Read Oshindonga-Ombiimbeli Ondjapuki JOB 21 Bible Online

JOB 21 - Oshindonga-Ombiimbeli Ondjapuki bible

JOB 21

¹Pulakeneni nawa oohapu dhandje; nadhi mu hekeleke.

³Idhidhimikilii ndje manga tandi popi, nongele nda hulitha, shekeni ihe.

⁴Sho te lili, ote lilile omuntu? Itashi vulika ndi idhidhimike?

⁵Talii ndje e tamu kumwa; ikwateni komilungu.

⁶Ngele tandi shi dhiladhila, otashi halutha ndje; otandi ningi omahwilili.

⁷Omolwashike aakaanakalunga taa ethiwa ya kale nomwenyo, taa li nawa notaa ningi aanankondo?

⁸Otaa kokitha oyana ye li puyo, naatekulu yawo oye li momeho gawo.

⁹Momagumbo gawo omu na ombili, kamu na uumbanda. Ondhimbo yaKalunga itayi ya adha.

¹⁰Oontsezi dhiimuna yawo odhi na ombuto ombwanawa; oonzinzi dhawo otadhi vala nawa.

¹¹Otaa pititha mo oyana ngaashi oonzi, nuuhanona wawo otau nyanyukwa.

¹²Otaa imbi taa dhenge oontunda nokuhika uuharpa, notaa nyanyukilwa ehiko lyomankuma.

¹³Otaa kala ethimbo alihe ye na elago, notaa yi mombila ye na ombili.

¹⁴Aakaanakalunga otaa lombwele Kalunga a ze po puyo; inaa hala okutseya ehalo lye.

¹⁵Otaa ti: “Omunankondoawike olye, opo tu mu longele? Otashi tu kwatha shike oku mu galikana?”

¹⁶Ihe itaa mono elago koonkondo dhawo yene, onkee omadhiladhilo gawo naga kale ndje kokule.

¹⁷Olungapi uuyelele waakaanakalunga tau dhimwa po, nolungapi oshiponga tashi ya akele? Kalunga ote ya tumine iiponga mondjahi ye?

¹⁸Otaa fe iiyagaya tayi yi ombepo nongetutu tali pepwa po kokambiya?

¹⁹Omwa hala Kalunga a geele omunona molwoondjo dhahe. Ihe hasho, Kalunga na geele omuyoni ye mwene, opo e shi tseye.

²⁰Omeho ge naga tale omupya gwe mwene, noye mwene e na okunwa ondjahi yOmunankondoawike.

²¹Oshoka oku na shike nasho, uuna ta thigi po yaandjawo, uuna omasiku ge taga ti kehulilo?

²²Oku na tuu omuntu ta longo Kalunga oondunge, oongoka ta pangula naamboka yomegulu?

²³Omuntu gumwe ota si e na oonkondo dha gwana, e li nawa noku na ombili.

²⁴Oondjupa dhe odhu udha omahini, nomasipa ge oge na omongo ogwindji.

²⁵Manga omuntu mukwawo ta si e na uululume momutima ye ina mona nando uuwanawa washa.

²⁶Ayehe otaa si e taa fumvikwa mevi, omazinyo notage ya li po.

²⁷Taleni, onda tseya shoka tamu dhiladhila, sho tamu kotokele ndje niineya yeni.

²⁸Otamu pula: “Egumbo lyomunenentu oli li peni, eha moka hamu longelwa uukolokoshi?”

²⁹Omwa pulile mbo taa ende momapola? Omwa tseya omahokololo ngoka taye ge mu lombwele?

³⁰Omukeenakalunga ota ka hupa tuu mesiku lyegeelo, ota ka hunuka mo tuu mesiku lyondjahi?

³¹Olye te mu ulukile omikalo dhe, nolye te mu geelele shoka a longo?

³²Ota falwa kombila, aalangeli notaa tonatele ombila ye.

³³Evi lyomolusilu otali mu siikile nombili; aantu ayehe otaye mu landulile mombila, ongaashi oyendji ye mu tetekelele mo.

³⁴Omahekeleko geni itaga kwatha ndje sha. Omayamukulo geni ogu udha iifundja.