Read Oshindonga-Ombiimbeli Ondjapuki OMAPISALOMI 14 Bible Online

OMAPISALOMI 14 - Oshindonga-Ombiimbeli Ondjapuki bible

OMAPISALOMI 14

¹Episalomi lyaDavid Aagoya otaa ilombwele taa ti: “Kaku na Kalunga!” Aantu mbaka oya shunduka noya longo iisithahoni; kaku na nando ogumwe ta longo uuwanawa.

²Omuwa oku li megulu noto ontamene aantu kombanda yevi, opo a tale, ngele oku na omunandunge nongele oku na nando ogumwe te mu simaneke.

³Ihe ayehe oya puguma; ayehe oya yonana. Kaku na nando gumwe ta longo shoka shi li mondjila, nando ogumwe.

⁴“Aakolokoshi mbaka inaye shi tseya nani?” Omuwa ta pula. “Oyo haa hupu mokuyuga aantu yandje yo ihaa galikana ndje.”

⁵Oyo taa ka adhika kehaluko enene, oshoka Kalunga okwa gama kumboka haa vulika kuye.

⁶Aakolokoshi ohaa shunitha monima oompangela dhomwiifupipiki, ihe Omuwa oye omugameni gwe.

⁷Ando muSion mu zile Israel ekwatho! Uuna Omuwa ta ka hepulutha natango aantu ye, nena Aaisraeli otaa ka nyanyukwa ngiini!