Read Oshindonga-Ombiimbeli Ondjapuki OMAPISALOMI 110 Bible Online

OMAPISALOMI 110 - Oshindonga-Ombiimbeli Ondjapuki bible

OMAPISALOMI 110

¹Omuwa okwa lombwele omuwa gwandje, omukwaniilwa: “Kuutumba mpaka kolulyo lwandje, sigo tandi tula aatondi yoye kohi yoompadhi dhoye.”

²Omuwa ote ku ningi omukwaniilwa omunankondo muSion, u pangele mokati kaatondi yoye.

³Mesiku to homona aatondi yoye, aalelwa yoye otaye ku kwatha molugodhi. Ngaashi omume gwongula onene, osho aamati yoye taa ka adhima notaye ya kungoye kondundu ondjapuki.

⁴Omuwa okwa gana egano lya kola ye ite li lundulula; “Ngoye oto ka ninga omuyambi gwaaluhe palandulathano lyopaMelkisedek.”

⁵Omuwa oku li kolulyo lwoye; uuna ta ka geya, ota ka sinda aakwaniilwa.

⁶Ota ka geela iigwana, nomidhimba otadhi ka lala apehe; ota ka sinda aakwaniilwa kombanda yevi alihe.

⁷Omukwaniilwa ota ka nwa mokalonga popepi nondjila, noti ikoleke e ta ningi omusindani.