Read Oshindonga-Ombiimbeli Ondjapuki OMAPISALOMI 137 Bible Online

OMAPISALOMI 137 - Oshindonga-Ombiimbeli Ondjapuki bible

OMAPISALOMI 137

¹Otwa kuutumba pomilonga dhaBabilon e tatu lili, sho twa dhimbulukwa Sion.

²Uuhumba wetu otwe u tsilike komiti dhopomulonga.

³Oshoka aahepeki yetu oye tu pula, tu ya nyanyudhe, ya ti: “Tu imbileni omaimbilo taga popi Sion.”

⁴Otatu vulu ngiini okwiimbila Omuwa tu li mevi lyuundjendi?

⁵Jerusalem, ngele otandi ku dhimbwa, nena oshikaha shandje shokolulyo nashi lemane.

⁶Elaka lyandje nali kakatele kondaathelo, ngele otandi ku dhimbwa, Jerusalem, ngoye ngo ho nyanyudha ndje unene!

⁷Omuwa, ino dhimbwa, Aaedomi sho ya ningi, uuna Jerusalem sha teka po. Oyi igidha ya ti: “Shi kumunii po, shi teyii po sigo okomakankameno gasho!”

⁸Yaye, shilando Babilon! Oto ka hanagulwa po. Omunelago oye ngoka te ku galulile shoka we tu ningile.

⁹Omunelago oye ngoka ta kutha uuhanona woye e te wu ndandele komamanya.