Read Oshindonga-Ombiimbeli Ondjapuki JOB 5 Bible Online

JOB 5 - Oshindonga-Ombiimbeli Ondjapuki bible

JOB 5

¹Job, igidha! Oku na tuu ngo te ku yamukula? Oguni gwomaayapuki te ku yamukula?

²Ongeyo otayi li egoya, nefupa otali fala omuhasha meso.

³Ngame mwene onda mono omugoya ta yugu, ihe ohaluka egumbo lye olya thingwa.

⁴Oyana oya kala kokule negameno; moompangu otaa lyatelwa pevi pwaa na omupopili.

⁵Aasindjala otaa li po iilya ye — otaa teya nomombungwiidhi aanotelwa otaa kwata po eliko lye.

⁶Oshoka oshiponga ihashi hituka mohi, nuudhigu ihau ndjituka mevi.

⁷Omuntu oti iyetele uudhigu, osho lela ngaashi oohandje hadhi tuka dhu uka pombanda.

⁸Ihe ando ngame onda li ngoye, ando otandi uka kuKalunga notandi mu faalele uudhigu wandje.

⁹Ota longo iinyengandunge itaayi vulu okuyelekwa, iilongankondo itaayi vulu okuyalulwa.

¹⁰Evi ote li lokithile omvula, nomeya ote ga poolele momalundu.

¹¹Eeno, oye Kalunga ta yambula po aafupi e ta nyanyudha mboka taa lili.

¹²Ota pilaaleke oompangela dhaanandunge nota hanagula po omakoto gaanongo, opo yaa tompole sha.

¹⁴Omilema otadhi ke ya luudhila moshanga shomutenya, notaa ka pampadhala ngaashi muusiku.

¹⁵Kalunga ota hupitha oohepele meso, ote ya hupitha miikaha yaanankondo.

¹⁶Ohepele ote yi pe etegameno nomukolokoshi ote mu mweneke.

¹⁷Omunelago omuntu ngoka Kalunga te mu pukulula. Ino dhina egeeloputudho lyOmunankondoawike.

¹⁸Oshoka ota dhenge, ihe ota panga wo, ote ehameke, ihe iikaha ye otayi aludha.

¹⁹Ote ku hupitha miiponga ihamano, nomoshitiheyali ito adhika kuupyakadhi.

²⁰Mondjala ote ku keelele meso, nomiita ite ku etha u se.

²¹Ote ku gamene komasheko; ito pumbwa okutila, uuna ehanagulo tali ya.

²²Oto ka yola ehanagulo nuulumbu noito ka tila iilikama.

²³Epya lyoye itali ka kala noowege, niilikama itayi ke ku etela, nando oshiponga shasha.

²⁴Oto ka kala nombili metsali lyoye niimuna yoye otayi ka kala ya gwana po inaapu kana sha.

²⁵Aamwoye otaa ka indjipala, noluvalo lwoye otalu ka fa omwiidhi gwokelundu.

²⁶Oto ka ya mombila muukokele wa kola, ngaashi iilya ya adha okuteywa.

²⁷Job, shika otwe shi konakona notwa tseya kutya osho lela. Shi taamba ano.