Read Oshindonga-Ombiimbeli Ondjapuki 1 ONDJALULO 9 Bible Online

1 ONDJALULO 9 - Oshindonga-Ombiimbeli Ondjapuki bible

1 ONDJALULO 9

¹Aaisraeli ayehe oya li ya nyolelwa momusholondondo pamazimo gawo, nomayelithilo ngaka oga li ga nyolelwa membo lyaakwaniilwa yaIsrael. Aajuda oya kwatwa po ya falwa kuBabilon omolwokugeelelwa oondjo dhawo.

²Mongundu yaantu mboka ya shuna tango kaandjawo kiilando yawo omwa li Aaisraeli, aayambi, Aalevi naayakuli motempeli.

³Aantu yomomazimo gaJuda, gaBenjamin, gaEfraim nogaManasse oya ka kala muJerusalem.

⁴Okwa li ku na omagumbo 690 gAajuda mboka ya ka kala muJerusalem. Oluvalo lwaPerez yaJuda olwa li lu na omuwiliki gwalwo Utai waAmmihud, omutekulu gwaOmri. Oohekulu yalwe oyo Imri naBani. Oluvalo lwaShela yaJuda olwa li lu na omuwiliki gwalwo Asaia, ngoka a li omukuluntu gwegumbo lye. Oluvalo lwaSera yaJuda olwa li lu na omuwiliki gwalwo Jeuel.

⁷Iilyo mbika yezimo lyaBenjamin oya kala muJerusalem: Sallu yaMeshullam gwaHodavia yaHassenua Ibneia yaJeroham Ela lyaUssi, omutekulu gwaMikri, Meshullam yaShefatia gwaReuel yaIbnija.

⁹Okwa li omagumbo 956 gomezimo ndika ga kala moka. Aasamane ayehe ya tomonwa komadhina, oya li ooyene yomikunda.

¹⁰Aayambi taa landula ko, oya kala muJerusalem: Jedaia, Jehoiarib, Jakin Azaria yaHilkia (omukuluntu motempeli), ngoka oohekulu taa kwatelele mo Meshullam, Sadok, Meraiot naAhitub Adaia yaJeroham yaPashhur yaMalkija Masai yaAdiel, ngoka oohekulu taa kwatelele mo Jahsera, Meshullam, Meshillemit naImmer.

¹³Aayambi mboka ya li ooyene yomikunda ayehe kumwe 1 760. Oya li omapenda miilonga ayihe yomotempeli.

¹⁴Aalevi mboka ya kala muJerusalem, oyo mbaka: Shemaia yaHasshub ngoka oohekulu ya kwatelele mo Asrikam naHashabia yoludhi lwaMerari Bakbakkar, Heresh naGalal Mattania yaMika ngoka oohekulu taa kwatelele mo Sikri naAsaf Obadia yaShemaia ngoka oohekulu taa kwatelele mo Galal naJedutun Berekia yaAsa, omutekulu gwaElkana, ngoka a kala moshikandjo moka mu na oshilando Netofa.

¹⁷Mbaka oya li aatonateli yotempeli muJerusalem: Shallum, Akkub, Talmon naAhiman. Shallum oye a li omuwiliki gwawo.

¹⁸Pethimbo ndiyaka aantu yomaludhi gawo oya li taa tonatele posheelo shokuuzilo haku tiwa Osheelo shomukwaniilwa. Nale oya kala taa tonatele pomaelo goontanda dhAalevi.

¹⁹Shallum yaKore, omutekulu gwaAbiasaf, pamwe nayakwawo yoludhi lwaKora, oya li aasilishimpwiyu yokutonatela osheelo shetsalihangano lyOmuwa, naanaa ngaashi oohekulu ya li taa tonatele ontanda yOmuwa.

²⁰Pinehas yaEleasar — Omuwa na kale pamwe naye — okwa li nale omukuluntu gwawo.

²¹Sakaria yaMeshelemia okwa li wo omutonateli posheelo shetsalihangano lyOmuwa.

²²Aalumentu mboka ya li ya hogololelwa okutonatela piiyelo, oya li 212 ayehe kumwe. Oya li ya tulwa momisholondondo pamikunda dhaandjawo hoka ya kala. Omukwaniilwa David nomuhunganeki Samuel oyo ya langekele oohekulu mesiloshimpwiyu lyiilonga mbika.

²³Oyo pamwe nomaluvalo gawo oya tsikile okutonatela piiyelo yotempeli.

²⁴Okwa li omweelo gwa taalela ombinga kehe: uumbangalantu, uumbugantu, uuzilo nuuninginino, noshaa ngoka ogwa li gu na omutonateli omukuluntu.

²⁵Aatonateli mbaka oya li ya thikama maakwanezimo yawo, mboka ya kala momikunda noya li haa ningi omalufo gomasiku gaheyali miilonga yetonatelo.

²⁶Oondjayi dhaakuluntu yaatonateli oya li Aalevi yane. Oya li wo haa tonatele omala gomotempeli nomaliko ngoka ga pungulilwa mo.

²⁷Oya kala popepi notempeli, oshoka oya li haa yi tonatele nokweegulula omiyelo ongula kehe.

²⁸Aalevi yalwe oya li aasilishimpwiyu yiilongitho yomelongelokalunga. Taa yi yalula, sho tayi zi mo, notaye yi yalula, sho tayi ka pungulwa ishewe.

²⁹Yalwe oya li ya tonatele iilongitho yilwe iiyapuki, uusila womunziya, omaviinu, omagadhi, iitsinino niizimba.

³⁰Oshimpwiyu shokulunga iizimba osha li kaayambi.

³¹Omulevi, edhina lye Mattitia, osheeli shaShallum gwomoludhi lwaKora, okwa li omunashimpwiyu gwomayambo ga kangwa.

³²Aantu yoludhi lwaKohat oya li taa sile oshimpwiyu okuninga iikwiila iiyapuki yomotempeli Esabati kehe.

³³Omagumbo gamwe gAalevi oga li taga sile oshimpwiyu shomaimbilo gomotempeli. Aakuluntu yomagumbo ngaka oya li ya kala momatungo gamwe gomotempeli noya li ya manguluka kiilonga yilwe, oshoka oya kala meyakulo omutenya nuusiku.

³⁴Aalumentu ya tumbulwa oya li ooyene yomikunda pampola yoohekulu. Oya li aakuluntu ya kala muJerusalem.

³⁵Jeiel okwa dhike oshilando Gibeon e ta kala mo. Omukulakadhi gwe oMaaka.

³⁶Osheeli she oAbdon, noyana yalwe oyo Sur, Kish, Baal, Ner, Nadab,

³⁷Gedor, Ahio, Sakaria naMiklot,

³⁸he yaShimea. Omaluvalo gawo oga kala muJerusalem popepi nomagumbo galwe goludhi lwawo.

³⁹Ner ohe yaKish, naKish okwa vala Saul. Saul okwa li e na oyanamati yane: Jonatan, Malkishua, Abinadab naEshbaal.

⁴⁰Jonatan okwa valelwa Meribbaal, ngoka a valelwa Mika.

⁴¹Mika okwa li e na oyanamati yane. Oyo Piton, Melek, Tahrea naAhas.

⁴²Ahas okwa valelwa Jara, ngoka a li e na oyanamati yatatu: Alemet, Asmavet naSimri. Simri okwa valelwa Moza.

⁴³Moza ohe yaBinea, Binea oyaRefaia, Refaia oyaEleasa naEleasa oyaAzel.

⁴⁴Azel okwa li e na oyanamati yahamano: Asrikam, Bokeru, Ismael, Shearia, Obadia naHanan.