Read Oshindonga-Ombiimbeli Ondjapuki OMAPISALOMI 36 Bible Online

OMAPISALOMI 36 - Oshindonga-Ombiimbeli Ondjapuki bible

OMAPISALOMI 36

¹Episalomi lyaDavid, omupiya gwOmuwa Uulunde otau popi momutima gwomukolokoshi; ota dhini Kalunga ye ite mu simaneke nando.

²Oshoka ohi iyele ye mwene, oha dhiladhila kutya Kalunga ita mono oondjo dhe noite dhi geele.

³Okupopya kwe okwiinayi noku udha iifundja; iha longo we sha shoondunge nenge oshiwanawa.

⁴Mokulala kwe oha tungu oompangela dhuudhudhu; iha longo nando osha shu uka ye iha tindi okulonga uuwinayi.

⁵Omuwa, esilohenda lyoye otali adha sigo okegulu; uudhiginini woye otau ifala sigo okeyalelo.

⁶Uuyuuki woye otau yeluka wa fa oondundu; eutho lyoye olya fa uule wefuta. Aantu niinamwenyo oyi li meke lyoye.

⁷Esilohenda lyoye, Kalunga, kali shi kuhepithwa! Otatu holama momuzile gwomawawa goye.

⁸Otatu li iitendele poshililo shomongulu yoye; oto tu nwetha momulonga guuwanawa woye.

⁹Ongoye oluthithiya lwomwenyo, nomuuyelele woye otu wete uuyelele wo wene.

¹⁰Tsikila okuhola mbo ye ku shi, ngu u hupithe aayuuki.

¹¹Ino etha, aainenepeki ya ponokele ndje nenge aadhudhu ya tidhe ndje.

¹²Tala mpo aakolokoshi ya lala. Oyo mbeya ya gwila po, itaa vulu okupenduka.