Read Oshindonga-Ombiimbeli Ondjapuki ESRA 2 Bible Online

ESRA 2 - Oshindonga-Ombiimbeli Ondjapuki bible

ESRA 2

¹Oyendji yomaapongekwa oya zi moshikandjo shaBabilon e taa shuna kuJerusalem naJuda, shaa ngoka okoshilando shaandjawo. Omazimo gawo oga li muupika muBabilonia, okuza sho omukwaniilwa Nebukadnezzar e ya kwatele oonkwatwa.

²Aawiliki yawo oya li Serubbabel, Josua, Nehemia, Seraia, Reelaia, Mordekai, Bilshan, Mispar, Bigvai, Rehum naBaana. Nguka omusholondondo gwomaludhi gaIsrael, pamwe nomwaalu gwoludhi kehe ndoka lwa galuka muupika:

³Parosh — 2 172 Shefatia — 372 Arah — 775 Pahat Moab (omaluvalo gaJeshua naJoab) — 2 812 Elam — 1 254 Sattu — 945 Sakkai — 760 Bani — 642 Bebai — 623 Asgad — 1 222 Adonikam — 666 Bigvai — 2 056 Adin — 454 Ater (haku tiwa Hiskia) — 98 Bezai — 323 Jora — 112 Hashum — 223 Gibbar — 95.

²¹Aantu mboka oohekulu ya li momikunda tadhi landula, oya li wo ya galuka: Betlehem — 123 Netofa — 56 Anatot — 128 Asmavet — 42 Kiriat Jearim, Kefira naBeerot — 743 Rama naGeba — 621 Mikmash — 122 Betel naAi — 223 Nebo — 52 Magbish — 156 Elam oshikwawo — 1 254 Harim — 320 Lod, Hadid naOno — 725 Jeriko — 345 Senaa — 3 630.

³⁶Nguka omusholondondo gwomaludhi gaayambi mboka ya galuka muupika: Jedaia (omaluvalo gaJeshua) — 973 Immer — 1 052 Pashhur — 1 247 Harim — 1 017.

⁴⁰Omaludhi gAalevi ngoka ga galuka muupika: Jeshua naKadmiel (omaluvalo gaHodavia) — 74 Aayimbi motempeli (omaluvalo gaAsaf) — 128 Aalangeli yotempeli (omaluvalo gaShallum, Ater, Talmon, Akkub, Hatita naShobai) — 139.

⁴³Omaludhi gaalongi yomotempeli ngoka ya galuka muupika: Ziha, Hasufa, Tabbaot, Keros, Siaha, Padon, Lebana, Hagaba, Akkub, Hagab, Shamlai, Hanan, Giddel, Gahar, Reaia, Rezin, Nekoda, Gasam, Ussa, Pasea, Besai, Asna, Meunim, Nefisim, Bakbuk, Hakufa, Harhur, Bazlut, Mehida, Harsha, Barkos, Sisera, Temah, Neziah naHatifa.

⁵⁵Omaludhi gaapiya yaSalomo mboka ya galuka muupika: Sotai, Hassoferet, Peruda, Jaala, Darkon, Giddel, Shefatia, Hattil, Pokeret Hazzebaim naAmi.

⁵⁸Omwaalu aguhe kumwe gwomaluvalo gwaalongi yomotempeli nogwaapiya yaSalomo mboka ya galuka muupika, ogwa li 392.

⁵⁹Okwa li aantu 652 yomomaludhi gaDelaja, Tobia naNekoda mboka ya galuka ya zi kiilando Tel Mela, Tel Harsha, Kerub, Addan, naImmer; ihe kaya li taa vulu okuholola kutya yo omaluvalo gAaisraeli.

⁶¹Mokati komaludhi gaayambi omwa li omaluvalo gaHabaia, Hakkoz naBarsillai (omulumentu ngoka a hokanene omuna gwOmugilead Barsillai nokwi ithanwa nedhina lyahemweno.)

⁶²Omaludhi ngaka sho inaaga wapa okumona oondjalula dhomazimo gago, oga kondwa mo muuyambi.

⁶³Omuleli gwAajuda okwe ya indike iikulya ya yambelwa Kalunga, manga kaaku na omuyambi ta vulu okulongitha Urim naTummim.

⁶⁴Omwaalu gwaayehe mboka ya galuka muupika ogwa li 42 360,

⁶⁵kakele kaapiya yawo aalumentu naakiintu, mboka ya li 7 337. Oya li ye na wo aayimbi aalumentu naakiintu 200.

⁶⁶Oya li ye na uukambe 736, omamulutiya 245,

⁶⁷oongamelo 435 nuusino 6 720.

⁶⁸Aapongekwa sho ya thiki potempeli yOmuwa muJerusalem, yamwe yomaawiliki yomaludhi oya gandja pahalo lyawo yene omagano gomayambo, ya kwathe metungululo lyotempeli pehala lyayo.

⁶⁹Pankondo dhawo oya gandja moshiketha shetungululo iimaliwa yiingoli 61 000, uutale wiisiliveli 5 000 noonguwo dhaayambi 100.

⁷⁰Aayambi, Aalevi nayamwe yomaantu oya kala muJerusalem nenge popepi nasho; aaimbi, aalangeli yotempeli naalongi motempeli oya tula momikunda dhopuushiinda; noshihupe shAaisraeli osha tula momikunda moka oohekulu ya li ya kala.