Read Oshindonga-Ombiimbeli Ondjapuki OMAPISALOMI 28 Bible Online

OMAPISALOMI 28 - Oshindonga-Ombiimbeli Ondjapuki bible

OMAPISALOMI 28

¹Episalomi lyaDavid Omuwa, omupopili gwandje, otandi ku ithana. Tondoka onkugo yandje! Ngele ito yamukula ndje, nena otandi ka ninga gumwe gwaamboka taa mbolokotele moshaasi.

²Uva ndje, sho tandi ku ithana, sho te ganeke omaako gandje lwokotempeli yoye ondjapuki.

³Ino geela ndje pamwe naadhudhu naambo haa longo uukolokoshi — mbo haa popi nombili, ihe oye na uutondwe momitima dhawo.

⁴Ya geelela iilonga yawo, uuwinayi ye u ninga. Ya geelela iilonga yawo ayihe; ya futa pakulonga kwawo.

⁵Ihaa koneke iilonga yOmuwa naashoka e shi shita; onkee ano ote ya geele e te ya hanagula po sigo aluhe.

⁶Hambeleleni Omuwa, sho a tondoka onkugo yandje.

⁷Omuwa ota gamene ndje e ta popile ndje; onde mu inekela. Oye ta kwatha ndje e ta nyanyudha ndje; otandi mu imbile omaimbilo genyanyu.

⁸Omuwa ota gamene aantu ye; ota popile e ta hupitha omukwaniilwa omuhogololwa gwe.

⁹Omuwa, hupitha aantu yoye, ngu u yambeke aamwoye. Kala omusita gwawo e to ya sile oshimpwiyu sigo aluhe.