Read Original Shona Union Bible 1949 Baiberi Magwaro Matȿene aMŋari I Samueri 14 Bible Online

I Samueri 14 - Original Shona Union Bible 1949 Baiberi Magwaro Matȿene aMŋari bible

I Samueri 14

¹Ɀino rimŋe zuʋa Jonatani mŋanakomana waSauro akati kujaya raiɓata nhumbi dzake dzokurwa nadzo: Hendei tiyambukire kuɓoka raʋarwi ʋaʋaFiristia ʋari mhiri uko. Asi haana‐kuʋudza ɓaɓa ʋake.

²Sauro wakaŋga agere pamugumo weGibea, pasi pomutamba wakaŋga uri paMigroni; wakaŋga anaʋarume ʋaneŋge mazana matanhatu naye.

³Ahija, mŋanakomana waAhitubi, mukuru waIkabodi, mŋanakomana waPinehasi, mŋanakomana waEri, wakaŋga ari muprista waJehova paShiro, akafuka efodi. Ʋanhu ʋakaŋga ʋasiŋgaziʋi kuti Jonatani waenda.

⁴Ɀino pakati pemipata, Jonatani paakaŋga aciɗa kuyambukira napo mhiri kuɓoka raʋarwi ʋaʋaFiristia, pakaŋga paneshoŋgwe yebge kurutiʋi rumŋe, neshoŋgwe yebge ɀe kunorumŋe rutiʋi; zita reimŋe rakaŋga riri Bozezi, nezita reimŋe Sene.

⁵Shoŋgwe imŋe yakaŋga imire kurutiʋi rwokumsoro pamberi paMikmashi, neimŋe ɀe kurutiʋi rwezasi pamberi peGeba.

⁶Ɀino Jonatani akati kujaya raiɓata nhumbi dzake dzokurwa nadzo: Hendei tiyambukire kuɓoka raʋarwi raʋasino‐kudziŋgiswa aʋa; ɀimŋe Jehova ucatiɓatsira, nokuti hakunecinhu ciŋgadziʋisa Jehova kuponesa, kunyaŋge naʋazhinji kana naʋashoma.

⁷Ipapo muɓati wenhumbi dzake dzokurwa nadzo akati kwaari: Itai ɀose ɀamunofuŋga; endai henyu, ini ndine’mi pamunoɗa kuita napo.

⁸Ipapo Jonatani akati: Tarira, ticayambukira kuʋarume aʋo, tindoɀiratidza kwaʋari.

⁹Kana ʋakati kwatiri: Mirai kuȿikira taȿika kwamuri, ticaramba timire kwatiri, hatiŋgakwiri kwaʋari.

¹⁰Asi kana ʋakati: Kwirai ʋuno kwatiri, ticakwira, nokuti Mŋari waʋaisa mumaʋoko eɗu; ndico cicaʋa ciratidzo kwatiri.

¹¹Ɀino ʋose ʋari ʋaʋiri ʋakaɀiratidza kuɓoka raʋarwi ʋaʋaFiristia. ƲaFiristia ʋakati: Tarira, ʋaHeberu ʋoɓuɗa mumakomba maʋakaŋga ʋakaʋanda.

¹²Ʋarume ʋeɓoka raʋarwi ʋakapindura Jonatani nomuɓati wenhumbi dzake dzokurwa nadzo, ʋakati: Kwirai ʋuno kwatiri, tikuratidzei cinhu. Jonatani akati kumuɓati wenhumbi dzake dzokurwa nadzo: Kwira unditeʋere, nokuti Jehova waʋaisa mumaʋoko aʋaIsraeri.

¹³Jonatani akakwira namaʋoko ake namakumbo ake, muɓati wenhumbi dzake dzokurwa nadzo acimuteʋera; iʋo ʋakakundwa naJonatani, nomuɓati wenhumbi dzake dzokurwa nadzo akamuteʋera aciʋuraya.

¹⁴Ɀino pakuʋuraya uku kwokutaŋga, Jonatani nomuɓati wenhumbi dzake dzokurwa nadzo ʋakaʋuraya ʋarume ʋaneŋge makumi maʋiri pahafu yendima yomunda.

¹⁵Ʋanhu, ʋakaŋga ʋari pamisasa, napaminda, naʋanhu ʋose ʋakabvunda; neɓoka raʋarwi, naʋaparadzi, naiʋo ʋakabvunda; nenyika ʋo yakaɗeŋgenyeka; naiɀoɀo kwakaŋga kunokubvunda kukuru.

¹⁶Ɀino nharirire dzaSauro paGibea kwaBenjamini ʋakatarira, ʋakaʋona ɓoka guru raʋanhu ricinyaŋgarika, ricipararira.

¹⁷Ipapo Sauro akati kuʋanhu ʋaakaŋga anaʋo: Ʋereŋgai ɀino, muʋone kuti ndianiko usisi’po kwatiri. Ɀino ʋakati ʋaʋereŋga, ʋakaʋona kuti Jonatani nomuɓati wenhumbi dzake dzokurwa nadzo haʋa’po.

¹⁸Sauro akati kunaAhija: Ʋuya pano neareka yaMŋari. Nokuti areka yaMŋari yakaŋga iri’po pakati paʋana ʋaIsraeri neŋguʋa iyo.

¹⁹Ɀino Sauro wakati acataurirana nomuprista, ɓopoto rakaŋga riri pamisasa yaʋaFiristia rikaramba ricinyanya. Sauro akati kumuprista: Dzosa ruʋoko rwako.

²⁰Sauro naʋanhu ʋose ʋaakaŋga anaʋo ʋakaʋuŋgana, ʋakarwa, ʋakawana munondo womumŋe nomumŋe ucirwa neshamŋari yake, kukaʋa nokutambudzika kukuru.

²¹NaʋaHeberu, ʋaiɓatsira ʋaFiristia kare, ʋakaŋga ʋakwira naʋo kumisasa ʋaibva kunhiʋi dzose, naiʋo ʋakaʋashandukira, ʋakaɓatsira ʋaIsraeri ʋakaŋga ʋanaSauro naJonatani.

²²Ɀino ʋarume ʋose ʋaIsraeri, ʋakaŋga ʋakaʋanda kunyika yamakomo yaEfraimi, ʋakati ʋacinzwa kuti ʋaFiristia ʋotiza, naiʋo ʋakaʋateʋera kuzorwa naʋo.

²³Naiɀoɀo Jehova akaponesa ʋaIsraeri nomusi uyo; kurwa kukapfuʋura napaBeti‐aveni.

²⁴Ɀino ʋarume ʋaIsraeri ʋakaziya nomusi uyo, asi Sauro wakapikira ʋanhu, akati: Aninani unodya ɀokudya kuȿikira maɗekwana, kuȿikira ndatsiʋira ʋaʋeŋgi ʋaŋgu, ŋgaatukwe. Naiɀoɀo hakunomunhu wakaraʋira ɀokudya.

²⁵Ɀino ʋanhu ʋose ʋakaȿika paɗondo, ʋakawana ʋuci bguri’po pasi.

²⁶Ʋanhu ʋakati ʋaȿika paɗondo, ʋakawana ʋuci bgoyerera pasi, asi hakunomunhu wakaisa ruʋoko rwake kumuromo wake, nokuti ʋanhu ʋakatya kupika kwaSauro.

²⁷Asi Jonatani wakaŋga asinakunzwa ɓaɓa ʋake ʋaciraira ʋanhu nokupika kwaʋo; naiɀoɀo akatambanudza muromo wetȿimbo yake, yakaŋga iri muruʋoko rwake, akainyika muziŋga roʋuci, akaisa ruʋoko rwake kumuromo wake, meso ake akaȿinudzwa.

²⁸Ipapo mumŋe waʋanhu akapindura, akati: Ƃaɓa ʋako ʋakaraira ʋanhu kwaɀo nokupika ʋaciti: Aninani unodya ɀokudya nhasi ŋgaatukwe. Asi ʋanhu ʋakaŋga ʋaziya.

²⁹Ɀino Jonatani akati: Ƃaɓa ʋaŋgu ʋanetsa nyika. Ciʋonai henyu, meso aŋgu aȿinudzwa seiko, nokuti ndaraʋira ʋuci ubgu;

³⁰ndoɗa kana ʋanhu ʋakaŋga ʋatenderwa kudya ɀaʋakaŋga ʋapamba kuʋaʋeŋgi ʋaʋo! Asi ɀino haʋanakuʋuraya ʋaFiristia ʋazhinji.

³¹Nomusi uyo ʋakaʋuraya ʋaFiristia kubva paMikmashi kuȿikira paAjaroni; ʋanhu ʋakaziya kwaɀo.

³²Ʋanhu ʋakamhanyira ɀakapambga, ʋakatora makwai, neŋombe, nemhuru, ʋakaɀiʋurayira pasi, ʋanhu ʋakaɀidya pamŋe cete neropa raɀo.

³³Ɀino ʋakaʋudza Sauro, ʋakati: Tarirai, ʋanhu ʋanotadzira Jehova, nokuti ʋanodya pamŋe cete neropa. Akati: Makaita nokusatendeka; ndikuŋgurusirei pano ibge guru nhasi.

³⁴Ɀino Sauro akati: Pararirai pakati paʋanhu, muti kwaʋari: Mumŋe nomumŋe ŋgaaʋuye kwandiri nenzombe yake, mumŋe nomumŋe negwai rake, aɀiʋurayire pano, adye, murege kutadzira Jehova mucidya pamŋe cete neropa. Ɀino ʋanhu ʋose ʋakaʋuya ʋusiku ubgo mumŋe nomumŋe nenzombe yake, ʋakadziʋurayira’po.

³⁵Sauro akaʋakira Jehova artari; iyo artari ndiyo yokutaŋga yaakaʋakira Jehova.

³⁶Ɀino Sauro akati: Ŋgatiɓuruke, titeʋere ʋaFiristia ʋusiku, tiʋapambare kuȿikira kwoedza, tirege kusiya munhu mumŋe kwaʋari. Iʋo ʋakati: Itai henyu seɀamunoɗa. Ipapo muprista akati: Ŋgatisweɗere kunaMŋari pano.

³⁷Sauro akabvunza Mŋari, akati: Ndoɓuruka, nditeʋere ʋaFiristia here? Mucaʋaisa mumaʋoko aʋaIsraeri here? Asi haana‐kumupindura musi iwoyo.

³⁸Sauro akati: Sweɗerai pano, imi ʋakuru ʋose ʋaʋanhu, muziʋe nokuʋona kuti ciʋi ici cakaitwa nhasi ndeceiko?

³⁹Nokuti naJehova mupenyu, iye unoponesa Israeri, kunyaŋge ɀiri kunaJonatani mŋanakomana waŋgu, ucafanira kufa ɀirokwaɀo. Asi kwakaŋga kusinomunhu pakati paʋanhu ʋose wakamupindura.

⁴⁰Ɀino akati kuʋaIsraeri ʋose: Imi mirai kurutiʋi rumŋe, neni naJonatani mŋanakomana waŋgu ticamira kunorumŋe rutiʋi. Ʋanhu ʋakati kunaSauro: Itai henyu seɀamunoɗa.

⁴¹Ɀino Sauro akati kunaJehova, Mŋari waIsraeri: Ratidzai ɀakarurama. Ɀino Jonatani naSauro ʋakaɓatwa nemijenya, asi ʋanhu ʋakapukunyuka haʋo.

⁴²Ɀino Sauro akati kuʋaIsraeri ʋose: Kandai mijenya pakati paŋgu naJonatani mŋanakomana waŋgu. Jonatani akaɓatwa.

⁴³Ɀino Sauro akati kunaJonatani: Ndiʋudze cawaita. Jonatani akamuʋudza, akati: Ndakaraʋira haŋgu ɀiʋuci nomuromo wetȿimbo yandakaŋga ndakaɓata muruʋoko rwaŋgu; ɀino ndinofanira kufa haŋgu.

⁴⁴Sauro akati: Mŋari ŋgaandiroʋe, arambe aciɗaro, nokuti ɀirokwaɀo unofanira kufa, Jonatani.

⁴⁵Ɀino ʋanhu ʋakati kunaSauro: Jonatani uŋgafa seiko, iye wakaponesa ʋaIsraeri nokuponesa kukuru uku? Haiȿa! NaJehova mupenyu, ruvudzi rumŋe rwomusoro wake haruŋgawiri pasi, nokuti wakaɓata pamŋe cete naMŋari nhasi. Naiɀoɀo ʋanhu ʋakadzikinura Jonatani, akasafa.

⁴⁶Ɀino Sauro akarega kuteʋera ʋaFiristia, ʋaFiristia ʋakaenda kunyika yaʋo.

⁴⁷Ɀino Sauro wakati agadzwa ʋushe bgaIsraeri, akarwa naʋaʋeŋgi ʋake ʋose kunhiʋi dzose, naʋaMoabi, naʋana ʋaAmoni, naʋaEdomi, namadzimambo eZoba, naʋaFiristia; pose paakaenda wakakunda.

⁴⁸Akarwa noʋumhare, akakunda ʋaAmareki, akarwira ʋaIsraeri pamaʋoko aʋaiʋapambara.

⁴⁹Ɀino ʋanakomana ʋaSauro ʋaiʋa Jonatani, naIshvi, naMarkishua, namazita aʋanasikana ʋake ʋaʋiri aiti: Zita roweɗaŋgwe Merabi, nezita romuɗuku Mikari.

⁵⁰Zita romukadzi waSauro raiʋa Ahinoami, mŋanasikana waAhimaazi, nezita romutuŋgamiriri wehondo yake raiʋa Abineri, mŋanakomana waNeri, ɓaɓamunini ʋaSauro.

⁵¹Kishi ndiye waiʋa ɓaɓa ʋaSauro; naNeri, ɓaɓa ʋaAbineri, waiʋa mŋanakomana waAbieri.

⁵²Pamazuʋa ose aSauro ʋakaŋga ʋacirwa ɀikuru naʋaFiristia; ɀino Sauro wakati kana aciʋona murume unesimba kana murume unoʋumhare, waimugarisa naye.