Read Original Shona Union Bible 1949 Baiberi Magwaro Matȿene aMŋari I Samueri 22 Bible Online

I Samueri 22 - Original Shona Union Bible 1949 Baiberi Magwaro Matȿene aMŋari bible

I Samueri 22

¹Naiɀoɀo Davidi wakabva’po, akatizira kuɓako reAdurami; ɀino hama dzake naʋose ʋeimba yaɓaɓa ʋake ʋakati ʋaciɀinzwa, ʋakaɓurukira’ko kwaari.

²Ɀino ʋose ʋakaŋga ʋari panjodzi, naʋose ʋakaŋga ʋanemhoȿa, naʋose ʋakaŋga ʋaneshuŋgu ʋakaʋuŋgana kwaari, akaʋa mutuŋgamiriri waʋo; kwakaŋga kunaʋarume ʋaneŋge mazana manna naye.

³Ɀino Davidi akabva’po, akaenda Mizpe kwaMoabi; akati kunamambo waMoabi: Ƃaɓa ʋaŋgu namai ʋaŋgu ndinokumbira kuti ʋaʋuye ʋagare nemi, kuȿikira ndaziʋa candicaitirwa naMŋari.

⁴Akaʋaisa kunamambo waMoabi, ʋakagara naye ŋguʋa yose yokugara kwaDavidi munhare.

⁵Ɀino muprofita Gadi akati kunaDavidi: Usaramba ugere munhare, asi ibva undogara panyika yaJuda. Ipapo Davidi akabva, akaȿika kuɗondo reHereti.

⁶Ɀino Sauro wakanzwa kuti Davidi wawanikwa, iye naʋarume ʋaiʋa naye; Sauro wakaŋga agere Gibea, munyasi momuti womutamariski paRama, akaɓata pfumo rake muruʋoko rwake, naʋaranda ʋake ʋose ʋakaŋga ʋamire naye.

⁷Ɀino Sauro wakati kuʋaranda ʋake ʋakaŋga ʋamire naye: Inzwai ɀino, imi ʋaBenjamini! Mŋanakomana waJese ucakupai mose minda neminda yemizambiriŋga here? Ucakuitai mose ʋakuru ʋeɀuru naʋakuru ʋamazana here?

⁸Ɀamandiraŋgana mose, ɀakusinomumŋe unondiziʋisa kana mŋanakomana waŋgu akaita suŋgano nomŋanakomana waJese, ɀakusinomumŋe wenyu unondinzwira tsitsi, kana unondiziʋisa kuti mŋanakomana waŋgu wakamutsa muranda waŋgu kuti andimukire, andiʋandire, seɀaanoita nhasi here?

⁹Ipapo Doegi muEdomi, wakaŋga amire naʋaranda ʋaSauro, akapindura, akati: Ndakaʋona mŋanakomana waJese aciȿika Nobi, kunaAhimereki mŋanakomana waAhitubi.

¹⁰Iye akamubvunzira kunaJehova, akamupa mbuʋa, akamupa ʋo munondo waGoriati muFiristia.

¹¹Ipapo mambo akatuma nhume kundoɗana Ahimereki muprista, mŋanakomana waAhitubi, naʋeimba yake yose, iʋo ʋaprista ʋaiʋa paNobi; ʋakaʋuya ʋose kunamambo.

¹²Ɀino Sauro akati: Ɀino cinzwa, iwe mŋanakomana waAhitubi. Iye akapindura, akati: Ndiri pano, ishe waŋgu.

¹³Sauro akati kwaari: Mandiraŋganireiko, iwe nomŋanakomana waJese, ɀawakamupa ciŋgwa, nomunondo, nokumubvunzira kunaMŋari, kuti andimukire, andiʋandire seɀaanoita nhasi?

¹⁴Ipapo Ahimereki akapindura mambo, akati: Ndianiko pakati paʋaranda ʋenyu ʋose wakatendeka saDavidi, mukwambo wamambo, unosiraŋgana nemi, unokudzwa mumba menyu?

¹⁵Ndiko nhasi kwandataŋga kumubvunzira kunaMŋari here? Haiȿa! mambo ŋgaarege hake kusundira muranda wake mhoȿa, kunyaŋge ʋose ʋeimba yaɓaɓa ʋaŋgu; nokuti muranda wenyu haaziʋi iɀoɀo ɀose, kunyaŋge ɀiɗuku kana ɀikuru.

¹⁶Ipapo mambo akati: Ɀirokwaɀo, ucafa Ahimereki, iwe naʋose ʋeimba yaɓaɓa ʋako.

¹⁷Mambo akati kuʋanyai ʋakaŋga ʋamire naye: Tendeʋukai, muʋuraye ʋaprista ʋaJehova, nokuti maʋoko aʋo anoɓatsira Davidi, nokuti ʋakaŋga ʋaciziʋa kuti watiza, asi haʋana‐kundiziʋisa. Asi ʋaranda ʋamambo ʋakaramba kutambanudzira maʋoko aʋo kuʋuraya ʋaprista ʋaJehova.

¹⁸Ipapo mambo akati kunaDoegi: Tendeʋuka iwe, uʋuraye ʋaprista. Doegi muEdomi, akatendeʋuka, akaʋuraya ʋaprista, akaparadza nomusi iwoyo ʋanhu ʋanamakumi masere naʋashanu ʋakaŋga ʋakafuka efodi yomuceka.

¹⁹Akaparadza ʋo Nobi, guta raʋaprista, neminondo inopinza, ʋarume naʋakadzi ʋose, naʋana naʋakaŋga ʋacimŋa, neŋombe, nemboŋgoro, namakwai; ɀose ɀakaparadzwa neminondo inopinza.

²⁰Asi mumŋe waʋanakomana ʋaAhimereki mŋanakomana waAhitubi, wainzi Abiatari, wakapukunyuka, akatiza, akateʋera Davidi.

²¹Abiatari akaʋudza Davidi kuti Sauro waʋuraya ʋaprista ʋaJehova.

²²Davidi akati kunaAbiatari: Musi uya wandakaʋona Doegi muEdomi ari’po, ndakaziʋa kuti ɀirokwaɀo ucandoʋudza Sauro; ndini ndakaʋurayisa ʋanhu ʋose ʋeimba yaɓaɓa ʋako.

²³Gara hako neni, usatya; nokuti unotȿaka kundiʋuraya ini, ndiye unotȿaka kukuʋuraya iwe ʋo; nokuti kana ukagara neni ucaceŋgetwa.