Read Original Shona Union Bible 1949 Baiberi Magwaro Matȿene aMŋari I Samueri 11 Bible Online

I Samueri 11 - Original Shona Union Bible 1949 Baiberi Magwaro Matȿene aMŋari bible

I Samueri 11

¹Ɀino Nahashi muAmoni wakakwira akaʋaka misasa yake paJabeshi‐gireadi kuzorwa naro; ɀino ʋarume ʋose ʋeJabeshi ʋakati kunaNahashi: Itai suŋgano nesu, tikushumirei.

²Nahashi muAmoni akati kwaʋari: Ndicatenda kuita suŋgano nemi kana meso enyu ose orudyi acitumburwa, kuti ndinyadze ʋaIsraeri ʋose naɀo.

³Ʋakuru ʋeJabeshi ʋakati kwaari: Titenderei mazuʋa manomŋe, titume nhume kunyika yose yaIsraeri; ɀino kana pasina‐uŋgatiponesa, ticaɓuɗa kwauri.

⁴Ɀino nhume dzikaȿika paGibea, kwaSauro, dzikataura mashoko iwayo kuʋanhu; ʋanhu ʋose ʋakacema kwaɀo.

⁵Ɀino Sauro wakabva kumunda acitinha ŋombe dzake; Sauro akati: Ʋanhu ʋanonzweiko ɀaʋanocema kuɗai? Akaʋudzwa mashoko aʋarume ʋeJabeshi.

⁶Ipapo Mŋeya waMŋari wakaʋuya pamsoro paSauro nesimba, acinzwa mashoko iwayo, kutsamŋa kwake kukamutswa kwaɀo.

⁷Akatora nzombe mbiri, akadziguranya, ndokutuma nhindi idzo kunyika yose yaIsraeri namaʋoko enhume, akati: Aninani unoramba kuɓuɗa nokuteʋera Sauro naSamueri, ucaitirwa nzombe dzake saiɀoɀo. Ɀino kutya, kwakabva kunaJehova, kwakaɓata ʋanhu, ʋakaɓuɗa ʋose‐ʋose.

⁸Iye akaʋaʋereŋga paBezeki; ʋana ʋaIsraeri ʋakaȿika ɀuru ɀinamazana matatu, naʋarume ʋaJuda ɀuru ɀinamakumi matatu.

⁹Ʋakati kunhume dzakaʋuya: Ʋudzai ʋarume ʋeJabeshi‐gireadi, muti: Maŋgwana kana zuʋa ropisa, mucarwirwa. Nhume dzikaenda, dzikaʋudza ʋarume ʋeJabeshi, iʋo ʋakafara.

¹⁰Naiɀoɀo ʋarume ʋeJabeshi ʋakati: Maŋgwana ticaɓuɗa kwamuri, mutiitire henyu seɀamunoɗa.

¹¹Fume maŋgwana Sauro akagadzira ʋanhu, akaʋaita mapoka matatu, ʋakapinda pakati pemisasa neŋguʋa yamaŋgwanani, ʋakaʋuraya ʋaAmoni kuȿikira zuʋa ropisa; ɀino ʋakasara ʋakaparadzirwa, hakuna‐kusara ʋaʋiri pamŋe cete.

¹²Ɀino ʋanhu ʋakati kunaSamueri: Ndianiko wakati: Sauro uŋgatiɓata ʋushe here? Hendei, tiʋaʋuraye.

¹³Sauro akati: Ŋgakurege kuʋurawa munhu mumŋe nhasi, nokuti Jehova wakarwira Israeri.

¹⁴Ɀino Samueri akati kuʋanhu: Hendei Girgari, tindoʋandudza ʋushe ipapo.

¹⁵Ʋanhu ʋose ʋakaenda Girgari, ʋakagadza Sauro aʋe mambo waʋo pamberi paJehova paGirgari, ʋakaɓayira’po ɀiɓayiro ɀeɀipiriso ɀokuyananisa pamberi paJehova; Sauro naʋarume ʋose ʋaIsraeri ʋakafara kwaɀo ipapo.