Read Original Shona Union Bible 1949 Baiberi Magwaro Matȿene aMŋari I Samueri 26 Bible Online

I Samueri 26 - Original Shona Union Bible 1949 Baiberi Magwaro Matȿene aMŋari bible

I Samueri 26

¹Ɀino ʋaZifi ʋakaʋuya kunaSauro paGibea, ʋakati: Ko Davidi haazinoʋanda pacikomo ceHakira, ciri pamberi perenje here?

²Ipapo Sauro akasimuka, akaɓurukira kurenje reZifi, anaʋarume ʋaneɀuru ɀitatu, ʋakaŋga ʋakatsaurwa kuʋaIsraeri, kuti atȿake Davidi mureŋje reZifi.

³Sauro akaʋaka misasa yake pacikomo ceHakira, ciri pamberi perenje, kurutiʋi rwenzira. Asi Davidi wakaŋga agere murenje, akaʋona Sauro acimuteʋera murenje.

⁴Ɀino Davidi akatuma ʋashori, akanzwa kuti Sauro waȿika ɀirokwaɀo.

⁵Davidi akasimuka, akaȿika pakaŋga pakaʋaka Sauro misasa yake, Davidi akaʋona pakaŋga paʋete Sauro, anaAbineri mŋanakomana waNeri, mukuru wehondo yake; Sauro wakaŋga aʋete pakati peŋgoro dzakaŋga dzakaroŋgedzwa, asi ʋanhu ʋakaŋga ʋaʋaka misasa yaʋo ʋakamupoteredza.

⁶Ɀino Davidi akapindura, akati kunaAhimereki muHeti, nokunaAbishai mŋanakomana waZeruya, munuŋuna waJoabi, akati: Ndianiko ucaɓuruka neni kunaSauro kumisasa? Abishai akati: Ini ndicaɓuruka nemi.

⁷Naiɀoɀo Davidi naAbishai ʋakaȿika kuʋanhu ʋusiku, ʋakawana Sauro aʋete pakati peŋgoro dzakaŋga dzaroŋgedzwa, pfumo rake rakaɓayirwa pasi pamusoro wake; Abineri naʋamŋe ʋanhu ʋakaŋga ʋaʋete ʋakamupoteredza.

⁸Ɀino Abishai akati kunaDavidi: Nhasi Mŋari wakaisa muʋeŋgi wako pamaʋoko ako; naiɀoɀo nditendere ndimuɓayire pasi nepfumo kamŋe cete, handiŋgamuɓayi rwecipiri.

⁹Davidi akati kunaAbishai: Usamuʋuraya, nokuti ndianiko uŋgagona kutambanudzira ruʋoko rwake kumuzodzwa waJehova, akasaʋa nemhoȿa?

¹⁰Davidi akati: NaJehova mupenyu, Jehova ndiye ucamuʋuraya; ɀimŋe zuʋa rake rokufa ricaȿika, ɀimŋe ucaɓurukira kundorwa akaparadzwa’po.

¹¹Jehova ŋgaandidziʋise, ndirege kutambanudzira ruʋoko rwaŋgu kumuzodzwa waJehova; asi ɀino tora hako pfumo riri pamusoro wake, neciroŋgo cemvura, tiende.

¹²Naiɀoɀo Davidi akatora pfumo neciroŋgo cemvura, ɀakaŋga ɀiri pamusoro waSauro, ʋakaenda; hakunomunhu wakaɀiʋona, kana kuɀiziʋa, hakuna‐wakapepuka, nokuti ʋakaŋga ʋaʋete ʋose, nokuti ʋakaŋga ʋakaɓatwa nehope kwaɀo, dzakaŋga dzatumŋa naMŋari.

¹³Ɀino Davidi akayambukira mhiri, akamira pamsoro pegomo ari kure; asi pakati paʋo pakaŋga panenhambo huru;

¹⁴Davidi akashoʋedzera kuʋanhu nokunaAbineri mŋanakomana waNeri, akati: Nhandi Abineri, hauɗaʋiri here? Ipapo Abineri akaɗaʋira, akati: Ndiwe aniko unoshoʋedzera kunamambo.

¹⁵Davidi akati kunaAbineri: Ko iwe hauzi murume wemhare here? Ndianiko wakafanana newe kuʋaIsraeri? Wakaregereiko kurinda ishe wako mambo? Nokuti mumŋe munhu wakaŋga apinda kuzoparadza mambo, ishe wako.

¹⁶Ici cinhu cawaita hacina‐kunaka. NaJehova mupenyu, maifanira kufa, nokuti hamuna‐kurinda ishe wenyu, muzodzwa waJehova. Ɀino citarira, pfumo ramambo neciroŋgo cemvura cakaŋga ciri pamusoro wake ɀiripiko?

¹⁷Sauro akaziʋa inzwi raDavidi, akati: Ndiro inzwi rako here, mŋana waŋgu Davidi? Davidi akati: Inzwi raŋgu, ishe waŋgu, mambo.

¹⁸Akati: Ko Ishe waŋgu unoteʋerereiko muranda wake? Nokuti ndakaiteiko? Ɀakaipa ɀiri mandiri ndeɀeiko?

¹⁹Naiɀoɀo ɀino ishe waŋgu mambo ciɗonzwai mashoko omuranda wenyu. Kana ari Jehova wakakukurudzirai kurwa neni, ŋgaapiwe cipiriso; asi kana ʋari ʋana ʋaʋanhu, ŋgaʋaʋe ʋakatukwa pamberi paJehova, nokuti ʋakandidziŋga nhasi, kuti ndirege kugara panhaka yaJehova, ʋaciti: Enda, undoshumira ʋamŋe ʋamŋari.

²⁰Naiɀoɀo ɀino ropa raŋgu ŋgarirege kuwira pasi kure naJehova, nokuti mambo waIsraeri waɓuɗa kuzotȿaka rutata rumŋe, somunhu unovima hwari mumakomo.

²¹Ipapo Sauro akati: Ndatadza, dzoka hako, mŋana waŋgu Davidi, nokuti handicazokuitiri ɀakaipa, nokuti ʋupenyu bgaŋgu bgakaŋga bgucikosha pameso ako nhasi; tarira, ndaita seɓenzi, ndatadza kwaɀo.

²²Ipapo Davidi akapindura, akati: Tarirai pfumo ramambo! mumŋe wamajaya ŋgaayambukire ʋuno aritore.

²³Jehova unoripira munhu mumŋe nomumŋe kururama kwake nokutendeka kwake; nokuti Jehova wakakuisai nhasi kwandiri, asi ndakaramba kutambanudzira ruʋoko rwaŋgu kumuzodzwa waJehova.

²⁴Ɀino tarirai, ʋupenyu bgenyu seɀandakabgukudza nhasi, saiɀoɀo ʋo ʋupenyu bgaŋgu ŋgabgukudzwe naJehova, iye andirwire pakutambudzika kwaŋgu kwose.

²⁵Ipapo Sauro akati kunaDavidi: Wakaropafadzwa iwe mŋana waŋgu Davidi; ucaʋa nesimba, ʋuye ucakunda kwaɀo. Naiɀoɀo Davidi akaenda hake, naSauro akadzokera kumusha kwake.