Read Original Shona Union Bible 1949 Baiberi Magwaro Matȿene aMŋari I Samueri 3 Bible Online

I Samueri 3 - Original Shona Union Bible 1949 Baiberi Magwaro Matȿene aMŋari bible

I Samueri 3

¹Ɀino mŋana Samueri waiɓatira Jehova pamberi paEri. Asi shoko raJehova rakaŋga ricinzwika kashoma pamazuʋa iwayo; Jehova wakaŋga asiŋgaɀiratidzi pacena.

²Ɀino neŋguʋa iyo Eri wakati aʋata pasi panɀimbo yake, (meso ake ɀino akaŋga oʋonera madzerere, asiŋgagoni kuʋona kwaɀo,)

³mŋenje waMŋari usati wadzimŋa, naSamueri akaŋga aʋata pasi patembere yaJehova, pakaŋga paneareka yaMŋari;

⁴Jehova akaɗana Samueri. Iye akati: Ndiri pano haŋgu.

⁵Akamhanyira kunaEri, akati: Ndiri pano haŋgu, nokuti mandiɗana. Eri akati: Handina‐kukuɗana, ciʋata hako ɀe. Iye akandoʋata ɀe.

⁶Ipapo Jehova akapamha ɀe kuɗana, akati: Samueri! Samueri akamuka, akaenda kunaEri, akati: Ndiri pano haŋgu, nokuti mandiɗana. Akapindura, akati: Handina‐kukuɗana, mŋana waŋgu; ciʋata hako ɀe.

⁷Asi Samueri wakaŋga acigere kuziʋa Jehova, ʋuye shoko raJehova rakaŋga ricigere kumuziʋiswa.

⁸Ɀino Jehova akapamha ɀe kuɗana Samueri rwecitatu. Iye akamuka, akaenda kunaEri, akati: Ndiri pano haŋgu, nokuti mandiɗana. Ipapo Eri akaziʋa kuti ndiJehova wakaɗana mŋana.

⁹Saka Eri akati kunaSamueri: Cindoʋata hako; ɀino kana iye okuɗana, uti: Taurai Jehova, nokuti muranda wenyu unonzwa. Naiɀoɀo Samueri akaenda, akandoʋata panɀimbo yake.

¹⁰Ipapo Jehova akaʋuya, akamira, akaɗana sapaŋguʋa dzimŋe dzokutaŋga, akati: Samueri, Samueri! Samueri akati: Taurai henyu, nokuti muranda wenyu unonzwa.

¹¹Jehova akati kunaSamueri: Tarira, ndicaita cinhu pakati paIsraeri, nzeʋe dzomumŋe nomumŋe unocinzwa dzicawuŋga.

¹²Nomusi uyo ndicaitira Eri ɀose ɀandakataura pamsoro peimba yake, kubva pakutaŋga kuȿikira pakupedzisira.

¹³Nokuti ndakamuʋudza kuti ndicatoŋgesa imba yake nokusiŋgaperi pamsoro peɀakaipa ɀaakaŋga aciziʋa hake; nokuti ʋanakomana ʋake ʋakaŋga ʋaciɀigadzirira kutukwa, asi iye haana‐kuʋadziʋisa.

¹⁴Saka ndakapika pamsoro peimba yaEri, kuti ɀakaipa ɀeimba yaEri haɀiŋgayananiswi neɀiɓayiro kana neɀipiriso nokusiŋgaperi.

¹⁵Ɀino Samueri akaʋata kuȿikira maŋgwana, akazarura mikoʋa yeimba yaJehova. Asi Samueri wakatya kuziʋisa Eri ɀaakaŋga aratidzwa.

¹⁶Ɀino Eri akaɗana Samueri, akati: Samueri, mŋana waŋgu. Iye akati: Ndiri pano haŋgu.

¹⁷Akati: Cinyiko cawakaʋudzwa naJehova? Usandiʋanzira hako cinhu ico; Mŋari ŋgaakuroʋe, arambe aciɗaro, kana ukandiʋanzira cinhu cimŋe paɀinhu ɀose ɀaakakuʋudza.

¹⁸Ipapo Samueri akamurondedzera ɀose‐ɀose, haana‐kumuʋanzira cinhu cimŋe. Eri akati: NdiJehova, ŋgaaite hake seɀaanoɗa.

¹⁹Samueri akakura; Jehova akaʋa naye, haana‐kutendera kuti rimŋe ramashoko ake riwire pasi.

²⁰ƲaIsraeri ʋose, kubva paDani kuȿikira paBeeri‐sheba, ʋakaziʋa kuti Samueri wakaŋga asimbiswa kuʋa muprofita waJehova.

²¹Ɀino Jehova akaɀiratidza ɀe paShiro, nokuti Jehova wakaɀiratidza kunaSamueri paShiro neshoko raJehova.