Read Original Shona Union Bible 1949 Baiberi Magwaro Matȿene aMŋari I Samueri 17 Bible Online

I Samueri 17 - Original Shona Union Bible 1949 Baiberi Magwaro Matȿene aMŋari bible

I Samueri 17

¹Ɀino ʋaFiristia ʋakakoka hondo dzaʋo kuzorwa, ʋakaʋuŋgana paSoko raiʋa raJuda, ʋakaʋaka misasa yaʋo pakati peSoko naAzeka paEfesi‐damimi.

²Sauro naʋarume ʋaIsraeri ʋakaʋuŋgana ʋo, ʋakaʋaka misasa yaʋo pamupata weEra, ʋakagadzira hondo kuzorwa naʋaFiristia.

³ƲaFiristia ʋakaŋga ʋamire pagomo kunorumŋe rutiʋi, naʋaIsraeri ʋakaŋga ʋamire pagomo kunorumŋe rutiʋi; mupata wakaŋga uri pakati paʋo.

⁴Ɀino kumisasa yaʋaFiristia kwakaɓuɗa mhare, yainzi Goriati weGati; kureɓa kwake kwakaŋga kunamakubiti[3] matanhatu ʋuye sapanoȿika minwe.

⁵Wakaŋga aneŋgoani yendarira pamusoro wake, ʋuye wakaŋga akafuka ŋguʋo dzokurwa dzamaɓape endarira; ŋguʋo dzokurwa dzamaɓape endarira dzakasika mashekeri[4] aneɀuru ɀishanu ɀendarira pakurema kwadzo.

⁶Wakaŋga aneɀidzitiro ɀamakumbo ɀendarira, nemharu yendarira pakati pamafudzi ake.

⁷Rwiriko rwepfumo rake rwakaŋga rwakafanana neɗanda romuruki, necese yepfumo rake yakaȿika mashekeri[5] anamazana matanhatu amatare pakurema kwayo; ʋuye muɓati wenhoʋo yake waifamba mberi kwake.

⁸Akamira, akaɗanidzira kuhondo dzaʋaIsraeri, akati kwaʋari: Maɓuɗireiko mucigadzira hondo yenyu? Ini handizi muFiristia, nemi ʋaranda ʋaSauro here? Imi muɀitsaurire murume, aɓurukire ʋuno kwandiri.

⁹Kana akagona kurwa neni, akandiʋuraya, isu ticaʋa ʋaranda ʋenyu; asi kana ini ndikamukunda, ndikamuʋuraya, imi mucaʋa ʋaranda ʋeɗu, mucatiɓatira.

¹⁰MuFiristia akati: Nhasi ndinoshoʋora hondo dzaʋaIsraeri; ndipei munhu, tirwe.

¹¹Ɀino Sauro naʋaIsraeri ʋose ʋakati ʋacinzwa mashoko awa omuFiristia, ʋakavunduka, ʋakatya kwaɀo.

¹²Ɀino Davidi wakaŋga ari mŋanakomana womuEfrati weBeti‐rehemi‐juda, wainzi Jese; iye wakaŋga anaʋanakomana ʋasere, asi munhu uyu wakaŋga aʋa mutana pamazuʋa aSauro, akwegura pakati paʋarume.

¹³Ʋanakomana ʋatatu ʋakuru ʋaJese ʋakaŋga ʋaenda naSauro kundorwa; ɀino mazita aʋana ʋake ʋatatu, ʋakaŋga ʋaenda kundorwa, akaŋga ari: Eriabi weɗaŋgwe, teʋere Abinadabi, wecitatu Shama.

¹⁴Davidi wakaŋga ari muɗuku kunaʋose; ʋakuru ʋatatu ʋakaŋga ʋaenda naSauro.

¹⁵Ɀino Davidi waisienda kunaSauro, acidzoka kuzofudza makwai aɓaɓa ʋake paBeti‐rehemi.

¹⁶MuFiristia waisweɗera maŋgwana namaɗeko, akamira’po mazuʋa anamakumi manna.

¹⁷Ɀino Jese akati kunaDavidi mŋanakomana wake: Cindopa ʋakuru ʋako efa[6] imŋe yeɀiyo iɀi ɀakakaŋgwa, neɀiŋgwa ɀinegumi, ukurumidze kuɀiisa kumisasa kuʋakuru ʋako;

¹⁸asi mapundu awa omukaka wakafa anegumi uise kumukuru wecuru caʋo, ugotarira kuti ʋakuru ʋako ʋakaɗiniko, ndokutora kwaʋari cokuʋonera’po.

¹⁹Ɀino Sauro, naiʋo, naʋarume ʋose ʋaIsraeri ʋakaŋga ʋari pamupata weEra ʋacirwa naʋaFiristia.

²⁰Davidi akamuka maŋgwanani, akasiya makwai ake kumufudzi, akatora nhumbi, akaenda kwaakaŋga arairwa naJese; akaȿika pakaŋga pakarundwa ŋgoro, ʋarwi ʋoɓuɗa ʋaciridza mhere kundorwa.

²¹ƲaIsraeri naʋaFiristia ʋakaɀigadzira kurwa, hondo dzakatarisana.

²²Davidi akasiya nhumbi dzake pamaʋoko omutariri wenhumbi, akamhanyira kuhondo, akaȿika akakwazisa ʋakuru ʋake.

²³Ɀino wakati acataura naʋo, iya mhare ikaɓuɗa kuhondo yaʋaFiristia, iye muFiristia weGati, wainzi Goriati, akataura mashoko aaisitaura, Davidi akaanzwa.

²⁴Ɀino ʋarume ʋose ʋaIsraeri ʋakati ʋaciʋona murume uyu, ʋakamutiza, ʋakatya kwaɀo.

²⁵Ʋarume ʋaIsraeri ʋakati: Maʋona here murume uyo, wakwira? Ɀirokwaɀo wakwira kuzoshoʋora Israeri; munhu unomuʋuraya, mambo ucamufumisa nefuma zhinji, nokumupa ʋo mŋanasikana wake, nokusunuŋgura imba yaɓaɓa ʋake munaIsraeri.

²⁶Ɀino Davidi akataura naʋarume ʋakaŋga ʋamire naye, akati: Munhu, unoʋuraya muFiristia uyu, akabvisa kushoʋorwa kwaʋaIsraeri ucapiweiko? Nokuti muFiristia uyu usino‐kudziŋgiswa ndianiko, unoshoʋora hondo dzaMŋari mupenyu?

²⁷Ʋanhu ʋakamupindura saiɀoɀo, ʋakati: Munhu, unomuʋuraya, ucapiwa cokuti necokuti.

²⁸Ɀino Eriabi mukoma wake mukuru akanzwa acitaura naʋarume aʋo, Eriabi akatsamŋira Davidi, akati: Waɓurukireiko pano iwe? Makwai aya mashoma waasiya naniko murenje? Ndinoziʋa manyawi ako, nokuipa kwomŋoyo wako; nokuti waɓuruka kuzoʋona hondo.

²⁹Davidi akati: Ɀino ndaɗiniko haŋgu? Handina‐kuŋgobvunza haŋgu here?

³⁰Akatendeʋukira ɀe kunomumŋe, akataura ɀe saiɀoɀo; ʋanhu ʋakamupindura ɀe saiɀoɀo.

³¹Ɀino ʋakati ʋanzwa mashoko akataurwa naDavidi, ʋakaarondedzera kunaSauro; akatuma munhu kuzomuɗana.

³²Davidi akati kunaSauro: Ŋgakurege kuʋa nomunhu unopera mŋoyo nokuɗa kwake; muranda wenyu ucaenda kundorwa nomuFiristia uyo.

³³Sauro akati kunaDavidi: Hauŋgagoni kundorwa nomuFiristia uyo, nokuti uciri mukomana, asi iye murume murwi kubva paʋuɗuku bgake.

³⁴Davidi akati kunaSauro: Muranda wenyu waifudza makwai aɓaɓa ʋake; ɀino kana shumba ikaȿika, kana ɓere, kuzotora gwaiana paɓoka,

³⁵ndaiɓuɗa, ndikaiteʋera, ndikaiʋuraya, ndikarirwira pamuromo wayo; kana iciŋge ikandimukira, ndaiiɓata ndebvu dzayo, ndokuiɓaya nokuiʋuraya.

³⁶Muranda wenyu akaɀiʋuraya ɀose, kunyaŋge shumba kunyaŋge ɓere; muFiristia uyu usino‐kudziŋgiswa ucafanana necimŋe caɀo, nokuti wakashoʋora hondo dzaMŋari mupenyu.

³⁷Davidi akati: Jehova wakandirwira pagumbo reshumba negumbo reɓere, iye ucandirwira ʋo paruʋoko rwomuFiristia uyu. Ipapo Sauro akati kunaDavidi: Enda hako, Jehova ucaʋa newe.

³⁸Sauro akafukidza Davidi ŋguʋo dzake, akadzika ŋgoani yendarira pamusoro wake, akamufukidza ŋguʋo dzokurwa dzamaɓape endarira.

³⁹Ɀino Davidi akasuŋgira munondo wake pamsoro peŋguʋo dzake, akaidza kufamba; nokuti wakaŋga asino‐kumboidza iɀoɀo. Davidi akati kunaSauro: Handigoni kufamba nadzo, nokuti handina‐kumbodziidza. Davidi akadzibvisa.

⁴⁰Akaɓata tȿimbo muruʋoko rwake, akaɀitsaurira huruŋguɗo shanu parukoʋa, akadziisa muhomboɗo yake yomufudzi, yaakaŋga anayo, imo munhaʋa yake; cifura‐mabge cake cakaŋga ciri muruʋoko rwake; akasweɗera kumuFiristia.

⁴¹MuFiristia akaʋuya, akasweɗera kunaDavidi; munhu wakaŋga akaɓata nhoʋo yake akamutuŋgamirira.

⁴²Ɀino muFiristia wakati acitarira, akaʋona Davidi, akamuɀidza; nokuti wakaŋga aciri mukomana hake, mutȿuku, aneciso cakanaka.

⁴³MuFiristia akati kunaDavidi: Ndiri imbga kanhi, ɀaunoʋuya kwandiri netȿimbo? MuFiristia akatuka Davidi naʋamŋari ʋake.

⁴⁴MuFiristia akati kunaDavidi: Ʋuya ʋuno kwandiri, ndipe shiri dzokuɗeŋga neɀikara ɀeɓundo nyama yako.

⁴⁵Ipapo Davidi akati kumuFiristia: Iwe unoʋuya kwandiri nomunondo, nepfumo, nemharu; asi ini ndinoʋuya kwauri nezita raJehova wehondo, Mŋari wehondo dzaʋaIsraeri, ʋaunoshoʋora.

⁴⁶Nhasi Jehova ucakuisa muruʋoko rwaŋgu; ndicakuʋuraya, ndicakugura musoro wako, ndicapa shiri dzokuɗeŋga neɀikara ɀenyika ɀitunha ɀehondo dzaʋaFiristia nhasi, kuti nyika yose iziʋe kuti Mŋari uri’po pakati paIsraeri.

⁴⁷Ɀino kuti ʋuŋgano iyo yose iziʋe, kuti Jehova haaponesi nomunondo kana nepfumo, nokuti kurwa ndokwaJehova, iye ucakuisa mumaʋoko eɗu.

⁴⁸Ɀino muFiristia wakati acisimuka, aciʋuya kuzosoŋgana naDavidi, Davidi akakurumidza, akamhanyira kuhondo kuzosoŋgana nomuFiristia.

⁴⁹Davidi akapinza ruʋoko rwake muhomboɗo yake, akabvisa’mo ibge, akariposhera, akaroʋa muFiristia pahuma yake; ibge rikanyura muhuma yake, iye akawira pasi neciso.

⁵⁰Naiɀoɀo Davidi akakunda muFiristia necifura‐mabge nebge, akakunda muFiristia, akamuʋuraya; asi kwakaŋga kusinomunondo muruʋoko rwaDavidi.

⁵¹Ɀino Davidi akamhanya, akamira pamsoro pomuFiristia, akatora munondo wake, akauvomora pamuhara wawo, akamuʋuraya, akamugura musoro wake nawo. Ɀino ʋaFiristia ʋakati ʋaciʋona kuti mhare yaʋo yafa, ʋakatiza.

⁵²Ɀino ʋarume ʋaIsraeri naʋaJuda ʋakasimuka, ʋakaɗanidzira, ʋakateʋera ʋaFiristia kuȿikira paGati napamasuʋo eEkroni. Ʋakaŋga ʋakuʋadzwa ʋaʋaFiristia ʋakawira pasi panzira inoenda Shaaraimi, kuȿikira paGati napaEkroni.

⁵³Ipapo ʋana ʋaIsraeri ʋakadzoka pakudziŋgirira ʋaFiristia, ʋakapambara misasa yaʋo.

⁵⁴Davidi akatora musoro womuFiristia, akauisa Jerusarema, asi ŋguʋo dzake dzokurwa nadzo wakadziisa mutente rake.

⁵⁵Ɀino Sauro wakati aciʋona Davidi aciɓuɗa kundorwa nomuFiristia, akati kunaAbineri, mukuru wehondo: Abineri, mukomana uyo mŋanakomana waaniko? Abineri akati: Nomŋeya wenyu mupenyu, mambo, handiziʋi.

⁵⁶Mambo akati: Bvunza ɀakanaka kuti mukomana uyu mŋanakomana waaniko.

⁵⁷Ɀino pakudzoka kwaDavidi pakuʋuraya muFiristia Abineri akamutora akamuisa pamberi paSauro, acakaɓata musoro womuFiristia muruʋoko rwake.

⁵⁸Sauro akati kwaari: Ndiwe mŋanakomana waaniko, iwe jaya? Davidi akapindura, akati: Ndiri mŋanakomana womuranda wenyu Jese muBeti‐rehemi.