Read Oshindonga-Ombiimbeli Ondjapuki OMAPISALOMI 5 Bible Online

OMAPISALOMI 5 - Oshindonga-Ombiimbeli Ondjapuki bible

OMAPISALOMI 5

¹Episalomi lyaDavid Omuwa, pulakena sho tii ku lombwele, ngu u uve omakemo gandje.

²Uva ndje, sho te pula ekwatho, Kalunga kandje, omukwaniilwa gwandje. Otandi ku indile, Omuwa;

³ongula onene oto uvu ewi lyandje; pepito lyetango otandi ku etele eindilo lyandje notandi tegelele, u yamukule ndje.

⁴Ngoye ku shi Kalunga ngoka ha nyanyukilwa uuwinayi; uukolokoshi ito u ethele po pungoye.

⁵Ito vulu okwiidhidhimikila aayitumbaleki; ou tonde ayehe mboka haa longo uukolokoshi.

⁶Ongoye to hanagula po aaniifundja ayehe; aadhipagi naagwaaleki oto ya nyanyala.

⁷Ihe ngame molwohole yoye onene ondi na ompito okuya mongulu yoye ondjapuki ote pitikwa oku ku simaneka noku ku tsila oongolo nuutile.

⁸Omuwa, ondi na aatondi oyendji! Wilika ndje, ndi longe ehalo lyoye; ulukila ndje ondjila yoye, ndi ende nayo.

⁹Oohapu dhaatondi yandje kadhi shi kwiinekelwa; oya hala owala okuhanagula. Oohapu dhawo, odhi na omuheka nomuthenu, ihe odhu udha omakoto omawinayi

¹⁰Kalunga, ya pa uusama, ngu u ya pangule; iineya yawo nayi ya etele omupya. Omolwoondjo dhawo odhindji nomolwondumbo yawo nangoye ya tidha po pungoye.

¹¹Naa nyanyukwe ayehe mboka haa kongo egameno pungoye; otaa ki imba aluhe oondjimbo dhenyanyu. Gamena mboka ye ku hole; omolwoye oye na shili elago.

¹²Omuwa, ongoye ho yambeke mboka haa vulika kungoye; ohole yoye oyo oshikandekitho tashi ya gamene.