Read Original Shona Union Bible 1949 Baiberi Magwaro Matȿene aMŋari I Samueri 9 Bible Online

I Samueri 9 - Original Shona Union Bible 1949 Baiberi Magwaro Matȿene aMŋari bible

I Samueri 9

¹Ɀino kwakaŋga kunomurume waBenjamini, wainzi Kishi, mŋanakomana waAbieri, mŋanakomana waZerori, mŋanakomana waBekorati, mŋanakomana waAfia, mŋanakomana womuBenjamini, munhu waiʋa nesimba noʋumhare.

²Uyu munhu wakaŋga anomŋanakomana wainzi Sauro, jaya rakanaka; kwakaŋga kusinomumŋe munhu pakati paʋana ʋaIsraeri wakaŋga akamukunda pakunaka; kubva pamafudzi ake kuȿika kumusoro wake wakaŋga akapfuʋura ʋanhu ʋose pakureɓa.

³Ɀino mboŋgoro dzaKishi, ɓaɓa ʋaSauro, dzakaŋga dzarashika. Ipapo Kishi akati kunaSauro, mŋanakomana wake: Enda nomumŋe waʋaranda, mundotȿaka mboŋgoro.

⁴Iye akapfuʋura nokunyika yamakomo yaEfraimi, akapfuʋura ʋo nokunyika yeSharisha, asi haʋana‐kudziwana; ɀino ʋakapfuʋura ɀe nokunyika yeSharimi, asi naipapo dzakaŋga dzisi’po; ipapo akapfuʋura nokunyika yaʋaBenjamini, asi haʋana‐kudziwana.

⁵Ɀino ʋakati ʋaciȿika kunyika yeZufi, Sauro akati kumuranda wake, wakaŋga anaye: Ŋgatidzoke heɗu; ɓaɓa ʋaŋgu ɀimŋe ʋaŋgarega kufuŋga mboŋgoro, ʋakafuŋganya pamsoro peɗu.

⁶Iye akati kwaari: Tarirai, muguta rino munomunhu waMŋari, munhu unokudzwa kwaɀo; ɀose ɀaanotaura ɀinoitika; hendei ɀino ikoko, ɀimŋe uŋgatiʋudza nzira yatiŋgafamba nayo.

⁷Ɀino Sauro akati kumuranda wake: Asi tarira, kana tikaenda, ticandoʋigirei munhu uyo? Nokuti ɀiŋgwa ɀakaŋga ɀiri mumidziyo yeɗu ɀapera; hapanacipo catiŋgaʋigira munhu waMŋari; tineiko?

⁸Ipapo muranda akapindura ɀe, akati kunaSauro: Tarirai, ndinececinna ceshekeri[2] resirveri muruʋoko rwaŋgu; ndicacipa munhu waMŋari, atiʋudze nzira yeɗu.

⁹(Kare pakati paʋaIsraeri kana munhu ondobvunza Mŋari, waiti: Hendei kumuʋoni; nokuti unonzi Muprofita ɀino wainzi Muʋoni kare.)

¹⁰Ipapo Sauro akati kumuranda wake: Ishoko rakanaka, hendei. Naiɀoɀo ʋakaenda kuguta kwakaŋga kunomunhu waMŋari.

¹¹Ɀino ʋakati ʋacikwira kuguta, ʋakasoŋgana naʋasikana ʋakaŋga ʋaɓuɗa kundoteka mvura, ʋakati kwaʋari: Muʋoni uri pano here?

¹²Ʋakapindura, ʋakati: Uri’po; tarirai, hoyo pamberi penyu; kurumidzai henyu ɀino, nokuti waȿika muguta nhasi; nokuti ʋanhu ʋanoɓayira nhasi paɗunhu rakakwirira.

¹³Kana maŋgoti mapinda muguta, mucamuwana pakarepo acigere kukwira kuɗunhu rakakwirira kundodya’po; nokuti ʋanhu haʋaŋgadyi, iye asati aȿika, nokuti ndiye unoropafadza ciɓayiro; pashure iʋo ʋakakokwa ʋacadya. Naiɀoɀo cikwirai ɀino, nokuti mucamuwana neŋguʋa ino.

¹⁴Ipapo ʋakakwira kuguta. Ʋakati ʋoȿika muguta, ʋakaʋona Samueri oɓuɗa, akasoŋgana naʋo okwira kuɗunhu rakakwirira.

¹⁵Ɀino Jehova wakaŋga aziʋisa Samueri zuʋa rakataŋgira kuȿika kwaSauro, akati:

¹⁶Maŋgwana neŋguʋa ino ndicatuma kwauri munhu unobva kunyika yaBenjamini; unofanira kumuzodza, kuti aʋe mutuŋgamiriri waʋanhu ʋaŋgu ʋaIsraeri, aponese ʋanhu ʋaŋgu mumaʋoko aʋaFiristia; nokuti ndakatarira ʋanhu ʋaŋgu, nokuti kucema kwaʋo kwakaȿika kwandiri.

¹⁷Ɀino Samueri wakati aciʋona Sauro, Jehova akati kwaari: Ndiye munhu wandakakuʋudza ndiciti, ndiye ucaɓata ʋanhu ʋaŋgu.

¹⁸Ipapo Sauro akasweɗera kunaSamueri pasuʋo, akati: Ndiʋudzei ʋo kuti imba yoMuʋoni iripi?

¹⁹Samueri akapindura Sauro, akati: Ndini Muʋoni; ndituŋgamirirei mukwire kuɗunhu rakakwirira, nokuti munofanira kudya neni nhasi; maŋgwana ndicakutendera kuenda, ndigokuʋudza ʋo ɀose ɀiri pamŋoyo wako.

²⁰Asi kana dziri mboŋgoro dzako dzakaŋga dzarashika mazuʋa matatu, usadzifuŋga hako, nokuti dzatowanikwa hadzo. Asi ɀose ɀinoɗikanwa naIsraeri haɀizi kwauri here? Haɀizi kwauri nokunaʋose ʋeimba yaɓaɓa ʋako here?

²¹Sauro akapindura, akati: Ko handizi muBenjamini, worudzi ruɗuku kumarudzi ose aIsraeri here? Ʋuye mhuri yaŋgu haizi ɗuku kumhuri dzose dzorudzi rwaBenjamini here? Munotaurireiko kuɗaro kwandiri?

²²Samueri akatora Sauro nomuranda wake, akapinda naʋo mumba mokudyira, akaʋagarisa paʋakakudzwa kupfuʋura ʋamŋe ʋakakokwa, ʋaiʋa ʋanhu ʋaneŋge makumi matatu.

²³Ɀino Sauro akati kumuɓiki: Ʋuya nomugoʋe wandakakupa ndiciti: Ciuceŋgeta uri woga.

²⁴Muɓiki akatora cidɀa neɀose ɀakaŋga ɀiri paciri, akaɀigadza pamberi paSauro. Samueri akati: Tarira, ndico cakaŋga cakaceŋgetwa; uɀigadze pamberi pako, udye, nokuti ɀakakuceŋgeterwa iwe kuȿikira ŋguʋa yakafanira, nokuti ndakati: Ndakokera ʋanhu. Naiɀoɀo Sauro akadya naSamueri musi iwoyo.

²⁵Ɀino ʋakati ʋaɓuruka paɗunhu rakakwirira, ʋakapinda muguta, akataurirana naSauro paɗeŋga reimba.

²⁶Ʋakamuka maŋgwanani, mambakwedza, Samueri akaɗana Sauro paɗeŋga reimba, akati: Muka, ndikuendise. Ipapo Sauro akamuka, ʋakaɓuɗa iye naSamueri ʋari ʋaʋiri.

²⁷Ɀino ʋakati ʋoɓuruka pamugumo weguta, Samueri akati kunaSauro: Raira muranda atuŋgamire mberi kweɗu (iye akatuŋgamira hake); asi iwe cimbomira hako, ndikuziʋise shoko raMŋari.