Read Oshindonga-Ombiimbeli Ondjapuki OMAPISALOMI 143 Bible Online

OMAPISALOMI 143 - Oshindonga-Ombiimbeli Ondjapuki bible

OMAPISALOMI 143

¹Episalomi lyaDavid Omuwa, uva egalikano lyandje; pulakena, sho tandi ku kugile ekwatho. Ila, u kwathe ndje omoluudhiginini nuuyuuki woye.

²Omupiya gwoye ino mu fala moompangu, oshoka kaku na omuntu omuyuuki koshipala shoye.

³Omutondi ota tidhagana ndje e ta hata ndje pevi; otu undulile ndje momilema, ongaamboka ya sa nale.

⁴Onda kanitha omukumo; onda tyololoka.

⁵Otandi dhimbulukwa omasiku gonale; otandi tedhatedha ayihe mbyoka we yi ninga, notandi dhiladhila iilonga yoye ayihe.

⁶Otandi yelutha omaako gandje kungoye; onde ku yuulukwa nda fa evi lya kukuta evi lya pumbwa omvula.

⁷Omuwa, yamukula ndje mbala; onda vulwa okutegelela. Ino holeka ndje oshipala shoye, opo ndaa fe mbo taa kulukile muusi.

⁸Ongula kehe nayi etele ndje elaka lyesilohenda lyoye, oshoka onde ku inekela. Otandi ya kungoye megalikano; ulukila ndje ondjila ndi na okweenda nayo.

⁹Omuwa, hupitha ndje miikaha yaatondi yandje; otandi holama mungoye.

¹⁰Longa ndje okugwanitha ehalo lyoye, oshoka ongoye Kalunga kandje. Ombepo yoye nayi endithe ndje mepola lya yelekana.

¹¹Omuwa, hupitha ndje omolwedhina lyoye; pititha ndje muudhigu omoluuyuuki woye.

¹²Molwaasho u hole ndje, hanagula po aatondi yandje; komba po aahepeki yandje ayehe, oshoka ngame omupiya gwoye.