMoabi, mukadzi wowakafa, kuti umutse zita rowakafa panhaka yake.

⁶Hama iyo yomumba ikati: Handigoni kuɀidzikinurira uyo, kuti ndirege kutadzira nhaka yaŋgu; citora hako iwe simba raŋgu rokudzikinura, nokuti ini handigoni kuudzikinura.

⁷Ɀino iyi ndiyo tsika yakaŋga iri’po kare pakati paʋaIsraeri kana ʋacidzikinura nokutsinhanha, kuti ɀose ɀisimbiswe: Munhu waibvisa shaŋgu yake, ndokuipa hama yake; ndiwo waiʋa mutoʋo wokupupura nawo paʋaIsraeri.

⁸Ɀino hama iyo yomumba ikati kunaBoazi: Ciɀiteŋgera hako uyo. Akabvisa shaŋgu yake.

⁹Ɀino Boazi akati kuʋakuru nokuʋanhu ʋose: Imi muri ɀapupu nhasi, kuti ndateŋga kunaNaome ɀose ɀaiʋa ɀaErimereki, neɀose ɀaiʋa ɀaKirioni neɀaMaroni.

¹⁰Ndateŋga ʋo Rute muMoabi, mukadzi waMaroni, kuti aʋe mukadzi waŋgu, kuti ndimutse zita rowakafa panhaka yake, zita rowakafa rirege kuroʋa pakati pehama dzake napasuʋo renɀimbo yake; imi muri ɀapupu nhasi.

¹¹Ɀino ʋanhu ʋose ʋakaŋga ʋari pasuʋo naʋakuru ʋakati: Tiri ɀapupu heɗu. Jehova ŋgaaite mukadzi uyu waʋuya kumba kwako saRakeri ʋuye saRea, iʋo ʋaʋiri ʋakaʋaka imba yaIsraeri; newe ʋo uʋe nesimba paEfrata, ukurumbire paBeti‐rehemi;

¹²imba yako iʋe seimba yaPerezi, wakaɓerekerwa Juda naTamari, naʋana ʋaucapiwa naJehova kumukadzi uyu uciri muɗuku.

¹³Ipapo Boazi akawana Rute, akaʋa mukadzi wake, akapinda kwaari, Jehova akamutoresa mimba, akapona mŋanakomana.

¹⁴Ɀino ʋakadzi ʋakati kunaNaome: Jehova ŋgaakudzwe, usina‐kukushaisa hama yomumba nhasi, zita rake rikurumbire pakati paIsraeri.

¹⁵Ucaʋa kwauri muraramisi woʋupenyu, nomuriritiri woʋucembere bgako; nokuti mukadzi womŋana wako uyu, unokuɗa, unopfuʋura ʋanakomana ʋanomŋe kwauri, ndiye wakamuɓereka.

¹⁶Ɀino Naome akatora mŋana, akamufuŋgatira pacifuʋa cake, akaʋa mureri wake.

¹⁷Ʋakadzi ʋakaŋga ʋagere naye ʋakamutumidza zita, ʋaciti: Naome wakaponerwa mŋanakomana; ʋakamutumidza zita rinonzi Obedi; ndiye wakazoʋa ɓaɓa ʋaJese, ɓaɓa ʋaDavidi.

¹⁸Ɀino ndiwo marudzi aPerezi: Perezi wakaɓereka Hezroni;

¹⁹Hezroni akaɓereka Rami, Rami akaɓereka Aminadabi;

²⁰Aminadabi akaɓereka Nashoni, Nashoni akaɓereka Sarmoni;

²¹Sarmoni akaɓereka Boazi, Boazi akaɓereka Obedi;

²²Obedi akaɓereka Jese, Jese akaɓereka Davidi.