Read Original Shona Union Bible 1949 Baiberi Magwaro Matȿene aMŋari I Samueri 21 Bible Online

I Samueri 21 - Original Shona Union Bible 1949 Baiberi Magwaro Matȿene aMŋari bible

I Samueri 21

¹Ɀino Davidi akaȿika Nobi kunaAhimereki muprista; Ahimereki akasoŋgana naDavidi aciɗeɗera; akati kwaari: Uri woga neiko, usinomumŋe newe?

²Davidi akati kunaAhimereki muprista: Mambo wakandiraira ɓasa, akati kwandiri: Ŋgakurege kuʋa nomunhu unoziʋa cinhu ceɓasa randinokutuma naro, nerandinokuraira. Majaya ndakaaraira kusoŋgana neni paneimŋe nɀimbo.

³Naiɀoɀo ɀino, muneiko pano? Ndipei ɀiŋgwa ɀishanu muruʋoko rwaŋgu, kunyaŋge ɀipi neɀipi ɀiri’po.

⁴Muprista akapindura Davidi, akati: Hapaneciŋgwa cinosidyiwa muruʋoko rwaŋgu, asi ciŋgwa citȿene ndico ciri’po; kwoga kana majaya akaɀidzora kuʋakadzi.

⁵Davidi akapindura muprista, akati kwaari: Ɀirokwaɀo, ʋakadzi ʋakadziʋiswa kwatiri sapaŋguʋa dzose kana ndicifamba rwendo; nhumbi dzamajaya dzakaŋga dziri tȿene, kunyaŋge rwaiʋa rwendo rwamazuʋa ose harwo, ndoɗa nhasi nhumbi dzaʋo dzicaʋa tȿene.

⁶Naiɀoɀo muprista akamupa ciŋgwa citȿene, nokuti kwakaŋga kusineciŋgwa’po, asi ciŋgwa cokuratidza, cakaŋga cabviswa pamberi paJehova, kuti ciŋgwa cinopisa ciiswe’po pazuʋa rokubviswa kwaco.

⁷Ɀino mumŋe muranda waSauro wakaŋga ari’po nomusi iwoyo, anonoswa pamberi paJehova, wainzi Doegi, muEdomi, mutariri waʋafudzi ʋaSauro.

⁸Davidi akati kunaAhimereki: Hapana pfumo kana munondo kwamuri here? Nokuti handina‐kuʋuya nomunondo waŋgu, kana nhumbi dzaŋgu dzokurwa nadzo, nokuti ɓasa ramambo raifanira kukurumidzirwa.

⁹Muprista akati: Munondo waGoriati muFiristia, wawakaʋuraya pamupata weEra, uri pano, wakaputirwa mumuceka mberi kweefodi; kana uciɗa kuutora, citora hako, nokuti hakunomumŋe asi iwoyo. Davidi akati: Hakunomumŋe wakafanana nawo, ndipe hoyo.

¹⁰Davidi akasimuka akatiza musi iwoyo nokutya Sauro, akaenda kunaAkishi, mambo weGati.

¹¹Ɀino ʋaranda ʋaAkishi ʋakati kwaari: Ko uyu haazi Davidi mambo wenyika here? Haazi iye waʋakaimbira ʋacibvumirana pakutamba kwaʋo, ʋaciti: Sauro wakaʋuraya ɀuru ɀamazana ake, Asi Davidi makumi eɀuru ɀamazana ake?

¹²Davidi akaraŋgarira mashoko iwayo mumŋoyo make, akatya kwaɀo Akishi mambo weGati.

¹³Akashandura mugarire wake pamberi paʋo, akaɀiita seɓenzi pakati paʋo, akakwara‐kwara pamagonhi esuʋo, akarega mate ake acisiririka pandebvu dzake.

¹⁴Ɀino Akishi akati kuʋaranda ʋake: Tarirai, munhu uyu iɓenzi; maʋuyireiko naye ʋuno kwandiri?

¹⁵Ini ndinoshaiwa mapenzi kanhi, ɀamaʋuya nomunhu uyu kuzoratidza ʋupenzi bgake pamberi paŋgu? Munhu wakaɗai uŋgapinda mumba maŋgu here?