Read Oshindonga-Ombiimbeli Ondjapuki OMAPISALOMI 20 Bible Online

OMAPISALOMI 20 - Oshindonga-Ombiimbeli Ondjapuki bible

OMAPISALOMI 20

¹Episalomi lyaDavid Omuwa ne ku yamukule, uuna u li muudhigu! Kalunga kaJakob ne ku gamene!

²Ekwatho lye nali ku ziilile motempeli ye. Eambidhidho lye nali ku ziilile kondundu Sion.

³Na taambe omagano ngoka to mu etele ye na hokwe omayambo goye agehe.

⁴Ne ku pe shoka wa hala ye na tsakanithe oompangela dhoye adhihe.

⁵Nena otatu ka kolwa kenyanyu omolwesindano lyoye, nokupandeka ekandanga mokusimaneka Kalunga ketu. Omuwa na yamukule omaindilo goye.

⁶Ngashingeyi ondi shi shi kutya Omuwa oha gandja esindano komukwaniilwa gwe omuhogololwa; ote mu yamukula e li megulu lye eyapuki nokoonkondo dhOmuwa, omukwaniilwa ota sindana.

⁷Aantu yamwe otaa inekele omatemba gawo guukwiita, yamwe uukambe wawo, ihe tse otwi inekela oonkondo dhOmuwa Kalunga ketu.

⁸Aantu ya tya ngeyi otaa punduka etaa gwile po, ihe tse otwa thikama twa kolelela.

⁹Omuwa, gandja esindano komukwaniilwa; tu yamukula, ngele tatu ku indile.