Read Oshindonga-Ombiimbeli Ondjapuki EKSODUS 11 Bible Online

EKSODUS 11 - Oshindonga-Ombiimbeli Ondjapuki bible

EKSODUS 11

¹Omuwa okwa lombwele Moses a ti: “Otandi tumu owala egeelo limwe komukwaniilwa gwaEgipiti naantu ye. Nena ote mu laleke mu ye. Nokuli ote ke mu tidha mo moshilongo.

²Ngashingeyi lombwela Aaisraeli, ya lombwelathane ayeheyehe to ti naa hehele kaashiinda yawo iinima yiingoli noyiisiliveli.”

³Omuwa okwa simanekitha Aaisraeli kAayegipiti. Eeno, nomalenga go gene wo naantu ayehe oya simaneke Moses omuntu omunene.

⁴Moses okwa ti komukwaniilwa: “Omuwa ota ti: ‘Pokati kuusiku otandi taakana Egipiti,

⁵nomumati kehe osheeli muEgipiti ota ka sa, okuza kosheeli shomukwaniilwa, ngoka te mu landula muukwaniilwa, sigo okosheeli shomukulukadhi omupika, ngoka ha tsu koshini. Iisheeli ayihe yiimuna wo oyi na okusa.

⁶MuEgipiti otamu ka kala elilagano enene, noshinima shika inashi kala mo nale noitashi ka kala mo we.

⁷Ihe kape na nokuli ombwa tayi ka gwedha Aaisraeli nenge iimuna yawo. Nena otamu ka tseya kutya ngame Omuwa tandi ningi eyooloko pokati kAayegipiti nokAaisraeli.’ ”

⁸Moses okwa tsikile ko ta ti: “Omalenga goye agehe otage ke ya kungame e tagi inyongamene kungame nokwiindila ndje, ndi kuthe po aantu yandje ayehe, ndi ze po ndi ye. Konima yaambika otandi ka ya.” Nena Moses okwa zi po pomukwaniilwa a geya omulilo gwowala.

⁹Omuwa okwa lombwele Moses e ta ti: “Omukwaniilwa ota ka tinda oku mu pulakena, opo ndi longe iinyengandunge iinene muEgipiti.”

¹⁰Moses naAaron oya tsakanitha iinyengandunge mbika ayihe koshipala shomukwaniilwa, ihe Omuwa okwa kukutike omwenyo gwe, noina laleka Aaisraeli ya ze mo moshilongo she.