Read Oshindonga-Ombiimbeli Ondjapuki OMAPISALOMI 29 Bible Online

OMAPISALOMI 29 - Oshindonga-Ombiimbeli Ondjapuki bible

OMAPISALOMI 29

¹Episalomi lyaDavid Hambeleleni Omuwa, ne oonakukala megulu; tangeni eadhimo noonkondo dhe.

²Simanekeni uunene wedhina lyOmuwa; tseni oongolo koshipala shOmuyapuki, sho ta holoka.

³Ewi lyOmuwa otali uvika momafuta; Kalunga keadhimo ota ndunduma, newi lye otali mbolongondja kombanda yomafuta.

⁴Ewi lyOmuwa oli na oonkondo; ewi lyOmuwa oli na uukolele.

⁵Ewi lyOmuwa otali teya omisendeli, naandhoka wo dhaLibanon.

⁶Omuwa ota yanditha oondundu dhaLibanon omalondo ongoontaagona, nondundu Hermon ote yi nukitha ya fa ondumetana.

⁷Ewi lyOmuwa otali zi olwaadhi.

⁸Ewi lye otali kakamitha ombuga; ota dhekwetitha ombuga yaKadesh.

⁹Ewi lyOmuwa otali shiki oomwandi notali kweya omafo komiti, manga kehe gumwe motempeli ye ti igidha: “Esimano olyaKalunga!”

¹⁰Omuwa oye omupangeli gwomafuta omale; oye omukwaniilwa sigo aluhe.

¹¹Omuwa ota gandja oonkondo kaantu ye note ya pe eyambeko lyombili.