Read Original Shona Union Bible 1949 Baiberi Magwaro Matȿene aMŋari I Samueri 7 Bible Online

I Samueri 7 - Original Shona Union Bible 1949 Baiberi Magwaro Matȿene aMŋari bible

I Samueri 7

¹Ipapo ʋarume ʋeKiriati‐jearimi ʋakaʋuya, ʋakatora areka yaJehova, ʋakaiisa kumba kwaAbinadabi pagomo; ʋakatsaura Ereazari mŋanakomana wake, kuti aceŋgete areka yaJehova.

²Kubva pamusi wokuȿika kweareka paKiriati‐jearimi, yakagara’po ŋguʋa refu, nokuti akaŋga ari makore makumi maʋiri; imba yose yaIsraeri ikacema kunaJehova.

³Samueri akataura neimba yose yaIsraeri, akati: Kana muciɗa kudzokera kunaJehova nomŋoyo wenyu wose, bvisai ʋamŋari ʋatorwa neAshtaroti pakati penyu, mugadzirire Jehova mŋoyo yenyu, mumushumire iye oga; ipapo iye ucakusunuŋgurai pamaʋoko aʋaFiristia.

⁴Ʋana ʋaIsraeri ʋakabvisa ʋaBaari neAshtaroti, ʋakashumira Jehova oga.

⁵Ɀino Samueri akati: Ʋuŋganidzai ʋaIsraeri ʋose paMizpa, ini ndikunyeŋgetererei kunaJehova.

⁶Ʋakaʋuŋgana paMizpa, ʋakacera mvura, ʋakaiɗururira pamberi paJehova, ʋakaɀinyima ɀokudya nomusi iwoyo, ʋakati ipapo: Takatadzira Jehova. Samueri akatoŋga ʋana ʋaIsraeri paMizpa.

⁷Ɀino ʋaFiristia ʋakati ʋacinzwa kuti ʋana ʋaIsraeri ʋakaŋga ʋaʋuŋgana paMizpa, madzishe aʋaFiristia akakwira kundorwa naʋaIsraeri. Ʋana ʋaIsraeri ʋaciɀinzwa ʋakatya ʋaFiristia.

⁸Ɀino ʋana ʋaIsraeri ʋakati kunaSamueri: Musarega henyu kuramba mucicema kunaJehova Mŋari weɗu nokuɗa kweɗu, kuti atirwire pamaʋoko aʋaFiristia.

⁹Samueri akatora gwaiana rinomŋa, akagadzirira Jehova naro cipiriso cinopiswa cose. Samueri akacema kunaJehova nokuɗa kwaʋaIsraeri; Jehova akamunzwa.

¹⁰Samueri wakati acapisira Jehova cipiriso cinopiswa, ʋaFiristia ʋakasweɗera kuzorwa naʋaIsraeri; asi Jehova akatinhira nokutinhira kukuru pamsoro paʋaFiristia nomusi iwoyo, akaʋavundusa, ʋakakundwa naʋaIsraeri.

¹¹Ʋarume ʋaIsraeri ʋakaɓuɗa Mizpa, ʋakateʋera ʋaFiristia, ʋakaʋaparadza kuȿikira panyasi peBeti‐kari.

¹²Ɀino Samueri akatora ibge, akarimisa pakati peMizpa neSheni, akaritumidza zita raro Ebeni‐ezeri, aciti: Jehova wakatiɓatsira kuȿikira pano.

¹³ƲaFiristia ʋakakundwa saiɀoɀo; haʋana‐kuzoʋuya ɀe munyika yaʋaIsraeri; ruʋoko rwaJehova rukarwa naʋaFiristia mazuʋa ose aSamueri.

¹⁴Namaguta akaŋga atorerwa ʋaIsraeri naʋaFiristia akadzoserwa ɀe kuʋaIsraeri, kubva paEkroni kuȿikira paGati, nenyika yaʋo yakasunuŋgurwa naʋaIsraeri pamaʋoko aʋaFiristia; rugare rukaʋa’po pakati paʋaIsraeri naʋaAmori.

¹⁵Samueri akatoŋga ʋaIsraeri mazuʋa ose oʋupenyu bgake.

¹⁶Waipota gore rimŋe nerimŋe napaBeti‐eri, neGirgari, neMizpa, akatoŋga ʋaIsraeri panɀimbo idzo dzose.

¹⁷Akasidzokera Rama, nokuti ndipo paakaŋga agere; akatoŋga ʋaIsraeri ipapo, akaʋakira Jehova artari ipapo.