Read Original Shona Union Bible 1949 Baiberi Magwaro Matȿene aMŋari I Samueri 20 Bible Online

I Samueri 20 - Original Shona Union Bible 1949 Baiberi Magwaro Matȿene aMŋari bible

I Samueri 20

¹Ɀino Davidi wakatiza paNaioti paRama, akaenda akati kunaJonatani: Ndaɗiniko? Kutadza kwaŋgu ndokwei? Ciʋi caŋgu pamberi paɓaɓa ʋako ndecipi, ɀaʋanotȿaka kundiʋuraya?

²Iye akati kwaari: Haiȿa, usaɗaro, hauŋgafi; tarira ɓaɓa ʋaŋgu haʋaŋgaiti cinhu cikuru kana ciɗuku, ʋasiŋgandiziʋisi ico; ɀino ɓaɓa ʋaŋgu ʋaŋgandiʋanzirireiko cinhu ici? Haɀizi iɀo.

³Ipapo Davidi akapika ɀe, akati: Ƃaɓa ʋako ʋanoziʋa kwaɀo kuti ini ndakawana nyasha kwauri; naiɀoɀo ʋakati: Jonatani ŋgaarege kuɀiziʋa, ɀimŋe uŋgaɀidya mŋoyo; asi ɀirokwaɀo, naJehova mupenyu, nomŋeya wako mupenyu, kunenhambge imŋe cete pakati paŋgu norufu.

⁴Ipapo Jonatani akati kunaDavidi: Ɀose ɀinoɗikanwa nomŋoyo wako, ndicakuitira iɀoɀo.

⁵Davidi akati kunaJonatani: Tarira, maŋgwana mŋedzi wogara, ndicafanira kundogara pakudya namambo; asi nditendere, ndiende kundoʋanda mumunda kuȿikira maɗekwana ezuʋa recitatu.

⁶Kana ɓaɓa ʋako ʋakandishaiwa, uti kwaʋari: Davidi wakakumbira ɀikuru kwandiri, kuti amhanyire Beti‐rehemi, kuguta rake; nokuti ikweyo kunoitwa ciɓayiro cegore rimŋe nerimŋe caʋose ʋeimba yake.

⁷Kana ʋakati: Ɀakanaka haɀo! muranda wako ucaʋa norugare; asi kana ʋakatsamŋa, uziʋe kuti ʋagara ʋandifuŋgira ɀakaipa.

⁸Naiɀoɀo ciitira hako muranda wako ɀakanaka; nokuti wakaita suŋgano nomuranda wako pamberi paJehova; asi kana ɀakaipa ɀiri’ko kwandiri, undiʋuraye iwe, nokuti ucandiisireiko kunaɓaɓa ʋako?

⁹Jonatani akati: Usaɗaro, nokuti ɗai ndaiziʋa kuti ɓaɓa ʋaŋgu ʋagara ʋafuŋga kukuitira ɀakaipa, handizaikuʋudza here?

¹⁰Davidi akati kunaJonatani: Ndianiko ucandiʋudza kana ɓaɓa ʋako ʋaciŋge ʋakupindura nehasha?

¹¹Jonatani akati kunaDavidi: Hendei kusaŋgo. Iʋo ʋakaenda ʋari ʋaʋiri kusaŋgo.

¹²Ɀino Jonatani akati kunaDavidi: Jehova Mŋari waIsraeri ŋgaaʋe capupu; kana ndabvunzisisa ɓaɓa ʋaŋgu neŋguʋa ino maŋgwana, kana kuswera maŋgwana, kana ndikaʋona kuti ʋanomŋoyo wakanaka kunaDavidi, handiŋgakutumiri shoko, ndikakuziʋisa here?

¹³Jehova ŋgaaroʋe Jonatani, arambe aciɗaro, kana ɓaɓa ʋaŋgu ʋaciŋge ʋaciɗa kukuitira ɀakaipa, ini ndikasakuziʋisa iɀoɀo, ndikakuendisa norugare; Jehova ŋgaaʋe newe, seɀaaiʋa naɓaɓa ʋaŋgu.

¹⁴Newe ʋo undiitire tsitsi dzaJehova ndiciri mupenyu, ndirege kufa,

¹⁵ʋuye usabvisa tsitsi dzako kunaʋeimba yaŋgu nokusiŋgaperi, kunyaŋge kana Jehova abvisa ʋaʋeŋgi ʋaDavidi, mumŋe nomumŋe panyika yose.

¹⁶Naiɀoɀo Jonatani akaita suŋgano neimba yaDavidi, akati: Jehova ŋgaaɀitȿake kumaʋoko aʋaʋeŋgi ʋaDavidi.

¹⁷Jonatani akapikisa Davidi ɀe noruɗo rwake kwaari, nokuti wakaŋga acimuɗa seɀaakaɗa mŋoyo wake.

¹⁸Ɀino Jonatani akati kwaari: Maŋgwana mŋedzi wogara; iwe ucashaikwa, nokuti cigaro cako cicashaiwa munhu.

¹⁹Kana wagara mazuʋa matatu, unofanira kukurumidza kuɓurukira kunɀimbo iya pawakaʋanda musi watakataurirana pamsoro peshoko riya, ugogara pabge rinonzi Ezeri.

²⁰Ɀino ini ndicaposha miseʋe mitatu kurutiʋi rwaro, ndiciita sendinoposhera cinhu cakatimikwa.

²¹Ipapo, tarira, ndicatuma mukomana, ndiciti: Enda undotȿaka miseʋe. Kana ndikati kumukomana: Tarira, miseʋe iri necoʋuno kwako, ʋuya nayo, ipapo uŋgaʋuya hako, nokuti kunorugare kwauri; hakunemhoȿa, naJehova mupenyu.

²²Asi kana ndikati kumukomana: Tarira, miseʋe iri mberi kwako, ipapo uende hako, nokuti Jehova wakuendisa.

²³Kana riri shoko ratakataurirana pamsoro paro iwe neni, tarira Jehova uri pakati pako neni nokusiŋgaperi.

²⁴Naiɀoɀo Davidi akandoʋanda musaŋgo; ɀino mŋedzi wakati wagara, mambo akagara pakudya kuti adye.

²⁵Mambo akagara pacigaro cake, sapaŋguʋa dzose, pacigaro caiʋa pamadziro; Jonatani akasimuka, Abineri akagara parutiʋi rwaSauro; asi cigaro caDavidi cakashaiwa munhu.

²⁶Asi Sauro haana‐kutaura cinhu musi iwoyo; nokuti wakati, ɀimŋe wawirwa necinhu, ɀimŋe haana‐kunaka, ɀirokwaɀo haana‐kunaka.

²⁷Ɀino pazuʋa rakateʋera kugara kwomŋedzi, pazuʋa recipiri, cigaro caDavidi cakashaiwa ɀe munhu; ipapo Sauro akati kunaJonatani mŋanakomana wake: Mŋanakomana waJese wakaregereiko kuʋuya kuzodya zuro kana nhasi?

²⁸Jonatani akapindura Sauro, akati: Davidi wakakumbira ɀikuru kwandiri kuti aende Beti‐rehemi,

²⁹akati: Nditendere ʋo ndiende, nokuti ʋeimba yeɗu ʋanoɓayira muguta; mukuru waŋgu wakandiraira kuti ndiʋe’po; ɀino kana ucifara naɀo, nditendere hako ndiende kundoshanyira hama dzaŋgu. Naiɀoɀo haana‐kuʋuya patafura yamambo.

³⁰Ipapo Sauro akatsamŋira Jonatani, akati kwaari: Iwe mŋanakomana womukadzi usiŋganzwi, wakapanduka, handiziʋi kanhi kuti wakatsaura mŋanakomana waJese unyadzwe iwe, namai ʋako ʋanyadzwe ʋo?

³¹Nokuti iwe hauŋgasimbiswi noʋushe bgako, kana mŋanakomana waJese aciri mupenyu panyika. Naiɀoɀo ɀino cituma munhu aʋuye naye kwandiri, nokuti ɀirokwaɀo unofanira kufa.

³²Jonatani akapindura Sauro ɓaɓa ʋake, akati kwaʋari: Ko unofanira kuʋurayirwei? Waiteiko?

³³Ipapo Sauro akaposha pfumo rake kwaari, aciɗa kumuɓaya. Naiɀoɀo Jonatani wakaziʋa kuti ɓaɓa ʋake ʋakagara ʋafuŋga kuʋuraya Davidi.

³⁴Naiɀoɀo Jonatani akasimuka patafura, atsamŋa kwaɀo, akasadya ɀokudya nomusi wecipiri womŋedzi; nokuti wakaŋga aneshuŋgu pamŋoyo pamsoro paDavidi, nokuti wakaŋga anyadzwa naɓaɓa ʋake.

³⁵Ɀino fume maŋgwana Jonatani akaenda kusaŋgo neŋguʋa yakaŋga yatarwa naDavidi, anomukomana muɗuku.

³⁶Akati kumukomana wake: Mhanya utȿake miseʋe yandinoposha. Ipapo mukomana wakati acimhanya, iye akaposha museʋe mberi kwake.

³⁷Ɀino mukomana wakati aciȿika pakaŋga paposhwa museʋe naJonatani, Jonatani akaɗanidzira kumukomana, akati: Ko museʋe hauzi mberi kwako here?

³⁸Jonatani akaɗanidzira ɀe kumukomana akati: Kasira, kurumidza, usamira. Mukomana waJonatani akanoŋga miseʋe, akaʋuya nayo kunatenzi wake.

³⁹Asi mukomana haana‐kuziʋa cinhu; asi Jonatani naDavidi ʋoga ndiʋo ʋakaziʋa shoko iro.

⁴⁰Ɀino Jonatani akapa mukomana nhumbi dzake dzokurwa nadzo, akati kwaari: Enda nadzo undodziisa kuguta.

⁴¹Mukomana wakati aenda, Davidi akasimuka kurutiʋi rwezasi, akawira pasi neciso cake, akakotama katatu, ʋakaȿetana, ʋakacema ʋose, kuȿikira Davidi anyanya kwaɀo.

⁴²Jonatani akati kunaDavidi: Enda hako norugare, nokuti takapika tose nezita raJehova, ticiti: Jehova ucaʋa pakati paŋgu newe, napakati paʋana ʋaŋgu naʋako nokusiŋgaperi. Akasimuka, akaenda, naJonatani akapinda muguta.