Read Oshindonga-Ombiimbeli Ondjapuki JOB 40 Bible Online

JOB 40 - Oshindonga-Ombiimbeli Ondjapuki bible

JOB 40

¹Job, owa tamaneke Kalunga Omunankondoawike. Owa hulile mpono nenge oto yamukula?

³Omuwa, onda popi oohapu dhuugoya. Otandi ikwata komulungu.

⁵Oshoka onda popi naashoka nda li ndaa na okupopya.

⁶Nena Omuwa okwa popitha ishewe Job moshikungulu.

⁷Thikama wu ukilila ngaashi omulumentu, u yamukule omapulo gandje.

⁸Owa tamaneke ndje kutya kandi na uuyuuki; owa pe ndje uusama e to iningi omuyuuki.

⁹Ou na oonkondo dhi thike pundhoka dhandje? Ewi lyoye otali vulu okundunduma ngaashi lyandje?

¹⁰Ngele osho, zala nduno uuyelele neadhimo, oonkondo nesimano.

¹¹Aantu mboka ye na uuntsa, ya poolela ondjahi yoye e to ya shundula.

¹²Eeno, ya tala e to ya shonopeke; hanagula po sheke aakaanakalunga.

¹³Ya fumvika mevi ayehe; ya pandekela muuyuni wokuusi.

¹⁴Nena otandi ka zimina kutya oonkondo dhoye odho dhe ku pe esindano.

¹⁵Tala evukule; ongame nde li shiti, ngaashi nde ku shiti wo. Ohali li omwiidhi lya fa ongombe,

¹⁶ihe oli na oonkondo oonene molutu nomoontumba dhalyo.

¹⁷Omushila gwalyo otagu tekateka gwa fa omusedeli; oothipa noonto dhalyo odha kola nawa.

¹⁸Omasipa galyo oga kola ngaashi oshikushu, nomagulu galyo ongaashi iitenda.

¹⁹Evukule olyo oshinamwenyo oshikumithi shi vule ayihe! Omushiti gwalyo oye awike e li sinde.

²⁰Oondundu ohadhi li menithile iipalutha, niiyamakuti ayihe otayi dhana popepi nalyo.

²¹Otali kothele kohi yomano notali holama mokati komanenge gomomulonga.

²²Omano otage li ningile omuzile, nomiti dhopomulonga otadhi li kundukidha.

²³Ihali tila efundja, ngele tali li adha; omulonga Jordan sho tagu kunguluka, itali inyenge.

²⁴Olye ta vulu oku li manga komeho noku li kwata? Olye ta wapa oku li kwata nondjolo meyulu?