Read Original Shona Union Bible 1949 Baiberi Magwaro Matȿene aMŋari I Samueri 6 Bible Online

I Samueri 6 - Original Shona Union Bible 1949 Baiberi Magwaro Matȿene aMŋari bible

I Samueri 6

¹Ɀino areka yaJehova yakagara munyika yaʋaFiristia mŋedzi minomŋe.

²ƲaFiristia ʋakaɗana ʋaprista naʋaʋuki, ʋakati: Ticaita seiko neareka yaJehova? Tiziʋisei mutoʋo watiŋgaidzosera nawo kunɀimbo yayo.

³Ʋakati: Kana mucidzosera areka yaMŋari waIsraeri, musaituma isinecinhu; asi munofanira kumutumira cipiriso cemhoȿa; ipapo mucapora, mugoziʋa kuti ruʋoko rwake runoregereiko kubviswa kwamuri.

⁴Ɀino ʋakati: Cipiriso cemhoȿa catinofanira kumuripira naco ndeceiko? Ʋakati: Mamota mashanu endarama, namakonzo mashanu endarama, ɀakaenzana namadzishe aʋaFiristia; nokuti makaŋga marobga neɗambudziko rimŋe, imi mose namadzishe enyu.

⁵Naiɀoɀo munofanira kuita mufananidzo wamamota enyu, nomufananidzo wamakonzo enyu anotadzira nyika, mukudze Mŋari waIsraeri; ɀimŋe ucarerusa ruʋoko rwake pamsoro penyu, napamsoro paʋamŋari ʋenyu, napamsoro penyika yenyu.

⁶Mucawomesereiko mŋoyo yenyu, seɀakaita ʋaEgipita naFarao ʋakawomesa mŋoyo yaʋo? Ŋguʋa yaakaita ɀishamiso pakati paʋo, haʋana‐kurega ʋanhu here, ʋakaenda?

⁷Naiɀoɀo ɀino torai mugadzire ŋgoro itȿa, nemhou mbiri dzinomŋisa dzisinakumboiswa joko, musuŋge mhou paŋgoro, asi muraʋurire mhuru dzadzo kumusha;

⁸ɀino mutore areka yaJehova, mugoiisa paŋgoro; neɀishoŋgo ɀendarama, ɀamunomuripira naɀo kuti ciʋe cipiriso cemhoȿa, muɀiise mubokisi parutiʋi rwayo, mugoituma iende.

⁹Ɀino tarirai, kana ikakwira nenzira yenyika yayo kuBeti‐shemeshi, ndiye wakatiitira njodzi huru iyi; asi kana isiŋgaɗaro, ticaziʋa kuti haruzi ruʋoko rwake rwakatiroʋa, cinhu haco catiwira.

¹⁰Ɀino ʋarume ʋakaita saiɀoɀo; ʋakatora mhou mbiri dzakaŋga dzicimŋisa, ʋakadzisuŋga paŋgoro, ʋakapfigira mhuru dzadzo kumusha;

¹¹ʋakaisa areka yaJehova pamsoro peŋgoro, nebokisi rakaŋga rinamakonzo endarama, nemifananidzo yamamota aʋo.

¹²Ɀino mhou dzikarurama nenzira inoenda Beti‐shemeshi, dzikafamba nenzira huru, dzikaenda dziciŋgokuma; hadzina‐kutsaukira kurudyi kana kuruɓoshwe; madzishe aʋaFiristia akadziteʋera kuȿikira kumuganho weBeti‐shemeshi.

¹³Ɀino ʋanhu ʋeBeti‐shemeshi ʋakaŋga ʋaciceka ɀiyo ɀaʋo pamupata, ʋakatarira, ʋakaʋona areka, ʋakafara ʋaciiʋona.

¹⁴Ŋgoro ikaȿika pamunda waJoshua muBeti‐shemeshi, ikamira pakaŋga panebge guru; ipapo ʋakapamura matanda eŋgoro, ʋakaɓayira mhou ʋakadziita cipiriso cinopisirwa Jehova.

¹⁵Ɀino ʋaRevi ʋakaɓurusa areka yaJehova, nebokisi rakaŋga riri pairi, makaŋga muneɀishoŋgo ɀendarama, ʋakaɀiisa pabge guru, ʋarume ʋeBeti‐shemeshi ʋakaʋuya neɀipiriso ɀinopiswa ʋakaɓayira Jehova ɀiɓayiro nomusi uyo.

¹⁶Ɀino madzishe mashanu aʋaFiristia akati aʋona iɀoɀo, akadzokera Ekroni nomusi iwoyo.

¹⁷Ɀino ndiwo mamota endarama akaripxa namadzishe aʋaFiristia, kuti ciʋe cipiriso cemhoȿa kunaJehova; rimŋe raiʋa reAshdodi, rimŋe reGaza, rimŋe reAshkeroni, rimŋe reGati, rimŋe reEkroni;

¹⁸namakonzo endarama akaŋga akaenzana namaguta ose aʋaFiristia, akaŋga ari amadzishe mashanu, aiʋa maguta akapoteredzwa namaȿiŋgo nemisha miɗuku yokuruwa. Ʋuye ibge guru raʋakagadzika areka yaJehova pamsoro paro, rici’po pamunda waJoshua muBeti‐shemeshi kuȿikira nhasi.

¹⁹Ɀino Jehova akaʋuraya ʋamŋe ʋaʋarume ʋeBeti‐shemeshi, nokuti ʋakaŋga ʋatarira mukati meareka yaJehova; akaʋuraya ʋarume ʋaneɀuru ɀinamakumi mashanu namakumi manomŋe pakati paʋanhu aʋo; ʋanhu ʋakacema, nokuti Jehova wakaŋga aʋuraya ʋanhu nokuʋuraya kukuru.

²⁰Ɀino ʋarume ʋeBeti‐shemeshi ʋakati: Ndianiko unogona kumira pamberi paJehova, Mŋari uyu Mutȿene? Ucakwira kunani, kana acibva kwatiri?

²¹Ipapo ʋakatuma nhume kunaʋakaŋga ʋagere Kiriati‐jearimi, ʋakati: ƲaFiristia ʋadzosa areka yaJehova; ɓurukai imi, muzoiisa kwenyu.