Read Oshindonga-Ombiimbeli Ondjapuki GENESIS 17 Bible Online

GENESIS 17 - Oshindonga-Ombiimbeli Ondjapuki bible

GENESIS 17

¹Abram sho a gwanitha omimvo omilongo omugoyi nomugoyi, Omuwa okwe mu ihololele e ta ti: “Ongame Kalunga Omunankondoawike. Vulika kungame e to longo shoka shu uka.

²Otandi hangana nangoye e tandi ku pe oluvalo olwindji.”

³Abram okwi ihata po a tsa oshipala she mevi, naKalunga okwa ti:

⁴“Otandi dhike ehangano ndika nangoye. Otandi uvaneke kutya oto ka ninga hekulu yiigwana oyindji.

⁵Edhina lyoye itali kala we Abram, ihe oAbraham, oshoka otandi ku ningi hekulu yiigwana oyindji.

⁶Otandi ku pe oluvalo olwindji, nayamwe yomuyo otaa ka ninga aakwaniilwa. Oto ka kala u na oluvalo olwindji, notalu ka ninga iigwana.

⁷“Otandi dhiginine euvaneko lyandje kungoye nokoluvalo lwoye momapipi gokomeho, naandika olyo ehangano lyaaluhe. Ote ningi Kalunga koye naKalunga koluvalo lwoye.

⁸Evi moka u li ngashingeyi ondjendi, otandi li pe oluvalo lwoye. Evi alihe lyaKaanan otali ka ninga lyoluvalo lwoye sigo aluhe, nangame otii ka kala Kalunga kawo.”

⁹Kalunga okwa ti kuAbraham: “Ngoye wo ou na okuzimina okudhiginina ehangano ndika, ongoye mwene noluvalo lwoye lwokomeho.

¹⁰Ngoye mwene noluvalo omu na okuzimina, mu fukalekithe omulumentu kehe etanda.

¹¹Okuza nena okanona okamati kehe oke na okufukalekwa, nge ka ningi omasiku gahetatu, ayehe naapika taa valelwa maandjeni naapika mboka taa landwa ya za kaakwiilongo. Shika osho tashi holola ehangano pokati ketu nane.

¹³Shaa ngoka na fukalekwe, naashika otashi ka ninga endhindhiliko lyokuholola kutya ehangano lyandje nane olyaaluhe.

¹⁴Omulumentu kehe ngoka inaa fukalekwa, ita kala gwomaantu yandje, oshoka okwa yono ehangano lyandje.”

¹⁵Kalunga okwa lombwele Abraham a ti: “Mukadhoye ino mu ithana we Sarai. Okuza nena edhina lye oSara

¹⁶Otandi mu yambeke notandi mu pe oluvalo, e ku valele omumati. Otandi mu yambeke e ta ningi yina yiigwana, nomoluvalo lwe otamu ka za aakwaniilwa.”

¹⁷Abraham okwi ihata po a tsa oshipala she mevi, ihe okwa tameke okumenya mo, sho a dhiladhila: “Omulumentu gwomimvo ethele ota vulu tuu okuvala okanona? Sara sho e na omimvo omilongo omugoyi, ota vala we?”

¹⁸Abraham okwa pula Kalunga a ti: “Omolwashike Ismael itaa thigulula ndje?”

¹⁹Kalunga okwa ti: “Aawe. Mukadhoye Sara ote ku valele omumati e to mu luku Isak. Otandi ka dhiginina ehangano lyandje naye nonoluvalo lwe sigo aluhe.

²⁰Ondu uvu epulo lyoye kombinga yaIsmael, onkee otandi mu yambeke e tandi mu pe aanona oyendji noluvalo olwindji. Oye ta ka ninga he yaawa omulongo nayaali, noluvalo lwe otandi ke lu ninga oshigwana oshinene.

²¹Ihe ehangano lyandje otali kwatelele mo wo omumwoye Isak, ngoka ta ka valwa kuSara omumvo tagu ya pethimbo ngaandika.”

²²Kalunga sho a mana okupopya naAbraham, okwa yi.

²³Esiku ndyoka Abraham okwa vulika kuKalunga e ta fukalekitha Ismael naalumentu ayehe ya li maandjawo, aapika mboka ya valelwa maandjawo nenge ya landwa.

²⁴Abraham okwa li e na omimvo omilongo omugoyi nomugoyi, sho a fukala,

²⁵nomwana Ismael okwa li e na omimvo omulongo nandatu.

²⁶Ayehe yaali oya fukala esiku limwe,

²⁷Osho wo aapika ayehe yaAbraham.