Read Oshindonga-Ombiimbeli Ondjapuki OMAPISALOMI 136 Bible Online

OMAPISALOMI 136 - Oshindonga-Ombiimbeli Ondjapuki bible

OMAPISALOMI 136

¹Hambeleleni Omuwa, oshoka oye omwaanawa, nesilohenda lye otali kala aluhe.

²Hambeleleni Kalunga ngoka e vule ookalunga ayehe, oshoka esilohenda lye otali kala aluhe.

³Hambeleleni Omuwa, omukwaniilwa gwaakwaniilwa, oshoka esilohenda lye otali kala aluhe.

⁴Oye ngoka ta longo iikumitha iinene, oshoka esilohenda lye otali kala aluhe.

⁵Oye a shiti egulu kuunongo we, oshoka esilohenda lye otali kala aluhe.

⁶Oye a yala evi kombanda yomeya, oshoka esilohenda lye otali kala aluhe.

⁷Oye a shiti omaminikilo omanene, oshoka esilohenda lye otali kala aluhe:

⁸etango lyokupangela omutenya, oshoka esilohenda lye otali kala aluhe;

⁹omwedhi noonyothi dhokupangela uusiku, oshoka esilohenda lye otali kala aluhe.

¹⁰Oye ngoka a dhipaga po iisheelimati yAayegipiti; oshoka esilohenda lye otali kala aluhe.

¹¹Okwa tembudha mo Aaisraeli muEgipiti, oshoka esilohenda ye otali kala aluhe.

¹²Okwe ya enditha noshikaha she shoonkondo, okwooko kwe kwa taganana, oshoka esilohenda lye otali kala aluhe.

¹³Oye ngoka a taula Efuta etiligane pokati, oshoka esilohenda lye otali kala aluhe.

¹⁴Okwe enditha Aaisraeli mokati kalyo, oshoka esilohenda lye otali kala aluhe.

¹⁵Omukwaniilwa gwaEgipiti netanga lye oya sile mefuta, oshoka esilohenda lye otali kala aluhe.

¹⁶Oye e enditha aantu ye mombuga, oshoka esilohenda lye otali kala aluhe.

¹⁷Okwa dhenge aakwaniilwa ya simana, oshoka esilohenda lye otali kala aluhe.

¹⁸Okwa dhipaga aakwaniilwa aanankondo, oshoka esilohenda lye otali kala aluhe:

¹⁹Sihon, omukwaniilwa gwAayamori, oshoka esilohenda lye otali kala aluhe,

²⁰naOg, omukwaniilwa gwaBaasha, oshoka esilohenda lye otali kala aluhe.

²¹Evi lyawo okwe li pe aantu ye, oshoka esilohenda lye otali kala aluhe.

²²Okwe li pe Israel, omuntu gwe, oshoka esilohenda lye otali kala aluhe.

²³Oye ngoka e tu dhimbulukwa muudhigu wetu, oshoka esilohenda lye otali kala aluhe.

²⁴Okwe tu mangulula maatondi yetu, oshoka esilohenda lye otali kala aluhe.

²⁵Oye ngoka ta palutha iinamwenyo ayihe, oshoka esilohenda lye otali kala aluhe.

²⁶Hambeleleni Kalunga komegulu, oshoka esilohenda lye otali kala aluhe.