Read Oshindonga-Ombiimbeli Ondjapuki OMAPISALOMI 13 Bible Online

OMAPISALOMI 13 - Oshindonga-Ombiimbeli Ondjapuki bible

OMAPISALOMI 13

¹Episalomi lyaDavid Omuwa, sigo uunake to dhimbwa ndje? Sigo aluhe? Sigo uunake to holama ndje?

²Osigo uunake ndi na okwiidhidhimikila uudhigu? Sigo uunake iimpwiyu yu udha momutima gwandje, omutenya nuusiku? Sigo uunake aatondi yandje taa nyanyukilwa oluhepo lwandje?

³Omuwa, Kalunga kandje, tala ndje e to yamukula ndje. Shunithila ndje oonkondo; ino etha, ndi se.

⁴Ino etha, aatondi yandje ya tye: “Ngashingeyi otwe mu sinda!” Ino ya etha, ya nyanyukilwe okugwilapo kwandje.

⁵Ngame ondi inekela ohole yoye; otandi nyanyukwa, sho to hupitha ndje.

⁶Omuwa, otandi ku imbile, oshoka owa ningile ndje uuwanawa.