Read Original Shona Union Bible 1949 Baiberi Magwaro Matȿene aMŋari I Samueri 30 Bible Online

I Samueri 30 - Original Shona Union Bible 1949 Baiberi Magwaro Matȿene aMŋari bible

I Samueri 30

¹Ɀino Davidi naʋanhu ʋake ʋakati ʋaciȿika paZikragi nezuʋa retatu, ʋakawana kuti ʋaAmareki ʋakaŋga ʋandopambara kurutiʋi rwezasi, neZikragi ʋo, ʋakakunda Zikragi nokuripisa nomŋoto;

²ʋakatapa ʋakadzi naʋose ʋakaŋga ʋari’mo, ʋaɗuku naʋakuru; ʋakaŋga ʋasinokuʋuraya munhu, asi ʋakaʋatapa, ʋakaenda haʋo.

³Ɀino Davidi naʋanhu ʋake ʋakati ʋaciȿika paguta ʋakariwana rapiswa nomŋoto, naʋakadzi ʋaʋo, naʋanakomana ʋaʋo, naʋanasikana ʋaʋo ʋatapxa.

⁴Davidi naʋanhu ʋakaŋga ʋanaye ʋakacema kwaɀo, kuȿikira ʋasisina simba rokucema.

⁵Naʋakadzi ʋaʋiri ʋaDavidi ʋakaŋga ʋatapxa ʋo, ʋana Ahinoami muJezreeri naAbigairi waiʋa mukadzi waNabari muKarmeri.

⁶Davidi akatambudzika ɀikuru, nokuti ʋanhu ʋakaŋga ʋoɗa kumutaka namabge, nokuti mŋoyo yaʋanhu ʋose yakaŋga ineshuŋgu, mumŋe nomumŋe pamsoro paʋanakomana ʋake naʋanasikana ʋake; asi Davidi wakatȿaka simba rake kunaJehova Mŋari wake.

⁷Ɀino Davidi akati kunaAbiatari muprista, mŋanakomana waAhimereki: Ƌoʋuya hako pano neefodi. Abiatari akaenda neefodi kunaDavidi.

⁸Davidi akabvunza Jehova, akati: Kana ndikateʋera ɓoka iro, ndiŋgaʋaɓata here? Akamupindura, akati: Teʋera hako, nokuti ucaʋaɓata kwaɀo, ʋuye ucarwira ɀose.

⁹Naiɀoɀo Davidi akaenda, iye naʋarume ʋanamazana matanhatu ʋaakaŋga anaʋo, ʋakaȿika parukoʋa Besori, pakasara ʋamŋe ʋaakasiya.

¹⁰Asi Davidi wakateʋerera, iye naʋanhu ʋanamazana manna, nokuti ʋanamazana maʋiri ʋakaŋga ʋasara shure, nokuti ʋakaŋga ʋaneta kwaɀo, ʋasiŋgagoni kuyambuka rukoʋa Besori.

¹¹Ʋakawana muEgipita kusaŋgo, ʋakaʋuya naye kunaDavidi, ʋakamupa ɀokudya, akadya, ʋakamupa ʋo mvura yokunwa;

¹²ʋakamupa ʋo cimeɗu ceɓundu ramaʋonde namasumbu maʋiri amazambiriŋga akawomeswa; ɀino wakati adya, mŋeya wake ukararama ɀe mukati make, nokuti wakaŋga asina‐kudya ɀokudya, kana kunwa mvura, mazuʋa matatu noʋusiku ʋutatu.

¹³Davidi akati kwaari: Uri waaniko? Unobvepiko? Iye akati: Ndiri jaya rakabva Egipita, muranda womunhu waʋaAmareki; tenzi waŋgu wakandisiya, nokuti mazuʋa matatu akapfuʋura ndakarwara.

¹⁴Takaŋga tandopambara kurutiʋi rwezasi rwaʋaKereti, nokunyika yaJuda, nokurutiʋi rwezasi rwaKarebi, tikapisa ʋo Zikragi nomŋoto.

¹⁵Davidi akati kwaari: Uŋgandiɓurusira kuɓoka iro here? Iye akati: Ndipikirei naMŋari kuti hamuŋgandiʋurayi, kana kundiisa mumaʋoko atenzi waŋgu. Ipapo ndiŋgakuɓurusirai kuɓoka iro.

¹⁶Ɀino wakati amuɓurusira’ko, ʋakaʋawana ʋakapararira pasi pose, ʋacidya, nokunwa, nokutamba pakati peɀizhinji ɀaʋakaŋga ʋapamba, ɀaʋakaŋga ʋatora kunyika yaʋaFiristia nokunyika yaʋaJuda.

¹⁷Davidi akarwa naʋo kubva parubvunza‐ʋaeni kuȿikira maɗeko ezuʋa repiri; kwakaŋga kusinomunhu wakapukunyuka, asi majaya anamazana manna, akaŋga akataȿa makamera, ndiwo akatiza.

¹⁸Davidi akarwira ɀose ɀakaŋga ɀatorwa naʋaAmareki; Davidi akarwira ʋo ʋakadzi ʋake ʋaʋiri.

¹⁹Ʋakaŋga ʋasina‐kurashikirwa necinhu, kunyaŋge ciɗuku kana cikuru, kana ʋanakomana, kana ʋanasikana, kana nhumbi, kana cinhu cipi necipi caʋakaŋga ʋatora; Davidi wakaɀidzosa ɀose.

²⁰Davidi akatora ʋo makwai neŋombe dzose, ʋakaɀitinha pamberi peɀimŋe ɀipfuwo, ʋakati: Ndiɀo ɀakapambga naDavidi.

²¹Ɀino Davidi akaȿika kuʋarume ʋanamazana maʋiri, ʋaya ʋakaŋga ʋasiŋgagoni kuteʋera Davidi nokuneta kwaʋo, ʋaʋakaŋga ʋasiya kurukoʋa Besori; iʋo ʋakandosoŋgana naDavidi, nokusoŋgana ʋo naʋanhu ʋakaŋga ʋanaye; ɀino Davidi wakati asweɗera kwaʋari, akaʋakwazisa.

²²Ipapo ʋanhu ʋose ʋakashata, naʋanhu ʋakaiȿo‐ipa, ʋakaŋga ʋaenda naDavidi, ʋakapindura, ʋakati: Ɀaʋasina‐kuenda nesu, hatiŋgaʋapi cinhu cimŋe ceɀakapambga ɀatakandorwira, asi mumŋe nomumŋe ŋgaapiwe mukadzi wake naʋana ʋake, ʋaʋaperekedze, ʋaende naʋo.

²³Ipapo Davidi akati: Hamuŋgaiti kuɗaro, hama dzaŋgu, neɀatakapiwa naJehova, iye wakaticeŋgeta, akaisa ɓoka rakaŋga raʋuya kuzorwa nesu pamaʋoko eɗu.

²⁴Ndianiko uŋgakutererai pashoko rakaɗai? Nokuti mugoʋe wowakaenda kundorwa, ucafanana nomugoʋe wowakasara panhumbi; migoʋe yaʋo inofanira kufanana.

²⁵Ɀino kubva pazuʋa iro iye akatema kuti uʋe mutemo nomurairo kuʋaIsraeri kuȿikira zuʋa ranhasi.

²⁶Ɀino Davidi wakati aȿika Zikragi, akatuma ɀimŋe ɀakaŋga ɀapambga kuʋakuru ʋaʋaJuda, idzo hama dzake, akati: Heco cipo cenyu ceɀakapambga kuʋaʋeŋgi ʋaJehova;

²⁷kunaʋakaŋga ʋari Beti‐eri, nokunaʋakaŋga ʋari Ramoti kurutiʋi rwezasi, nokunaʋakaŋga ʋari Jatiri,

²⁸nokunaʋakaŋga ʋari Aroeri, nokunaʋakaŋga ʋari Sifmoti, nokunaʋakaŋga ʋari Eshtemoa;

²⁹nokunaʋakaŋga ʋari Rakari, nokunaʋakaŋga ʋari kumaguta aʋaJerameeri, nokunaʋakaŋga ʋari pamaguta aʋaKeni,

³⁰nokunaʋakaŋga ʋari Horma, nokunaʋakaŋga ʋari Korashani, nokunaʋakaŋga ʋari Ataki,

³¹nokunaʋakaŋga ʋari Hebroni, nokunaʋose ʋakaŋga ʋari panɀimbo dzaifamba Davidi amene naʋanhu ʋake.