Read Oshindonga-Ombiimbeli Ondjapuki JOB 27 Bible Online

JOB 27 - Oshindonga-Ombiimbeli Ondjapuki bible

JOB 27

¹Otandi uvaneke kuKalunga omunamwenyo nOmunankondoawike, ngoka inaa zimina uuyuuki wandje nokwa pe ndje uululu.

³Manga ndi na omwenyo,

⁴omilunga dhandje itadhi ka popya uukolokoshi, nelaka lyandje itali ka tumbula iifundja.

⁵Itandi ka zimina okupopya kweni kutya oku li mondjila, sigo okusa itandi ki idhimbika uuyuuki wandje.

⁶Itandi ke etha uushili wandje; eiyuvo lyandje olya yela.

⁷Aatondi yandje naa talwe ya fa aakolokoshi, naaniita nangame ya fe iipululu.

⁸Aakaanakalunga oye na etegameno lyashike ngele taa hulu po, uuna Kalunga te ya kutha omwenyo?

⁹Kalunga ota ka uva tuu okulila kwawo, uuna oshiponga tashi ya adha?

¹⁰Otaa ka nyanyukilwa tuu Omunankondoawike? Otaa ka galikana tuu Kalunga omasiku agehe?

¹¹Otandi mu nongeke, mu tseye oonkondo dhaKalunga, oondjila dhOmunankondoawike itandi dhi holeke.

¹²Taleni, ngaashi mwe shi imonena! Omolwashike tamu ihepeke?

¹³Mpaka ope na omupya, Kalunga e gu nunina aakaanakalunga, shika oshipewa shaakolokoshi sha zi kOmunankondoawike.

¹⁴Oyana nando oyendji, oyu uthilwa okusila miita, noluvalo lwawo italu ka kala lu na iikulya ya gwana.

¹⁵Elega otali kutha po mboka ya hupu po, naaselekadhi yawo itaa ke ya lila.

¹⁶Aakaanakalunga nando naa indumbile oshisiliveli shi thike pontsi yevi noonguwo dhaa shi kuyalulwa, itashi kwatha sha.

¹⁷Omuyuuki ote dhi zala po, nomunashili ota ka kutha po oshisiliveli shawo.

¹⁸Omagumbo gawo oga fa owala omawiiwili, ongaashi omatsali gaalangeli yepya.

¹⁹Otaa ka lala aayamba, ihe sho taa penduka, uuyamba wawo wa kana po.

²⁰Uumbanda otau ya siikile ngaashi efundja; ombepo yoshikungulu otayi yi nayo uusiku.

²¹Ombepo yokuuzilo otayi ya pepe po notayi ya umbu mo momagumbo gawo.

²²Otayi ya ndanga po pwaa na ohenda, manga taa kambadhala okuya ontuku.

²³Ombepo otayi ya dhenge moshipala notayi ya tilitha noonkondo dhayo.