Read Original Shona Union Bible 1949 Baiberi Magwaro Matȿene aMŋari I Samueri 5 Bible Online

I Samueri 5 - Original Shona Union Bible 1949 Baiberi Magwaro Matȿene aMŋari bible

I Samueri 5

¹Ɀino ʋaFiristia ʋakatora areka yaMŋari, ʋakabva nayo Ebeni‐ezeri, ʋakaiisa Ashdodi.

²ƲaFiristia ʋakatora areka yaMŋari ʋakaiisa mumba maDagoni, ʋakaigadzika kurutiʋi rwaDagoni.

³Ɀino ʋeAshdodi ʋakati ʋacimuka maŋgwanani, ʋonei Dagoni wawira pasi neciso pamberi peareka yaJehova. Ʋakatora Dagoni, ʋakamugadzika ɀe panɀimbo yake.

⁴Ɀino ʋakati ʋacimuka maŋgwanani, ʋonei Dagoni wawira pasi neciso pamberi peareka yaJehova; nomusoro waDagoni neɀanza ɀamaʋoko ake ose maʋiri ɀakaŋga ɀavunika, ɀiri pacikumbaridzo comukoʋa; Dagoni wakaŋga asarirwa nomuʋiri woga.

⁵Saka ʋaprista ʋaDagoni, naʋose ʋanopinda mumba maDagoni, haʋatsiki pacikumbaridzo caDagoni paAshdodi kuȿikira nhasi.

⁶Asi ruʋoko rwaJehova rwakatambudza ʋeAshdodi, akaʋaparadza nokuʋaroʋa namamota, iʋo ʋeAshdodi nenyika yaʋo.

⁷Ɀino ʋarume ʋeAshdodi ʋakati ʋaciʋona kuti ndiɀo ɀaʋanoitirwa, ʋakati: Areka yaMŋari waIsraeri ŋgairege kugara pakati peɗu; nokuti ruʋoko rwake runotitambudza isu namŋari weɗu Dagoni.

⁸Naiɀoɀo ʋakatuma nhume kundoʋuŋganidza kwaʋari madzishe ose aʋaFiristia, ʋakati: Ticaita seiko neareka yaMŋari waIsraeri? Ʋakapindura, ʋakati: Areka yaMŋari waIsraeri ŋgaiiswe Gati. Ʋakaisa areka yaMŋari ikoko.

⁹Ʋakati ʋaiisa’ko, ruʋoko rwaJehova rukavundusa guta nokuvundusa kukuru; akaroʋa ʋarume ʋeguta, ʋaɗuku naʋakuru, ʋakapomerwa mamota.

¹⁰Naiɀoɀo iʋo ʋakatumira areka yaMŋari Ekroni. Ɀino areka yaMŋari yakati yaȿika Ekroni, ʋeEkroni ʋakacema kwaɀo, ʋakati: Ʋaʋuya neareka yaMŋari waIsraeri kwatiri, kuzotiʋuraya, isu naʋanhu ʋeɗu.

¹¹Naiɀoɀo ʋakatuma nhume kundoʋuŋganidza madzishe ose aʋaFiristia, ʋakati: Tumai areka yaMŋari waIsraeri, ibve, idzoserwe kunɀimbo yayo, kuti irege kutiʋuraya, isu naʋanhu ʋeɗu; nokuti guta rose rakaŋga ravunduswa nokuvundusa kworufu; ruʋoko rwaJehova rwakaʋatambudza ɀikuru ipapo.

¹²Ʋarume, ʋasino‐kufa, ʋakarobga namamota, kucema kweguta kukakwira kuɗeŋga.