Read Oshindonga-Ombiimbeli Ondjapuki OMAPISALOMI 140 Bible Online

OMAPISALOMI 140 - Oshindonga-Ombiimbeli Ondjapuki bible

OMAPISALOMI 140

¹Episalomi lyaDavid Omuwa, hupitha ndje miikaha yaakolokoshi; gamena ndje kaalumentu aadhudhu.

²Otaa kaleke uuwinayi momitima dhawo noya hala olugodhi esiku kehe.

³Omalaka gawo oga fa gomayoka guuzigo, noohapu dhawo odha fa uuzigo wontoka.

⁴Omuwa, gamena ndje kiikaha yaakolokoshi, shiga ndje kaalumentu aadhudhu mboka taa dhiladhilile ndje uuwinayi notaa tegele ndje omwigo.

⁵Oonakuholuuntsa, otaa tegele ndje oomwigo meholamo; otaa tegele ndje oshiliya notaa fulile ndje ekelo mondjila.

⁶Ngame ote ti kOmuwa: “Ongoye Kalunga kandje.” Omuwa, uva egalikano lyandje.

⁷Omuwa Omupangeliawike, ongoye omupopili gwandje omunankondo noto gamene ndje esiku lyolugodhi.

⁸Omuwa, aakaanakalunga ino ya pitikila omakamba gawo; ino etha oompangela dhawo dhi tompole sha, opo yaa inenepeke.

⁹Aatondi yandje ino etha ya sinde ndje; ya shunithila uuwinayi mboka ye u ningile ndje.

¹⁰Ya tilahila omakala gomulilo; naa umbilwe meziko lyomulilo nomolumbogo moka itaa ka za mo.

¹¹Ino etha aalundili ya kale moshilongo; elega nali ya kombe po.

¹²Ondi shi shi, Omuwa otu uthile oohepele pauyuuki nota popile aakwanaluhepo.

¹³Aayuuki otaye ke ku hambelela, naanashili otaa ka kala koshipala shoye.