Read Original Shona Union Bible 1949 Baiberi Magwaro Matȿene aMŋari I Samueri 31 Bible Online

I Samueri 31 - Original Shona Union Bible 1949 Baiberi Magwaro Matȿene aMŋari bible

I Samueri 31

¹Ɀino ʋaFiristia ʋakarwa naʋaIsraeri; ʋarume ʋaIsraeri ʋakatiza pamberi paʋaFiristia, ʋakawira pasi ʋaʋurawa pagomo reGirboa.

²ƲaFiristia ʋakateʋerera Sauro naʋanakomana ʋake kwaɀo, ʋaFiristia ʋakaʋuraya Jonatani, naAbinadabi, naMarki‐shua, ʋanakomana ʋaSauro.

³Sauro akakurirwa kwaɀo pakurwa; ʋafuri ʋoʋuta ʋakamuɓata, akatambudzika kwaɀo nokuɗa kwaʋafuri ʋoʋuta.

⁴Ipapo Sauro akati kunowaiɓata nhumbi dzake dzokurwa nadzo: Vomora munondo wako, undiɓaye nawo, kuti aʋa ʋasina‐kudziŋgiswa ʋarege kuȿika ʋandiɓaye, nokundiɗaɗira. Asi muɓati wenhumbi dzake dzokurwa nadzo wakaramba, nokuti wakaŋga acitya kwaɀo. Naiɀoɀo Sauro akatora munondo wake, akaɀiwisira pauri.

⁵Ɀino muɓati wenhumbi dzake dzokurwa nadzo wakati aciʋona kuti Sauro wafa, naiye akaɀiwisira pamunondo wake ʋo, akafa pamŋe cete naye.

⁶Naiɀoɀo Sauro akafa, pamŋe cete naʋanakomana ʋake ʋatatu, nomuɓati wenhumbi dzake dzokurwa nadzo, naʋanhu ʋake ʋose nomusi iwoyo.

⁷Ɀino ʋanhu ʋaIsraeri, ʋakaŋga ʋari mhiri kwomupata, naʋakaŋga ʋari mhiri kwaJoridani, ʋakati ʋaciʋona kuti ʋanhu ʋaIsraeri ʋatiza, ʋuye kuti Sauro naʋanakomana ʋake ʋakaŋga ʋafa ʋo, ʋakabva pamaguta, ʋakatiza; ʋaFiristia ʋakaȿika, ʋakagara’mo.

⁸Ɀino fume maŋgwana ʋaFiristia ʋakati ʋaciʋuya kuzokunuŋgura ʋakaʋurawa, ʋakawana Sauro naʋanakomana ʋake ʋatatu ʋafa pagomo reGirboa.

⁹Ʋakagura musoro wake, nokukunuŋgura nhumbi dzake dzokurwa nadzo, ʋakatuma nhume kumatiʋi ose enyika yaʋaFiristia, kundoziʋisa mashoko iwayo kuimba yeɀifananidzo ɀaʋo, nokuʋanhu.

¹⁰Ʋakaisa nhumbi dzake dzokurwa nadzo muimba yaAshtaroti, ʋakasuŋgira citunha cake pamadziro eBeti‐shani.

¹¹Ɀino ʋakaŋga ʋagere Jabeshi‐Gireadi ʋakati ʋacinzwa ɀakaŋga ɀaitirwa Sauro naʋaFiristia,

¹²mhare dzose dzikasimuka, dzikafamba ʋusiku bgose, dzikatora citunha caSauro neɀitunha ɀaʋanakomana ʋake pamadziro eBeti‐shani, ʋakaenda Jabeshi ʋakaɀipisa’po.

¹³Ʋakatora mafupa aʋo, ʋakaaʋiga pasi pomuti womutamariski paJabeshi, ʋakaɀinyima ɀokudya mazuʋa manomŋe.