Read Original Shona Union Bible 1949 Baiberi Magwaro Matȿene aMŋari I Samueri 10 Bible Online

I Samueri 10 - Original Shona Union Bible 1949 Baiberi Magwaro Matȿene aMŋari bible

I Samueri 10

¹Ɀino Samueri akatora cinu camafuta, akaaɗurura pamusoro wake, akamuȿeta, akati: Jehova haana‐kukuzodza here kuti uʋe mutuŋgamiriri waʋanhu ʋenhaka yake?

²Kana ukabva kwandiri nhasi, ucandowana ʋarume ʋaʋiri parinda raRakeri, pamuganho waBenjamini, paZerza; iʋo ʋacati kwauri: Mboŋgoro dzawakaŋga ucitȿaka dzawanikwa; ɀino tarira, ɓaɓa ʋako haʋacinehanya nemboŋgoro, asi ʋofuŋganya pamsoro pako, ʋaciti: Ndicaita seiko pamsoro pomŋanakomana waŋgu?

³Ɀino ucabva’po ukapfuʋura mberi, ukaȿika pamuouki weTabori; ipapo ucasoŋgana naʋarume ʋatatu ʋanokwira kunaMŋari paBeti‐eri, mumŋe akatakura mbudzana nhatu, mumŋe akatakura mapundu matatu eɀiŋgwa, ʋuye mumŋe akatakura ɗende rewaini;

⁴iʋo ʋacakukwazisa, ndokukupa mapundu maʋiri eɀiŋgwa; ugamucire iɀoɀo pamaʋoko aʋo.

⁵Pashure ucaȿika pagomo raMŋari, paneɓoka raʋarwi raʋaFiristia; ɀino kana uciȿika paguta, ucasoŋgana neɓoka raʋaprofita ʋanoɓuruka paɗunhu rakakwirira ʋakatuŋgamirirwa nemiteŋgeranwa, neŋgoma, nenyere, nembira, ʋaciŋgoprofita;

⁶ipapo Mŋeya waJehova ucaʋuya pamsoro pako nesimba, ukaprofita pamŋe cete naʋo, ukashanduka ukaʋa mumŋe munhu.

⁷Ɀino kana ɀiratidzo iɀi ɀikaʋonekwa newe, uite cinhu cipi necipi caunoratidzwa kuti uciite, nokuti Mŋari unewe.

⁸Ɀino undituŋgamirire Girgari; tarira, ini ndicaɓurukira kwauri, kuti ndiɓayire ɀipiriso ɀinopiswa neɀipiriso ɀokuyananisa; unofanira kundimirira mazuʋa manomŋe, kuȿikira ndaʋuya kwauri, ndikuratidze ɀaunofanira kuita.

⁹Ɀino wakati atendeʋuka, obva kunaSamueri, Mŋari akamupa mumŋe mŋoyo; ɀiratidzo iɀo ɀose ɀikaitika nomusi iwoyo.

¹⁰Ʋakati ʋaciȿika pagomo, ɓoka raʋaprofita rikasoŋgana naye; Mŋeya waMŋari akaʋuya pamsoro pake nesimba, akaprofita pakati paʋo.

¹¹Ɀino ʋose ʋaimuziʋa kare ʋakati ʋaciʋona iɀoɀo, kuti woprofita pamŋe cete naʋo, ʋanhu ʋakataurirana, ʋakati: Cinyiko cawira mŋanakomana waKishi? Sauro waʋa pakati paʋaprofita ʋo here?

¹²Ɀino mumŋe wa’po akapindura, akati: Ƃaɓa ʋaʋo ndianiko? Naiɀoɀo yakazoʋa shumo kuti: Ko Sauro waʋa pakati paʋaprofita here?

¹³Akati apedza kuprofita, akaȿika paɗunhu rakakwirira.

¹⁴Ƃaɓamunini ʋaSauro ʋakati kwaari, nokumuranda wake: Makaŋga maendepiko? Akati: Kundotȿaka mboŋgoro, asi takati ticiʋona kuti hadziwanikwi, tikaenda kunaSamueri.

¹⁵Ƃaɓamunini ʋaSauro ʋakati: Ƌondiʋudza ʋo ɀamakaʋudzwa naSamueri.

¹⁶Ipapo Sauro akati kunaɓaɓamunini ʋake: Wakatiʋudza pacena, kuti mboŋgoro dzatowanikwa hadzo. Asi haana‐kumuʋudza shoko roʋushe rakaŋga rataurwa naSamueri.

¹⁷Ɀino Samueri akakoka ʋanhu kunaJehova paMizpa,

¹⁸akati kuʋana ʋaIsraeri: Ɀanzi naJehova, Mŋari waIsraeri: Ndakaɓuɗisa ʋana ʋaIsraeri paEgipita, ndikakurwirai pamaʋoko aʋaEgipita, napamaʋoko amadzimambo ose aikuremedzai;

¹⁹asi nhasi maramba Mŋari wenyu, iye unokuponesai amene panjodzi dzenyu dzose nenhamo dzenyu, mukati kwaari: Kwete, asi tigadzire mambo uŋgatiɓata. Naiɀoɀo ɀino ʋuŋganai pamberi paJehova namarudzi enyu ʋuye neɀuru ɀenyu.

²⁰Naiɀoɀo Samueri akasweɗedza marudzi ose aIsraeri, rudzi rwaBenjamini rukaɓatwa.

²¹Akasweɗedza rudzi rwaBenjamini, nedzimba dzarwo, imba yaMatri ikaɓatwa; ipapo Sauro mŋanakomana waKishi akaɓatwa; asi ʋakati ʋomutȿaka, akashaikwa.

²²Naiɀoɀo ʋakabvunza ɀe Jehova, ʋakati: Iye munhu uri pano here? Jehova akapindura, akati: Tarirai, waʋanda pakati penhumbi.

²³Ipapo ʋakamhanya ʋakamutora’po; ɀino wakati amira pakati paʋanhu, akapfuʋura ʋanhu ʋose pakureɓa kubva pamafudzi ake kuȿika kumusoro wake.

²⁴Samueri akati kuʋanhu ʋose: Munoʋona wakatsaurwa naJehova, kuti hakuna‐wakafanana naye pakati paʋanhu ʋose here? Ʋanhu ʋose ʋakaɗanidzira, ʋaciti: Mambo ŋgaararame.

²⁵Ɀino Samueri akaʋudza ʋanhu tsika dzoʋushe, akadzinyora mubuku, akaɀiceŋgeta pamberi paJehova. Samueri akaendisa ʋanhu ʋose mumŋe nomumŋe kumba kwake.

²⁶NaSauro ʋo wakaenda kumba kwake paGibea, ʋuye ʋarume ʋose ʋoʋumhare ʋakaŋga ʋaɓayiwa mŋoyo yaʋo naMŋari ʋakaenda ʋo naye.

²⁷Asi ʋamŋe ʋakaiȿo‐ipa ʋakati: Munhu uyu uŋgatiponesa seiko? Ʋakamushoʋora, ʋakasamuʋigira ɀipo. Asi iye wakaramba anyerere hake.