Read Oshindonga-Ombiimbeli Ondjapuki 1 ONDJALULO 5 Bible Online

1 ONDJALULO 5 - Oshindonga-Ombiimbeli Ondjapuki bible

1 ONDJALULO 5

¹Mpaka otapa landula oluvalo lwaReuben, omukuluntu gwomaana yaJakob. (Molwaashoka a lalele nagumwe gwomoohonda dhahe, okwa kanitha uuthemba wuusheeli, mboka wa pewa Josef.

²Ezimo lyaJuda olya ningi enankondo nolya lele omazimo agehe, ihe Josef okwa li e na uuthemba wuusheeli.)

³Aana yaReuben, osheeli shaJakob, oya li Hanok, Pallu, Hezron naKarmi.

⁴Nduka oluvalo lwaJoel, okuza kepipi sigo okepipi ekwawo: Shemaia, Gog, Shimei, Mika, Reaia, Baal naBeera. Omupangeli gwaAssur Tiglat Pileser okwa kwata po Beera, omuwiliki gwezimo, e te mu fala muupika.

⁷Ondjalula yaawiliki yomaludhi mezimo lyaReuben oyo ndjika: Jeiel, Sakaria,

⁸naBela yaAzaz yaShema yaJoel. Oludhi nduka olwa kala muAroer moshikandjo shokuumbangalantu sigo oNebo naBaal Meon.

⁹Oya li ye na iimuna oyindji moshilongo Gilead, onkee oya lala evi sigo okooha dhombuga ndjoka ya taandela kuuzilo sigo omulonga Eufrat.

¹⁰Muuyuni womukwaniilwa Saul ezimo lyaReuben olya matukile Aahagari, olye ya dhipagele molugodhi, e tali kwata po evi lyawo muuzilo waGilead.

¹¹Ezimo lyaGad olya kala kuumbangalantu waReuben mevi Baasha sigo uuzilo kuSalka.

¹²Joel okwa li omutotipo gwoludhi lwokomeho, naShafam ogwoludhi olutiyali mesimano. Janai naShafat oya li aatotipo yomaludhi muBaasha.

¹³Iilyo iikwawo yomezimo ndika oya pamba omaludhi ngaka gaheyali: Mikael, Meshullam, Sheba, Jorai, Jakan, Sia naEber.

¹⁴Oyo oluvalo lwaAbihail yaHuri, ngoka oohekulu ya li ngaashi tashi landula mpaka: Abihail, Huri, Jaroa, Gilead, Mikael, Jeshishai, Jahdo, Bus.

¹⁵Ahi yaAbdiel, omutekulu gwaGuni, okwa li omukuluntu gwomaludhi ngaka.

¹⁶Oya li moshikandjo shaBaasha naGilead, miilando yaankoka nokomaunapelo agehe gaSharon.

¹⁷Mbika ayihe oya nyolelwa mondjalula yomazimo muuyuni waJotam, omukwaniilwa gwaJuda, nopethimbo lyaJeroboam, omukwaniilwa gwaIsrael.

¹⁸Momazimo gaReuben, Gad naManasse kuuzilo omwa li aakwiita 44 760 ya pyokoka nawa okulongitha iikandekitho, omagongamwele nomatati.

¹⁹Oya yi kiita, ya ka matukile Aahagari, omazimo gaJetur, Nafish naNodab.

²⁰Oyi inekele Kalunga e taye mu kugile ekwatho, Kalunga nokwa yamukula omagalikano gawo e te ya sinditha Aahagari naayehe mboka ya li ya hangana nAahagari.

²¹Kaatondi oya kwata ko oongamelo 50 000, oonzi 250 000 nuusino 2 000 e taa kwata oonkwatwa miita 100 000.

²²Oya dhipaga aatondi oyendji, oshoka iita mbika oya li yopahalo lyaKalunga. Oya yi ya ka kale moshikandjo shoka, sigo ya falwa muupika.

²³Ezimo lyaManasse kuuzilo olya li moshikandjo shaBaasha sigo oBaal Hermon, Senir nondundu Hermon, naantu yalyo oyi indjipala noonkondo.

²⁴Aakuluntu yomaludhi gawo oya li mbaka: Efer, Ishi, Eliel, Asriel, Jeremia, Hodavia naJahdiel. Oya li aakwiita oofule naawiliki aasimani yomaludhi gawo.

²⁵Ihe aantu inaa dhiginina Kalunga koohekulu. Oye mu etha e taa longele iikalunga yiigwana mbyoka Kalunga e yi tidhile mo moshilongo.

²⁶Onkee ano Kalunga okwa sikumudha Pul, omupangeli gwaAssur (kokutya Tiglat Pileser), a matukile oshilongo shawo. Okwa kwata po omazimo gaReuben, Gad naManasse kuuzilo e te ga langeke ga kalelele muHalak, Habor naHara nopomulonga Gosan.